[Guide] ගෙදර ඉඳන් ඩොලර් හොයන්න පුළුවන් US Healthcare BPO (RCM) ගැන මුල ඉඳන් ඉගෙන ගමු - Part 1

අද මම කතා කරන්නේ ලංකාවේ ගොඩක් අයට miss වෙන, හැබැයි ලොකු ඩිමාන්ඩ් එකක් තියෙන industry එකක් ගැන. ඒ තමයි US Healthcare BPO, නැත්නම් Revenue Cycle Management (RCM).

ඇමරිකාවේ healthcare system එක ලංකාවේ වගේ නෙවෙයි, පුදුම විදිහට සංකීර්ණයි. ඒක නිසා එහේ රෝහල් වලට බිල් හදන්න, insurance සමාගම් වලින් සල්ලි ගන්න ලංකාව, ඉන්දියාව, පිලිපීනය වගේ රටවල් වලට මේ වැඩේ outsource කරනවා. සරලවම කිව්වොත්, ඇමරිකාවේ ඉස්පිරිතාල වලට සාධාරණව ලැබෙන්න ඕන සල්ලි ටික හරියට අරන් දෙන එක තමයි RCM කියන්නේ.

මේක තේරුම් ගන්න නම්, මුලින්ම අපි The 3 P’s of Healthcare Finance දැනගන්න ඕනේ:

1. Patient (රෝගියා): ප්‍රතිකාර ගන්න යන කෙනා.
2. Provider (වෛද්‍යවරයා / රෝහල): ප්‍රතිකාර දෙන කෙනා (Doctor, Hospital, Clinic).
3. Payer (රක්ෂණ සමාගම): සල්ලි ගෙවන කෙනා. ඇමරිකාවේ ගොඩක් වෙලාවට ලෙඩා නෙමෙයි සම්පූර්ණ බිල ගෙවන්නේ, ලෙඩාගේ Insurance Company එකෙන් (උදාහරණයක් විදිහට Medicare, Medicaid, නැත්නම් Commercial Insurances).

The Anatomy of a Medical Claim: ලෙඩෙක් Provider (රෝහල) ගාවට ගිහින් ප්‍රතිකාර ගත්තට පස්සේ, Payer (Insurance එක) ගෙන් ඒවට සල්ලි ඉල්ලන්න යවන විශේෂ format එකක invoice එකකට තමයි "Claim" (බිල්පත) එකක් කියන්නේ. මේ Claim එක ඇතුළේ ලෙඩාගේ විස්තර, කරපු ප්‍රතිකාර (Procedures), සහ ලෙඩේ මොකක්ද (Diagnosis එක) වගේ ඔක්කොම විස්තර තියෙනවා.

මේ Claim එකේ එක අකුරක් හරි වැරදුනොත්, Insurance Company එකෙන් සල්ලි ගෙවන්නේ නැතුව ඒක ප්‍රතික්ෂේප කරනවා. ඒකට කියන්නේ "Denial" එකක් කියලා. RCM Analyst කෙනෙක් විදිහට අපේ ප්‍රධානම රාජකාරිය තමයි මේ Claims වැරදීම් නැතුව හරියට යවලා, Denials අඩු කරලා, රෝහලට එන්න ඕනේ Revenue එක (ලැබෙන සල්ලි) එකතු කරලා දෙන එක. මේක හරියට ඉගෙන ගත්තොත් ලංකාවේ ඉඳන්ම හොඳ salary එකකට යන්න පුළුවන් career එකක්.

මේක මේ RCM series එකේ පළවෙනි කොටස විතරයි. ඊළඟ ත්‍රෙඩ් එකෙන් අපි කතා කරමු Claim එකක් ඇතුළේ තියෙන්නේ මොනවද (CMS-1500 vs. UB-04 forms) සහ මේවා system එකකින් යන්නේ කොහොමද කියලා.

මේ ගැන මොනවා හරි ප්‍රශ්න තියෙනවා නම් පල්ලෙහායින් කමෙන්ට් කරන්න, මම reply කරන්නම්.

SIC said:

Meka nemeda ara synergy eken karanne

Click to expand...

ඔව්, ඔයා ඔය කියන්නේ SYNERGEN Health එක ගැන. එයාලා ගොඩක් famous local RCM market එකේ.

RCM ඩොලර් මිලියන ගණන් revenue කරකවන, දහස් ගණන් employees ලා වැඩ කරන පට්ට ලොකු industry එකක්. Synergen එකට අමතරව Legacy Health, CareCloud (කලින් MediGain) වගේ පරණම companies ලංකාවේ තියෙනවා. CareCloud එකේ global revenue එක $120M පැනලා තියෙන්නේ. Legacy එකෙත් ලංකාවේ විතරක් 1000 කට වඩා staff එකක් වැඩ කරනවා. Synergen එකෙත් 1000 කට වඩා ඉන්නවා.

ඒ වගේම මෑතකදී ආපු Aurora RCM සහ 2023/2024 වල පටන් ගත්තු Apexia වගේ අලුත් companies වේගෙන් develop වෙනවා.

ඒක නිසා මේක එක company එකකට විතරක් සීමා වෙච්ච ෆීල්ඩ් එකක් නෙවෙයි. වැඩේ හරියට ඉගෙන ගත්තොත් ලංකාවේ company වගේම කෙළින්ම US hospitals වලට වුණත් වැඩ කරන්න පුළුවන් opportunities ඕන තරම් තියෙනවා.