Reply to thread

Message: <blockquote data-quote="Jihadi john" data-source="post: 31301876" data-attributes="member: 586715"><img src="https://s3.amazonaws.com/adaderanasinhala/1773918025-Ada-Derana-Web-02.jpg" alt="ඌරන්ට රක්ෂණයක් " class="fr-fic fr-dii fr-draggable " style="" />සූකර කර්මාන්තයේ යෙදෙන ගොවීන් සඳහා "සූකර රක්ෂණ යෝජනා ක්‍රමයක්" කෘෂිකර්ම, පශු සම්පත්, ඉඩම් හා වාරිමාර්ග අමාත්‍යංශය විසින් හඳුන්වාදීමට පියවර ගෙන තිබේ. ඒ අනුව ව්‍යාපාරික මට්ටමින් සූකර සත්වයන් පාලනය කරනු ලබන සූකර ගොවිපොළවල අභිජනන සත්ත්වයන් සඳහා මෙය ලබා දෙන බව කෘෂිකාර්මික හා ගොවිජන රක්ෂණ මණ්ඩලය නිවේදනය කරයි. මෙම රක්ෂණ ආවරණය යටතේ හදිසි අනතුරු හේතුවෙන් සහ සූකර සත්ත්වයන් සඳහා ඇතිවෙන රෝග මඟින් සිදුවන මරණ ආවරණය කිරීමට සැලැසුම් කර ඇත.මෙහිදී  වයස මාස 06 සිට අවුරුදු 4යි මාස හයක් දක්වා වූ සූකර අභිජනන සත්වයන් සඳහා මෙම රක්ෂණ ආවරණය ලබාගත හැකිය. මෙහිදී අභිජනන සත්ත්වයෙකුගේ වටිනාකම උපරිමය රු.200,000/- හෝ ආදේශන පිරිවැය හෝ නිෂ්පාදන පිරිවැය අනුව රක්ෂණාවරණය ලබා ගැනීමට හැකියාවක් පවතින බව කෘෂිකාර්මික හා ගොවිජන රක්ෂණ මණ්ඩලය සඳහන් කරයි. මෙම රක්ෂණ ආවරණය මඟින් රක්ෂණය වූ අභිජනන සූකර සතුන් හට රක්ෂිත හේතූන් මත සිදුවන මරණයකදී පමණක් ම වන්දි ඉල්ලීම් සිදුකළ හැක. මෙහිදී සත්ත්ව නිෂ්පාදන හා සෞඛ්‍ය දෙපාර්තමේන්තුව මඟින් යෝජනා කර ඇති ජෛව ආරක්ෂක නිර්නායක අනුව සූකර සත්ව ගොවිපොළ පවත්වා ගැනීම අනිවාර්ය බව කෘෂිකාර්මික හා ගොවිජන රක්ෂණ මණ්ඩලය වැඩිදුරටත් සඳහන් කරයි.</blockquote>

Verification: Dahaya deken beduwama keeyada?

Top Bottom