සහෝදරවරු සමාවෙන්න, මේක ලියන්න ඕනෙමයි කියල හිතුන.
අපේ රට සුද්දගේ සපත්තුවට යට වෙලා තියෙනකොට අපේ රටේ ඉන්න ඔක්කොම ජාති, ජාති භේදයක් නැතිව රට නිදහස් කරගන්න සටන් කරා. ඒකට සිංහල, දෙමළ සහ ඉස්ලාම් ආගම්/ජාතික නායකයෝ සහ ඒ පිටුපස හිටපු මිනිස්සු ඒකට සටන් කරා. සුද්ද අපට රට දල ගියාම අපේ එවුන්ට නිකන් ඉන්න බෑ. කොහෙන් හරි කොක්කක් පටලව ගන්නවා. අපේ රටේ ශ්රේෂ්ට සිංහල මිනිස්සු 83 ගත්ත ආතල් ඒකට මිනිස්සු අවුරුදු බර ගානක් විදෙව්ව. කොච්චර උනත් නැති වෙච්ච සිංහල බෞද්ධ ජීවිත කීයක්ද (අනිත් ජාතීන්ගේ ජීවිත එච්චර වැඩක් නෑ නේ). දැන් ඒ ඔක්කොම ඉවර කරලා අපි නැවත සාමය උදාකරගෙන තියෙනවා. දැන් අපට ප්රශ්න නෑ නේ, එක නිසා අපි බොහොම ඉක්මනට තව ජාතියක්/ආගමක් එක්ක ගේමක් ඉල්ලන්න ඕනේ. ගේම දෙන්න බලාගෙන ඉන්න සහෝදරවරු බොහොමයි කියල පේනවා, මේකේ ලඟදි ගිය threads දැක්කම. පේන විදියට මුස්ලිම් අය තමා ලිස්ට් එකේ අපි අකමැතිම ස්ථානයේ ඉන්නේ (එකටත් චන්දයක් තිබ්බනේ). උන්ගෙන් ගේම ඉල්ලුවානම් හරි. මුස්ලිම් අය හිටියේ නැත්නම් අපිට තිබ්බ කතෝලික අයගෙන් ගේම ඉල්ලන්න (දෙමළ අයගෙන් දෙපාරක් එක ළඟ ගේම ඉල්ලන එක හරි නෑ නේ). එහෙමත් නැත්නම් අපේ කුල මොනවද කියල හොයල ඒවා අතර වලියක් සෙට් කරගන්න තිබ්බ.
අපේ රටේ යුද්ධය තියෙන කාලේ අපි කිසි දෙයක් කියන්නේ නැතිව කැපකිරීම් කරා. දැන් යුද්ධයක් නැති නිසා මිනිස්සු ටික ටික තමන්ගේ බඩගින්නට විසදුම් නැත්තේ අයි කියල අහන්න ගන්නවා. අපේ විශිෂ්ට පාලකයෝ අපිව මොකක් හරි දෙයක් මත බෙදල වලියකට සෙට් කරේ නැත්නම් උන්ට බැංකුවට යන්න අමාරුයි. මේක අතීතයේ ඉඳල එන සරල ක්රමවේදයක් හැබැයි වැඩේ ටක්කෙට හරි යනවා. ජාතිය, අගම, මුණ රවුම්ද ඇදද, පස්ස ලොකුද පොඩිද මේ ඕන එකකින් අපිව කෙටෙව්වහැකි.
අපේ ජාතිය නැති වෙන ඒකට හේතුව විදියට සමාන ලකුණෙන් එහා පැත්තේ මුස්ලිම් ජාතිකයෝ කියල ලියල උත්තරේට ඉරි දෙක ගහන්න දක්ෂ අය බොහොමයි. අපේ අදක්ෂකම වහගන්න හරි පහසු ක්රමයක්නේ. රජ කාලේ සිංහලයෝ විශ්මිත නිර්මාණ කරා කියල ලොකුවට කිව්වට අද අපි මොකද කරන්නේ. ඇටයක් හරි වටිනා දෙයක් හදන එකෙක්ට ඉස්සරහට එන්න ඉඩ දෙනවද.
සත්ව හිංසනයට මමත් අකමැති. නමුත් මේ කට්ටිය මේ දේවල් කරන්නේ එයාලගේ සංස්කෘතිය/ආගමික දේවල් විදියට. එක නවත්වන්න ඕනේ මුස්ලිම් අයට කනට ගහල වත්, ගහපියව් කොටපියව් මරපියව් කියලවත් නෙමේ. අනෙක එකෙක් කතා කරාද බලි තොවිල් තියල සත්තු බිලි දෙන සිංහල උන් ගැන. මේ හැම බිලි පුජවක්ම තිබ්බ අද වෙනකම්, එකපාරටම මේක රටේ තියෙන ලොකුම ප්රශ්නය උනේ කොහොමද. ඇයි උඹලට මේක දවස් දෙකෙන් නවත්තන්න ඕනේ. වැඩක් ක්රමානුකුලව කරන හැටියක් ගැන අහල නැද්ද.
විරුද්ධ වෙන්න ඕනේ නම් ඕන තරම් දේවල් තියෙනවා. අපේ රටේ මැරුම් කන්නේ නැතිව කතා කිරීමේ නිදහස නැති ඒකට විරුද්ධ වෙයල්ලා, කොල්ලෙකුට කෙල්ලෙකුට අතින් අල්ලාගෙන පාරේ බැහැල යන්න බැරි එකට විරුද්ධ වෙයල්ලා. මේවා තමයි සමහර මැදපෙරදිග රටවල් වල, උතුරු කොරියාවේ තියෙන දැඩි නීති. ඒවා මෙහෙ දාන්නේ මුස්ලිම් අය නෙමෙයි, අපේ සිංහල අයමයි. ඒවාට කෑගහපල්ලා.
-ජාතිය කන්න ඉපදුන, දේශ ද්රෝහී , තවත් පරගැත්තෙක්ගේ අදහසක්.
