මට වෙන වෙන Agenda නෑ bro. කවුරුවත් කතා නොකරන ඇත්ත විතරයි මං ඉස්මතු කරන්නෙ. සොත්ති උපාලි මිනීමරුවෙක් වෙන්න කලින් ඉඳන්ම දැඩි එජාප පාක්ෂිකයෙක් වෙලා හිටියා. ඒ කාලේ ජනාධිපතිවරයෙක්ට අද වගේ වේදිකා උඩ බොරු විද විද බොරු ආතල් දිදී ඉන්න තරම් situation එකක් මේ රටේ තිබුණේ නෑ. පාතාලය පවා ඇසුරු කරන්න සමාජය විසින් පොළඹවලා තිබුනා. උතුරින් එක් ත්රස්ත සංවිධානයකුයි දකුණින් තවත් ත්රස්ත සංවිධානයකුයි යුද්ධ දෙකක් කරද්දි, ජනාධිපතිවරයෙක්ට පාතාලය කියන්නේ නොගිනිය හැකි තරම් කුඩා දෙයක් වෙලයි තිබුණේ. මේ රටේ යුද්ධ කාලේ රට පාලනය කරපු සියලුම නායකයින් පාහේ පාතාලය ඇසුරු කරා. ජනාධිපති ජේ.ආර් එක්ක ගෝනවල සුනිල්ගේ නම බැඳිලා තියෙනවා. ජනාධිපතිනි චන්ද්රිකා එක්ක බැද්දගානෙ සංජීවගේ නම බැඳිලා තියෙනවා. ජනාධිපති මහින්ද එක්ක ජුලම්පිටියෙ අමරෙගෙ නම බැඳිලා තියෙනවා. එහෙනම් උඹ කියන විදිහට ඒ සියලු නායකයෝ barberic leaders ලා.
මේ වගේ cover pages ගැන නම් කියන්න තියෙන්නේ පොඩි සරල දෙයක්. ඒ කාලේ විපක්ෂයෙ හිටපු, මහින්ද රාජපක්ෂ, වාසුදේව ඇතුළු සෙට් එක ජිනීවා ගිහින් චෝදනා එල්ල කරලා, ජාත්යන්තරය උසි ගැන්වුවේ තමන්ගේ ප්රධානතම දේශපාලනික හතුරා වුනු ආණ්ඩුවට එරෙහිව මිසක්, මර්ධනය වෙලා අවසන්ව යන දේශප්රේමී ජනතා ව්යාපාරයට එරෙහිව නෙවෙයි. එතන තිබුණෙ පටු දේශපාලන අරමුණක් විතරයි. අනික මේ විදිහට රට ඇතුලේ යුද්ධ දෙකක් යද්දි, ඒ ඝාතන පාලනය කරගන්න බැරිවෙන, ජනාධිපතිවරයාට කොහොමත් ජාත්යන්තරයෙන් ඇඟිල්ල දික් වෙන එක සාමාන්ය දෙයක්. මහින්ද රාජපක්ෂට එල්.ටී.ටී.ඊ යුද්ධයේ අවසාන කාලයේ ජාත්යන්තරයෙන් යුධ අපරාධ චෝදනා එල්ල වුනෙත් මේ හා සමානවම තමයි. හැබැයි එහෙම ජාත්යන්තරයෙන් චෝදනා එල්ල වුණා කියලා, ජනාධිපති මහින්ද රාජපක්ෂ එල්ටීටීය විනාශ කරේ නැත්නම්, ජනාධිපති රණසිංහ ප්රේමදාස, දේශප්රේමී ජනතා ව්යාපාරය මර්දනය කළේ නැත්නම්, අද මේ රට කොතැනක තියෙයි ද? පොඩ්ඩක් හදවතට තට්ටු කරලා අහලා බලපන්.
අන්තිමට මට උඹෙනුත් අහන්න තියෙන්නේ එකම එක ප්රශ්නයයි. මං ඒක කලින් කමෙන්ට් එකකත් ඇහුවා. එදා ජනාධිපති ප්රේමදාස හිටපු situation එකේ, අද වත්මන් ජනපති අනුර කුමාර හිටියා නම්, ඔහු දෙමළ ජාතිකයින් හිටපු එල්ටීටීඊ එක සමග පමණක් සටන් කරලා නිකන් ඉඳීයි ද? JVP එකේ ඉන්නෙ සිංහල කොල්ලො නිසා, උන් රටේ ජීවිත සහ මහජන දේපළ විනාශ කරනකන්, කොටින්ම මුළු රටම විනාශ කරනකන් බලන් ඉඳියි ද?
අනුර කුමාරව අමතක කරලා, නිකමට හිතහන් උඹ මේ රටේ ජනාධිපතිවරණයකින් ජයග්රහණය කරලා, ජනාධිපති උනා කියලා. උඹ ජනාධිපති වෙන මොහොතේ දිවුරනවා, "මේ රටේ ආණ්ඩුක්රම ව්යවස්ථාව සුරකිනවා, රටේ කෑලි කෑලි කාටවත් කඩන්න දෙන්නෙ නෑ, ජනාධිපති ධූරයේ රාජකාරි හරියට ඉටු කරනවා.." කියලා. හැබැයි උඹ බලයට පත්වෙද්දිම රටේ පළාත් දෙකක් ඉල්ලලා උතුරේ දෙමළ ත්රස්තවාදීන් පිරිසක් උඹ සේනාධිනායකත්වය දරන උඹගේ රජයේ ආරක්ෂක හමුදාවන් එක්ක සටන් කර කර ඉන්නවා ඒ වනවිටත්. දකුණේ සිංහල ත්රස්තවාදීන් පිරිසකුත් මුළු දකුනම භීතියට පත් කරමින් උඹ සේනාධිනායකත්වය දරන උඹගේ රජයේ ආරක්ෂක හමුදාවන් එක්ක ගරිල්ලා සටනක් කරන්නේ මුළු රටම අල්ලගන්න හිතාගෙන. දැන් උඹ මොකද කරන්නේ සේනාධිනායකයා විදියට? ජනාධිපති මන්දිරයට වෙලා භාවනා කර කර ඉන්නවද? නැත්නම් ජාතිය ආගම බලන්නෙ නැතුව ත්රස්තවාදීන් සිංහලද දෙමළද කියලා බලන්නෙ නැතුව, උන් ඔක්කොටම විරුද්ධව සටන් කරන්න තමන්ගේ හමුදාව මෙහෙයවනව ද? තමන්ගේ හදවතට තට්ටු කරලා අහලා, හෘද සාක්ෂියට එකඟව ඒ ප්රශ්ණෙට උත්තරයක් හොයා ගනින්. එච්චරයි.
