ඕනෑම වසරක මැයි මාසය තුළ ජන්ම ලාභය ලැබූවන් ඉතා වාසනාවන්තයන් බවට පත්වන බව කියැවේ. මේ අය තරමක් නිවුණු අදහස් හා ගතිගුණ ඇති, කිසි කෙනකුට කරදරයක් කරන්නට අකැමැති පිරිසක් ලෙස සාමාජය තුළ කැපීපෙනෙයි. කුඩාකල සිටම අනුන්ගේ දේවල් නොසොයන මොවුන් වරදකරුවකුට වුවද අනුකම්පා කරන්නට දෙවරක් නොසිතයි. අතිශ්ය සංවේදී හදවතක් අති නිසාම තමන්ට අවශ්ය දේ පවා වෙනත් අයගේ ප්රයෝජනයට දීමට අකැමැති නොවේ. ප්රියමනාප පෙනුම නිසාම කාගේත් ආකර්ෂණය දිනාගන්නට වාසනාව ලබන්නේය.
ඕනෑම වෘත්තියකට හැඩගැසීමට සහජ හැකියාවක් මේ අය සතු වෙයි. එසේම නිතරම කඩිසරව සහ උනන්දුවෙන් කටයුතු කරන ස්වභාවය නිසා කාගේත් සිත් දිනාගන්නේය. උත්පත්ති තත්ත්වයට වඩා ඉතා ඉහළ තැනකට යන්නට ගතවන්නේ කෙටි කාලයකි. නිසි කල සියලු දේ ලබන්නට පින් බලය සහ වාසනාව ලබන අතර තරුණ වියට එළැඹෙත්ම ගැළපෙන විවාහයකටද උරුමකම් කියයි. බොහෝ දුරට සැප්තැම්බර් දෙසැම්බර් මාසවල උපන් කෙනකු හා විවාහ වන්නට අවස්ථාව හිමිවනු ඇත. විවාහයෙන් පසු ජීවිතය තවත් සාර්ථක වනු ඇත. තරමක් කේන්ති යන ස්වභාවයක් තිබුණද මේ අය කාගේත් අප්රසාදයට පත් නොවෙයි. මැදි වියට එළැඹෙන විට බොහෝ සෙයින් දියුණු තියුණු වී සිටීමට තරම් භාග්ය ඇත්තන් මැයි මාසයේ උපදින බවද කියැවේ.
