Reply to thread

Message: <blockquote data-quote="hodakolla" data-source="post: 26836144" data-attributes="member: 561607">ලිපියෙහි ඉතිරිය...මේ මම ය, මෙය මගේ ය, මෙය මගේ ආත්මය යි යනුවෙන් අපේ ජීවිතය හා අප වටා පවතින දේවල් සම්බන්ධයෙන් ගොඩනගාගත් තණ්හාව හා මෝඩකම සමඟ බැඳුණු වැරැදි අදහස් සමූහයක් අපගේ සිත්වල පවතී. සාමාන්‍ය කතා-බහේදී අප යොදාගන්නා මම, මගේ යන වචනවලට වඩා ගැඹුරු තේරුමකි ඉහත සඳහන් වචනවල තිබේ.‘දිට්ඨි’ යන වචනයෙන් අදහස් වන්නේ ඉහත සඳහන් වැරැදි හැඟීම් ය. බණ පොත්වල මිච්ඡා දිට්ඨිය ලෙස දැක්වෙන්නේත් එය යි. සමාජයේ නොයෙකුත් එදිරිවාදිකම්, හොර-මැරකම්, කෝලාහල, කාමාපරාධ ආදිය සිදු වන්නේ මේ වැරැදි හැඟීම්වලට වහල් වී කටයුතු කිරීම නිසා ය. මම ය; මගේ ය යන මිච්ඡා දිට්ඨිය නිසා ය. ලෝකයේ තිබෙන සෑම දෙයක් ම අනිත්‍ය දුක්ඛ-අනාත්ම යන ස්වභාවයන්ට යටත් බව නුවණින් තේරුම් ගත් විට මිච්ඡා දිට්ඨියෙන් මිදී සම්මා දිට්ඨිය ඇති කරගන්නට පිළිවන.“දිට්ඨිං ච අනුපගම්ම සීලවා දස්සනේන සම්පන්නෝ කාමේසු විනෙය්‍ය ගේධං...” යනුවෙන් දැක්වෙන්නේ වැරැදි හැඟීම්වල එල්බ නොගෙන, සිල්වත් ව, ජීවිතය ගැන නිවැරැදි දර්ශනයකින් යුතු ව කම්සැපයෙහි ගිජු වීමෙන් ඈත් වන්න යන වැදගත් කාරණය යි. එසේ කටයුතු කරන පුදගලයා “නහිජාතු ගබ්හසෙය්‍යං පුනරේතීති” යනවෙන් කරණීය මෙත්ත සූත්‍රය අවසානයේ සඳහන් වන අන්දමට මවුකුසයක පිළිසිඳ ගන්නට නැවැත මේ ලෝකයට එන්නේ නැත.මෛත්‍රී භාවනාවෙන් සිත එකඟ කරගත් පසු විදර්ශනා භාවනාවට යොමු වූ භාවනානුයෝගියා සෝවාන් ආදි මාර්ගඵලයන්ට පත් වෙයි. ඔහු මෙලොවදී රහත් බව නොලැබුවොත් මරණින් මතු බඹලොව ඉපිද, එහිදී සත්‍යාවබෝධය ලබා සසර ගමන කෙළවර කරයි. එම තැනැත්තා නැවැත මිනිස් ලොව උපත නොලබන්නේ එබැවිනි.මෛත්‍රී භාවනාවෙන් අපට ලැබෙන උසස් ම ප්‍රතිඵලය රහත් බව යි. අප සැමගේ අධිෂ්ඨානය විය යුත්තේ එය ලබාගැනීම යි. එම නිසා සැදැහැ සිතින් නිතර අප අසන, කියන, සජ්ඣායනා කරන කරණීය මෙත්ත සූත්‍රයෙන් උපරිම ප්‍රයෝජන ලබාගන්නට අප වෑයම් කළ යුතු ය.පූජ්‍ය මැදගම ධම්මානන්ද හිමිතවත් ධර්මය කියවීමට : <a href="http://www.namaskara.lk/" target="_blank">http://www.namaskara.lk</a></blockquote>

Verification: Haya warak paha keeyada? (haya wadi kireema paha)

Top Bottom