පොලිසියේ ලොක්කෙක් ව්යාපාරිකයන්ගෙන්
"රීලෝර්ඩ්" ඉල්ලයි
හේමන්ත රන්දුණු
පිළියන්දල පොලිසියේ උසස් නිලධාරියෙක් පිළියන්දල නගරයේ ව්යාපාරිකයන්ට තර්ජනය කරමින් තම ජංගම දුරකථන සඳහා "රීලෝර්ඩ්" දමන ලෙස බලපෑම් කිරීම නිසා එම ව්යාපාරිකයන් දැඩි අපහසුතාවට පත්ව සිටිති.
මේ සම්බන්ධයෙන් ව්යාපාරිකයන් කීපදෙනකුම ගල්කිස්ස පොලිස් කොට්ඨාසය වෙත පැමිණිලි කර ඇත.
පිළියන්දල නගරයේ ව්යාපාරිකයන් බොහෝ දෙනකුට දුරකථනයෙන් කථා කරන මෙම පොලිස් නිලධාරියා තම ජංගම දුරකථනය සඳහා රුපියල් පන්දහසක් හෝ ඊට වැඩි මුදලක් "රීලෝර්ඩ්" කරන ලෙස කියමින් තර්ජනය කර ඇති බව වාර්තාවේ. එසේ නොකළහොත් කරදර වීමට ඉඩ ඇති බව කියමින් ද මොහු ව්යාපාරිකයන්ට බලපෑම් කර ඇත.
මෙම පොලිස් නිලධාරියා ජංගම දුරකථන කීපයක්ම භාවිත කරන බව ද පොලිස් ආරංචි මාර්ග කියා සිටියි.
පිළියන්දල ප්රදේශයේ අපරාධ මර්දනය කිරීමට පත්කර ඇති මෙම නිලධාරියා මේ ආකාරයට ක්රියා කිරීම පොලිස් දෙපාර්තමේන්තුවේ ගෞරවයට ද විශාල කැළලක් බව ව්යාපාරිකයෝ පවසති.
බස්නාහිර පළාත දකුණ නියෝජ්ය පොලිස්පති දයා සමරවීර මහතාගේ අධීක්ෂණය යටතේ මේ සම්බන්ධයෙන් විශේෂ පරීක්ෂණයක් පවත්වා ගෙන යයි.
http://www.divaina.com/2010/07/16/news30.html
hiki hiki
