ඔස්ට්රේලියාවේ ඉගෙන ගැනීම සඳහා පැමිණෙන ජාත්යන්තර සිසුන් සිය වීසා ලබාගැනීමට ඔවුන් සතුව තිබිය යුතු "ඉතුරුම් මුදල" නැවතත් වැඩි කිරීමට එරට බලධාරීන් කටයුතු කර තිබේ.
එසේම ඉතුරුම් ගිණුම් සම්බන්ධයෙන් ව්යාජ තොරතුරු ලබාදී ඇති බවට හෙළිදරව් වුවහොත් දැඩි පියවර ගන්නා බවද ඔවුන් පවසයි.
ජාත්යන්තර මාධ්ය පවසන්නේ ඔස්ට්රේලියාව මෙම තීරණය ගෙන ඇත්තේ එරටට පැමිණෙන සංක්රමණයිකයින් සංඛ්යාව අඩු කිරීමට බවය.
ඒ අනුව මෙම සිකුරාදා (10) සිට ජාත්යන්තර සිසුවෙක් ඔස්ට්රේලියානු වීසා සඳහා අයදුම් කිරීමට සිය ඉතුරුම් ගිණුමේ ඔස්ට්රේලියානු ඩොලර් 29,710 ($19,576)ක් ඇති බවට තහවුරු කළ යුතුය.
පසුගිය ඔක්තෝබර් මාසයේදී එම මුදල ඔස්ට්රේලියානු ඩොලර් 21,041 සිට 24,505ක් දක්වා ඉහළ දැමීය.
ජාත්යන්තර සිසුන්ට අධ්යාපන අවස්ථා ලබාදීම ඔස්ට්රේලියාවේ ප්රමුඛ ආදායම් මාර්ගයකි.
2022/23 වසරේදී ඒ ඔස්සේ ඔවුන් ලැබූ ආදායම ඔස්ට්රේලියානු ඩොලර් බිලියන 36.4කි.
https://sinhala.adaderana.lk/news/196395/ඔස්ට්රේලියාව-ට-යන්න-ඉන්න-සිසුන්ට-තවත්-බාධකයක්-
