22 වැනි ව්‍යවස්ථා සංශෝධනයසම්මත කිරීමට
ජනමත විචාරණයක් අවශ්‍ය නැහැ
නීතිපතිවරයා ශ්‍රේෂ්ඨාධිකරණයට දැනුම් දෙයි
යෝජිත 22 වැනි ආණ්ඩුක්‍රම ව්‍යවස්ථා සංශෝධන පනත් කෙටුම්පත මගින් ව්‍යවස්ථාවේ 83 වැනි වගන්තියේ සඳහන් විශේෂිත ප්‍රතිපාදන කිසිවක් සංශෝධනය කිරීමට බලාපොරොත්තු නොවන්නේ යැයි ද, එම නිසා එය සම්මත කිරීමට ජනමත විචාරණයක් පැවැත්වීමට අවශ්‍යතාවයක් නොමැති බව ද නීතිපතිවරයා ශ්‍රේෂ්ඨාධිකරණයට දැනුම් දී තිබේ.
අගවිනිසුරු ප්‍රීති පද්මන් සූරසේන මහතා ප්‍රමුඛ පංචපුද්ගල ශ්‍රේෂ්ඨාධිකරණ විනිසුරු මඬුල්ල හමුවේ මෙම කරුණු ඉදිරිපත් කරනු ලැබුවේ නීතිපතිවරයා වෙනුවෙන් පෙනී සිටි සොලිසිටර් ජෙනරාල් විරාජ් දයාරත්න මහතා විසිනි. අධිකරණයේ ස්වාධීනත්වය සහ කාර්යක්ෂමතාව ඉහළ නැංවීම සඳහා විනිසුරුවරුන්ගේ සංඛ්‍යාව සහ විශ්‍රාම යන වයස වැඩි කිරීමට මෙම සංශෝධනයෙන් යෝජනා කර ඇත. මෙම සංශෝධනයේ ව්‍යවස්ථානුකූලභාවය අභියෝගයට ලක් කරමින් ඉදිරිපත් වූ පෙත්සම් 67ක පෙත්සම්කාර සහ පෙත්සම්වලට මැදිහත් වූ පාර්ශ්වවල සියලු වාද විවාද අවසන් වූ අතර, ශ්‍රේෂ්ඨාධිකරණයේ නිගමනය ජනාධිපතිවරයා වෙත සහ කථානායකවරයා වෙත ඉදිරියේදී යොමු කිරීමට නියමිතය.
