පහත සඳහන් වෙන්නේ ගුරුවරයෙක් ඉගැන්වීම කියන සේවයට අමතරව දරුවන් වෙනුවෙන් කරන සේවාවන් වලින් 50% කටත් අඩු ප්රමාණයක්.
පෝෂණ වාර්තා ,
සංගණන වාර්තා ,
ගුණාත්මක සංවර්ධන දර්ශක ගොනු,
සිසු දත්ත ගබඩා,
සුරක්ෂා රක්ෂණ,
හැදුනුම්පත් ඉල්ලුම් පත්,
වාර්ෂික සැලසුම් ,
වාර සටහන් ,
සති සටහන් ,
දින සටහන් ,
පාඩම් සැලසුම් ,
ඇගයීම් සැලසුම් ,
ඇගයීම් ලකුණු වාර්තා ,
ප්රතිඵල විශ්ලේෂණ,
ලකුණු විශ්ලේෂණ,
ප්රතිකාර්ය වැඩසටහන්,
සති සාරාංශ ,
මාසික සාරාංශ ,
ශිෂ්යත්ව ආධාර ඉල්ලුම්පත්,
විභාග ඉල්ලුම්පත්,
ව්යාපෘති යෝජනා,
ව්යාපෘති වාර්තා,
පෙළපොත් ලේඛන,
බඩු වට්ටෝරු පොත්,
ප්රමිති,
පන්ති කව පැවැත්වීම හා වාර්තා,
ප්රශ්න පත්ර සකස් කිරීම,
ප්රශ්න පත්ර යතුරු ලියනය,
මාසික පරීක්ෂණ,
තක්සේරු වාර්තා,
(තව අමතක වුන ඒවා සහ කලාපයෙන් කලාපයට/ පාසලෙන් පාසලට වෙනස් වෙන ලේඛන ඇති.)
අමතරව,
කලාප කාර්යාලයෙන් හිතුන හිතුන ගමන් හෙටම පුරවා එවන්න කියලා එවන විවිධ ලේඛන ,
මෙකී නොකී තව ගොඩක් දේ කලට වෙලාවට සපයන්න ගියාම ගුරුවරුන්ට පාසල් වල උගන්වන්න වෙලාව නෑ.
කාර්යසාධන/ ප්රශ්න පත්ර බැලීම/ අභ්යාස පොත් බැලීම කිසිම ගුරුවරයෙක්ට ගැටළු නෙවෙයි. ඒත් ඉහළ උදවිය කරන විවිධ ව්යාපෘති වෙනුවෙන් බොරුවට කොළ පුරවන්න වෙලා තියෙන්නේ ගුරුවරයාට.
ඊට අමතරව,
බෙහෙත් බෙදීම,
ගැටුම් විසදීම,
පිරිසිදු කිරීම් අධීක්ෂණය,
එක් එක් සංගම් පිහිටුවන්න සහ පවත්වාගෙන යෑම,
ක්රීඩා උත්සව,
අළුත් අවුරුදු උත්සව,
වෙසක් දන් සිල් වැඩසටහන්,
පොසොන් දන් සිල් වැඩසටහන්,
ළමා දින සහ නොයෙකුත් විශේෂ දින සැමරීමේදී පැවරෙන රාජකාරි,
මාර්ගෝපදේශනය හා උපදේශනය,
ක්රීඩා පුහුණු කිරීම්,
පරිසර භට / ශිෂ්ය භට ආදී කඳවුරු,
ඵලදායී පන්ති කාමර පවත්වාගෙන යාම,
දරුවන්ගේ පෞද්ගලික ගැටළු විසදීම,
ආර්ථික අපහසුතා වලදී පිහිට වීම,
පෙළ පොත් බෙදීම,
ප්රශ්න පත්ර ගෙන ඒම,
නිළ ඇදුම් වව්චර් සැපයීම,
විනය මණ්ඩල,
ක්ෂේත්ර චාරිකා,
සිංහල භාෂා/ ඉංග්රීසි දින/ නැටුම් / සංගීත ආදී තරඟ.
කැඳවිවීම්, පොළ ආදිය මඟින් මුදල් සෙවීම,
ප්රදර්ශන, විවිධ ප්රසංග,
බෝධි පූජා,
පා ගමන්,
දෙමාපියන්ගේ දුක් ගැනවිලි ඇසීම්,
ඊටත් අමතරව,
ලියුම් ටයිප් කරන්න,
ෆොටෝ කොපි කරන්න,
කාර්යාලයේ කටයුතු,
වැටුප් හදන්න,
ගිණුම් හදන්න,
බැංකු යන්න,
පාසල මුර කරන්න,
පරිසර අලංකරණ කටයුතු,
අසනීප වෙන ළමයි රෝහල් ගෙනයෑම,
ආදී රාජකාරියෙන් බැහැර කටයුතු
(අනධ්යයන සේවකයන්ගේ කටයුතු)
තමයි වැඩිපුර කරන්න වෙලා තියෙන්නේ.
ඒ සියළුම කටයුතු නිසා පාඩු වෙන කාලච්ඡේද ආවරණය කරන්න ඕනේ හවස් වරුවේ. මේ හවස නොමිලේ කරන පන්ති ඉවර කරලා 4.00ට ගෙදර ඇවිත් රෑ 12 වෙනකල් කොළ පුරවලා පාන්දර 6.00ට නැවත පිටත් වෙන්න ඕනේ.
නැත්නම් අර වැඩ ගෙදර ඇවිත් කරන්න ඕනේ.
පෞද්ගලික ජීවිතයක් නෑ.
තමන්ගේ දරුවො ගැන බලන්න වෙලාවක් නෑ.
අමතර වැඩ කරාට ගෙවීම් නෑ.
අතිකාල දීමනා නෑ.
පාසලේ ලිපි ලේඛන, ගමන් බිමන් වලටත් අතින් වියදම් දරන්න ඕනේ.
එහෙම පීඩනයකින් ඉන්න ගුරුවරු කොහොමද හොද මානසිකත්වයකින් ඉගැන්වීම් කරන්නේ කියලා හිතන්න කවුරුත් නෑ.
ඇත්ත තත්ත්වය නොදැන විවේචනය කිරීම තමයි හැමෝම කරන්නේ.
Danna tharama. Iskole giyata panthiye hitiye nadda?
