හෙට දින පැයක විදුලි කප්පාදුවක් හා අනිද්දා සිට පැය දෙකක විදුලි කප්පාදුවක් සිදුකිරිමට නියමිතයි.එ අතර සිකුරාදා දිනය වන විට පැය 4ක් දක්වා විදුලි කප්පාදුව දිර්ඝ විමට නියමිතයි. - CEB -ලබන අඟහරුවාදා සිට විදුලි කප්පාදුවක් සිදු කිරීමට සිදුවන බව ලංකා විදුලිබල මණ්ඩලය පවසයි.
තාප බලාගාරවල දැවිතෙල් අවසන් වීම ඊට හේතුව බවත් නැවත දැවිතෙල් නැවක් එන්නේ මාර්තු අග බවත් මණ්ඩලයේ වැඩබලන සාමාන්යාධිකාරී සුසන්ත පෙරේරා මහතා පැවසීය.
එම බලාගාරවලින් අහිමි වන ධාරිතාව මෙගාවොට් 183ක් බවත් ඒ අනුව විදුලි කප්පාදු සිදු කරන වේලාවන් පිළිබඳ සඳුදා හෝ ඊට පෙර දැනුම් දෙන බවද හෙතෙම පැවසීය.
එමෙන්ම යුගදනවි බලාගාරයටද දැවිතෙල් ප්රමාණවත් වන්නේ දින 10කට පමණක් බවත් එමගින් අහිමි වීමට නියමිත ධාරිතාව මෙගාවොට් 300ක් බවත් කී ඔහු ඉන් පසු නොරොච්චෝල බලාගාරය පූර්ණ ලෙස විදුලිය නිපදවුවද ඉල්ලුමට වඩා සැපයුම අඩුවන බවත් පෙන්වා දුන්නේය.
