පොලද food cityයද

[Alaya]

දෙඅත් එකතුකොට අයුබෝ නොකීවට
ගුඩ් මෝනිං කියා මදහස නොපෑවට
බොරු පොෂ් බවක් පෙන්නුම් නොකලාට
පොළ මට අගෙයි බොරු සෝබන නොතිබ්බට

රාක්ක පුරෝලා නැත එහි සුපිරි බඩු
එනමුත් තිබේ නිතරම එහි අළුත් බඩු
යන එන පාරිභෝගික වෙත පුරුදු හුරු
වෙන් කර තිබේ සුවිසෙස් දේ ඇතුව ගරු

සුපිරි සලේ ඇති බඩුවල රාක්කයේ
සදහන් කෙරේ සදනා විදි මාත්‍රයේ
මාත්‍රාව හරි නොගියොත් කිව් විදියේ
කන්නට වෙන්නෙ ඒ මසවුලු බැරිබැරියේ

නැවුම් එළවළුයි දෙන්නේ එහි කිරා බලා
වැඩිපුර එක දෙකක් දමතියි මූණ බලා
කිසිවිට කිසිවකුව දන්නා නොමග යවා
නොගනියි මුදල් කිසිවිට එහි රවට්ටලා

නැත එහි කිසිම විටකත් මිල ගණින මැෂින්
එනමුත් නිවැරදිව ගණිතෙයි මිල බලා ගනන්
වට්ටමි ලබාදී මහ දන රවට්ටමින්
කරනා බොරුව කිසිදා නැත දැකල මෙමන්

ගෙදර වත්තේ නෙලනා දළු පලා මිටක්
අරන් එන්නෙ සමගිනි එහි සිනා කටක්
එපා නෝනා මොකටද මට කාසි ගොඩක්
ගෙදර වත්තේ දළු මිටියට නොමැත මිලක්

නිරතුරු ප්‍රෝඩාව දකිනෙමි මා සුපිරි සලේ
නැත ඒවගේ බොරු කිසිවක් සතියේ පොලේ
ගන්නා විටදි අතවැසි දේ සොයා බැලේ
උයනා අනෙක විදි කොතෙකුත් කියා දෙතේ

ඔෆිසියෙ මහ මගදි සම්භාෂණයන් හීදී
නානා පිරිස් හමුවී ඇත නොම වැරදී
පෙන්වන මවා පා මූණට මෙන් පනදී
බොරු සෝබනය මා දැක නෑ කිසි විටදී

ඊයේ ගියා අර සිටියට අද මෙහෙට
යන්නේ නෑ පොළට හොඳ නෑ තත්ත්වයට
වස විස එක්ක ගොවිපොලෙ සිට සුපිරියට
කන උන් ගැන දුකයි පින් නැත ගොන් කම්වලට

සුජී .....

18.01.2017

 

[Pium Witharanage]

දෙකේම වාසි අවාසි තියනවනේ බන්.එකක් හොඳයි අනෙක නරකයි කියන්න බැනේ.
කවි සෙට් එක එළට ලියලා තියෙනවා..

 

[netsurfer]

Pola Bump

 

[Ashman]

10+

 

[jhoncenamama]

bump
10+

 

[ravindaj]

දෙකේම වාසි අවාසි තියනවනේ බන්.එකක් හොඳයි අනෙක නරකයි කියන්න බැනේ.
කවි සෙට් එක එළට ලියලා තියෙනවා..

ගොඩක් ක්‍රෙඩිට් කාර්ඩ් නිසා තමයි සුපර් මාර්කට් වලට යන්නේ.

 

[TharushiKU]

 

[willpower]

R+
සමහර මිනිස්සුන්ගේ දරු පවුල් පවා යැපෙන්නේ ඔය පොලට ඇවිත් විකුණන දේ මතයි.

 

[ravindaj]

R+
සමහර මිනිස්සුන්ගේ දරු පවුල් පවා යැපෙන්නේ ඔය පොලට ඇවිත් විකුණන දේ මතයි.

 

[Rummy678]