ශ්රී ලංකා පොලීසියේ නව නිල ඇඳුම කැනඩා පොලීසියේ නිල ඇඳුමට බොහෝ සෙයින් සමාන වනු ඇතැයි පොලිස් අභ්යන්තර ආරංචිමාර්ග සඳහන් කළේය. ජනාධිපති අනුර කුමාර දිසානායක මහතා 2027 වසරේ අය-වැය යෝජනා ඉදිරිපත් කරමින් සඳහන් කළේ 2027 වසරේ ජූනි මාසයේදී ශ්රී ලංකා පොලිස් නිලධාරීන් සඳහා නවීන තාක්ෂණික උපකරණවලින් සමන්විත නව නිල ඇඳුමක් හඳුන්වා දෙන බවය. මෙම නව නිල ඇඳුම මෙරට දේශගුණික තත්ත්වයන්ට ගැළපෙන පරිදි නිර්මාණය කිරීමට යෝජනා වී ඇති බව ද එහිදී සඳහන් විය.
ශ්රී ලංකා පොලීසිය දැනට සිය නිල ඇඳුම ලෙස භාවිත කරනු ලබන්නේ යටත්විජිත සමයේදී හඳුන්වා දුන් කාකි නිල ඇඳුමයි. එහි කාකි කමිසය කලිසම් රෙද්දෙන් නිමවා තිබේ. කලිසම් රෙද්දෙන් මැසූ එම කමිසය මෙරට දේශගුණික තත්ත්වය ද සැලකීමේදී පොලිස් නිලධාරීන් දැඩි ශාරීරික අපහසුතාවන්ට ලක්කරන්නක් බවට කතාබහක් පවතින්නේ කලක සිටය. එබැවින් නව නිල ඇඳුමක අවශ්යතාව පැවතියත් එය හුදෙක් කතාබහකට පමණක් මෙතෙක් සීමා වී තිබිණි.
මේ වන විට එම නව නිල ඇඳුම යථාර්ථයක් බවට පත්වෙමින් ඇති අතර, එය තවදුරටත් තහවුරු වන්නේ ජනාධිපතිවරයාගේ අය-වැය කතාවෙනි.
“පොලිසියේ නිල ඇඳුම වෙනස් කිරීමට බලය තියෙන්නේ ජනාධිපතිවරයාටයි. ඒ කටයුත්ත දැන් සිදුවෙමින් තිබෙනවා” යැයි පොලිස්පති නීතිඥ ප්රියන්ත වීරසූරිය මහතා ‘පැවසීය.
නිල ඇඳුමට සුදුසු වර්ණ කිහිපයක් සාකච්ඡාවට ලක්වූවත් කැනඩා පොලීසිය භාවිත කරන අළු පැහැති කමිසය සහ නිල් පැහැති කලිසම කෙරෙහි මේ වන විට වැඩි අවධානයක් යොමුව ඇති බව ද පොලිස්පතිවරයා වැඩිදුරටත් සඳහන් කළේය.
https://irinews.com/it-is-revealed-...uFTEEaPTzVV9CdSpOg_aem_codOUHwcQGXt2vyaUtgA1Q
