තමා අතින් ගැබ් ගත් වයස අවුරුදු 16 ට අඩු ශ්‍රී ලාංකික තරුණියකගේ දරු කලලය ගබ්සා කළ ප්‍රංශ ජාතිකයකුට යාපනය මහාධිකරණය විසින් 24 දා වසර 30 ක බරපතළ වැඩ සහිත සිරදඬුවමක් නියම කළේය.
අදාළ තරුණිය සමග මෙම ප්‍රංශ ජාතිකයා ප්‍රේම සම්බන්ධයක් පවත්වා ගෙන ගොස් ඇය ගැබිනියක් වීමෙන් පසුව නීති විරෝධී ගබ්සා මධ්‍යස්ථානයකට රැගෙන ගොස් ගබ්සාව සිදු කර තිබේ.
අනතුරුව සැකකරු තරුණියට ද නොදන්වා ආපසු ප්‍රංශයට පලා ගොස් එහි සැඟවී සිටින බවට තොරතුරු හෙළිවී තිබේ.
ඔහුට එරෙහිව ගොනු කළ නඩුව විත්තිකරු නොමැතිව විභාග වූ අතර නඩු තීන්දුව ලබාදීමෙන් පසුව ආගමන විගමන දෙපාර්තමේන්තුවේ හා ප්‍රංශ තානාපති කාර්යාලයේ සහය මත ඔහු අත්අඩංගුවට ගැනීමට අවශ්‍ය පියවර ක්‍රියාත්මක කරන ලෙස ද යාපනය මහාධිකරණ විනිසුරුවරයා අදාළ නිලධාරීන්ට නියෝග කර තිබේ.
අදාළ ප්‍රංශ ජාතිකයාට එරෙහිව ප්‍රධාන චෝදනා තුනක් ගොනු කොට තිබූ අතර විත්තිකරු එම චෝදනා තුනටම වරදකරු බව ඔප්පු කිරීමට නිලධාරීන් සමත්වී තිබේ.
ප්‍රංශ ජාතිකයා ආපසු ශ්‍රී ලංකාවට රැගෙන විත් වින්දිත දැරිය විවාහ කොට දීමට හෝ ඇයට විශාල මුදලක් වන්දි වශයෙන් ප්‍රංශ ජාතිකයාගෙන් අය කර දීමට අවශ්‍ය මීළඟ පියවර ගන්නා ලෙස ද මහාධිකරණ විනිසුරුවරයා නිලධාරීන්ට නියෝග කර සිටියේය.
අවුරුදු 30ක් හිරේ ඉන්න යන මිනිහෙක්ව ඒ ළමයාට බන්දලා දෙන්නලු ද?
