Reply to thread

Message: <blockquote data-quote="AnurangaSS" data-source="post: 9281855" data-attributes="member: 92055">දඩබ්බරයන්  යහ මඟ ගන්නා වෙහෙරගල අලි ගාල    <img src="http://www.silumina.lk/2010/01/17/as1001171-3.jpg" alt="" class="fr-fic fr-dii fr-draggable " style="" />සිහින් පිනි බිඳු වැස්සක් හීන් සරින් වනාතට ඇද වැටේ. ගස් කොළන් එකිනෙක යාව මැවෙන  සුවිසල් ගසක සෙවණැලි විනා, තනි තනි ගසෙහි සේයාවකුදු තනි කර හඳුනා ගැනීම උගහට ය.  මුළු වනාතම ඝන අන්ධකාරයේ සළුවෙන් වත සඟවාගෙන සිටින්නී ය. රියේ ඉදිරිපස පහන් ආලෝකය හමුයේ වන මඟ දෙපස හිඳ තණ බුදින මුව රංචු, දෑස් ගිනි කණ  වැටී බලා ගත් බැල්මේ පසුවෙති. රිය සමීපවත්ම එක් වනව ලැග හුන් ස්ථානයෙන් නික්මී ඉගිළ  යන බිම් බස්සන් ගේ නෙත් යුගල ආලෝක දහරා හමුයේ රත් පැහැයෙන් බබළයි. කිතුල්කොටේ වන ජීවී අඩවි ආරක්ෂක කාර්යාලයෙන් පිටත් වූ අපි තල් ගහදිගන උද්‍යාන  පිවිසුමට ඇතුළුව තල්ගහදිගනගල, රබන් කන්ද, බළල් මළ හංදිය, තල්ගහදිගන වැව, වැලි ආර  ඔස්සේ අලුයම 1.45 ට පමණ කිවුල්පිටිය ප්‍රදේශයට පැමිණියෙමු. වාහනය එම ස්ථානයට සමීප  වත්ම මා දුටුයේ කුහුඹු රැළක් හා සමැව, කඩිසරව ඔබ - මොබ දිව යන මිනිසුන් සමූහයකි. ඒ  හැමෙකකු අතම ඇති දැල් වූ විදුලි පන්දම් එළි නිශ්චිතව යොමු වන එකම ස්ථානයේ මානෙත්  නතර විය. වන අලි ප්‍රවාහන ලොරි රථයේ තට්ටුව මත ලැග සිටිනුයේ සුවිසල් වල් අලියෙකි. ඌ හොඳින්  නරඹනු වස් මම අත වූ විදුලි පන්දම දල්වා බැලුවෙමි. සැබැවින් ම ‘අපේ අලි සම්පත මෙන්න’  යැයි නොබියව ආඩම්බරයෙන් පැවසිය හැකි ඌ හස්ති රාජයෙකි. ලොරියේ තට්ටුව මත ලැග තමන්ගේ  දෙපසින් නැග සිටින බිත්තියක් හා සම යකඩ ඇන්දට හිස තබා ගත් හේ තමා ගේ පසු බිමෙහි  සිදුවන්නේ කුමක් දැ’යි යන්න වටහා ගත නොහැකිව අසරණව බලා හිදී. ඒ තවත් මොහොතකින්  අලුත් වනපෙතකට නිදහස්ව යන අටියෙනි. මා අසල සිටි වන සත්ව අඩවි ආරක්ෂක දසනායක මහතාගෙන් මම මේ වල් අලියා පිළිබඳව  විමසුවෙමි.                       <img src="http://www.silumina.lk/2010/01/17/as1001171-2.jpg" alt="" class="fr-fic fr-dii fr-draggable " style="" />                   වෙහෙරගල අලි ගාල       “මහත්තයෝ, මේ අලියව කොහේ ඉඳන් ද මේ අරගෙන එන්නේ...” “මූව අල්ල ගත්තේ වයඹ වන ජීවී කලාපෙයෙනුයි. ඒ කියන්නේ කොටවෙහෙර - මොන්නැකුලම  ප්‍රදේශයෙන් වයස අවුරුදු 40 ක් පමණ වෙන පිරිමි අලියෙක්. උස අඩි 9 1/2 ක් පමණ  වෙනවා.” “ඉතින් අනික් අලින්ගෙන්, මෙයාව වෙන් කර හඳුනාගත හැකි සලකුණු එහෙම තියෙනවද?” “මෙයා ගේ කන්දෙකේ වාටියෙන් පටන් ගන්න කබර සලකුණු බෙල්ල වටේටත් තියෙන්නේ හරියටම  මාලයක් වගෙයි. ඊට අමතරව වලිගයේ අගිසි කෙඳි තියෙන්නේ වම් පසට වෙන්ට විතරයි. දකුණු  පැත්තේ එක කෙන්දක්වත් නෑ.” “එහෙනන් මූට මින් ඉදිරියට ‘කබරයයි’ නමක් තියමු” මම හිනැහෙමින් පැවසූයෙමි. පශු වෛද්‍ය චන්දන මහතා ප්‍රමුඛ වයඹ වනජීවී කලාපයේ වන අලි අල්ලීමේ කණ්ඩායමේ  නිලධාරීහු යුහුසුලුව තම තමන් ගේ් කාර්ය භාරය, නියමිත ස්ථානයන්හි ස්ථාන ගත වෙමින්  ඉටු කරති. වනජීවීන් ඇසුරේ රාජකාරි කර මහඟු අත්දැකීම් සම්භාරයකින් යුතු ඔවුහු තමන්  විසින් ම නිකුත් කළ නියෝගයන් තමන් විසින් ම ඉටු කරති. පශු වෛද්‍යවරයා වල් අලියා ගේ සිරුරට අවැසි ඖෂධ එන්නත් කර අහවර වනවාත් සමඟ සෙසු  නිලධාරීහු එකතු වී ලොරියේ ඇඳි මත ගැට ගසා සිටි අලියාගේ ඉදිරි සහ පසුපස පාදයන් හි  බැමි කපා දැමූහ. ඒ හා සමඟම සැවොම ආරක්ෂිත ස්ථානයන් හි ස්ථාන ගතව ලොරිය මත සිටි වල්  අලියා ඉන් පිටතට ගැනීම සඳහා අවශ්‍ය කටයුතු සැලැස්වූහ. වෙහෙරගල වන අලි පුනරුත්ථාපන  රැඳවුම් බිමෙ’ හි වනබිම මත ඉදිරි පාදය තබමින් සොඬ ඔසොවා මහා හඬින් කුංචනාද කළ  ‘කබරයා’ විදුලි ආලෝක දහරා මඟ හරිමින් වනාතට වැදිණි.</blockquote>

Verification: Asuwa dahayen wadi kalama keeyada?

Top Bottom