කාඩ්බෝඩ් බයිසිකලේ සහ තවත් මෙව්වා

[crazybuddy]

කාඩ්බෝඩ් බයිසිකලේ සහ තවත් මෙව්වා

අනාගත පවුලේ වාහනය සිනර්ජි (Synergy)

Wing Spam - 32ft (9.8 m)
Wing Area - 144.6 sqft (13.43m2)
Power Plant - 1 x Deltahawk DH 200 Uquid - Cooted V - 4 Tow - Stroke Diesel Engin 200 HP (150k W)
Range - 1726 mi, 2778 km (1500n mi) Puil Reserve
Wing Loading - 23.216 / sq ft (113 kg / m2)
නිර්මාණකරුගේ නම - ජෝන් මැක්ගිනිස්
සමාගම - සිනර්ජි එයාර් ක්‍රාෆ්ට්
නිර්මාණයේ නම - සිනර්ජි (Synergy)
නිර්මාණය සඳහා ගිය වියඳම - සඳහන් නොවේ


47 වෙනි වියේ පසුවන ඇමෙරිකානු ජාතික මැක්ගිනිස් කුඩා ගුවන් යානයක් නිර්මාණය කර තිබේ. මේ ගුවන් යානය නම් කර තිබෙන්නේ සිනර්ජි (Synergy) යනුවෙනි. සිනර්ජි යානය තුළ මඟීන් සිව් දෙනෙකුට සහ එක් ගුවන් නියමුවෙකුට ගමන් කරන්නට පුළුවන. යානය අඩි 21ක් දිග කිලෝ ග්‍රෑම් 748ක් බරැති එකකි. එහි අඩංගු තාක්ෂණය නිසා යානයට ඉක්මන් ක්‍රියාකාරීත්වයක් තිබේ. ඉක්මනින් ගමනක් යන්න වගේම ගමන සුව පහසුව යන්නත් පහසුකම් ඒ තුළ ඇත. අනෙක් අතට එයට ඉන්ධන අවශ්‍ය වන්නේත් සාපේක්ෂව අඩු ප්‍රමාණයකිනි. සිනර්ජි ගුවන් යානයේ බාහිර ස්වරූපයත් සාමාන්‍ය ගුවන් යානයකට වඩා මුළුමනින්ම වෙනස්ය. විශේෂයෙන්ම ගුවන් යානයේ පියාපත්වල හැය තුළ මේ වෙනස දකින්නට පුළුවන. පියාපත් හතරැස්ය. යානයේ බඳ ප්‍රදේශය බිත්තරයකට සමාන හැඩයක් ගනී. තවමත් වෙළෙඳ පොළට පැමිණ නැති මේ ගුවන් යානය ඉදිරි කාලයේ දී මිලදී ගන්නට හැකිවනු ඇති බව ජෝන් මැක්ගිනිස් පවසයි.

(Page 02 වෙනකන් ඇති)
​

 

[mal pappa]

ෆට්ට බන්z​

(ලියලා ඉවර වෙලා vm එකක් දාපන්)

 

[rocat90]

maxxxxa

 

[crazybuddy]

පරිසරය සුරකින කාඩ්බෝඩ් බයිසිකලය

නිර්මාණකරුගේ නම - ඉස්හාර් ගැෆ්නි (Izhar Gafni)
නිර්මාණය ඉඳිරිපත් කරන සමාගම - අයි.ජී කාඩ්බෝඩ් ටෙක්නොලොජීස් (I.G Cardboard Technologies)
නිර්මාණයේ නම - ඇල්ෆා බයිසිකල් (Alfa Bikes)
නිර්මාණය කිරීමට ගිය වියදම - ඇමෙරිකා ඩොලර් 250,000

කාඩ්බෝඩ් යොදාගෙන බයිසිකලයක් නිර්මාණය කරන්නට ඊශ්‍රායල ජාතික යාන්ත්‍රික ඉංජිනේරුවකු වන ඉස්හාර් ගැෆ්නි (Izhar Gafni) සමත් වෙයි. ගැෆ්නි කුඩා අවධියේ සිටම බයිසිකලයෙන් එහේ මෙහේ යෑම බෙහෙවින් ප්‍රිය කළ කෙනෙකි.

හෙතෙම කෘෂිකර්මාන්තයට අවශ්‍ය වෙනත් යන්ත්‍රයක් නිර්මාණය කරන්නට උත්සාහ ගනිද්දී කාඩ් බෝඩ් වලින් බයිසිකලයක් නිපදවුවහොත් හොඳ නේදැයි කියා හදිසියේම වාගේ සිතුවේය. මේ සිතුවිල්ලට තවදුරටත් පාදක වුණේ උණ ලීවලින් සකස් කල බයිසිකල් දිගු කාලයක් පුරා භාවිතයට ගත හැකි බව ඔහුට මතක් වූ විටය.

කඩදාසි බයිසිකලය නිපදවන්නට ගැෆ්නි යොදාගත්තේ විශාල කාඩ්බෝඩ් පත්ය. ඒවායින් අවශ්‍ය හැඩ කපා ගැනිණ. බයිසිකලයේ සියලුම අංග කාඩ්බෝඩ් වලින්ම සකස් කරන්නට ඔහුට වුවමනා විය. කපාගත් සියලුම කොටස් විශේෂ මැලියම් වර්ගයකින් අලවනු ලැබිණ. මේ විධියට හදාගත් බයිසිකලය මත ඉටි තැවරීමට ඔහු අමතක නොකළේය. බයිසිකලය සැකසීමට ගත් ගම් වර්ගය ජල වාෂ්ප වලට නිරාවරණය වීමෙන් සිදුවන නුවුවමනා කරදර වළකා ගන්නට ඔහු මේ උපක්‍රමය යෙදුවේය. බයිසිකලය මුළුමනින්ම වාගේ කාඩ්බෝඩ් වලින් නිමවා ගත්තත් සමහර කොටස් කාඩ්බෝඩ් වලින් නිම කර ගැනීමට අපහසු විය. බයිසිකලයට අවශ්‍ය දම්වැල හෙවත් චේන් එක සකසා ගත යුතු වුණේ මෝටර් රථයක ටයිමින් බෙල්ට් එකකිනි. පාපැදියේ පැඩලයට ප්ලාස්ටික් බෝතල යොදාගන්නට සිදුවිය. තවත් සමහර කොටස් සකස් කරගන්නට ප්‍රතිචක්‍රීයකරණයට ලක් කළ හැකි රබර් යොදාගන්නට ගැෆ්නි තීරණය කළේය.

පළමු බයිසිකලය සාර්ථකව සාදා නිම කරන්නට පුළුවන් විණ. එය රාත්තල් 28ක් බරය. බයිසිකලය නම් කර තිබෙන්නේ ඇල්ෆා (Alfa) යන නමිනි. මේ කාඩ්බෝඩ් බයිසිකලය මිනිත්තු 20ක් එක දිගට පැදගෙන යන්නට අමාරුවක් නැත. එසේම කිලෝ ග්‍රෑම් 220ක් බර කෙනෙකුට වුවත් මෙය පැදගෙන යන්නට පුළුවන. සාමාන්‍ය තත්ව යටතේ එක දිගට මාස හයක් බයිසිකලය භාවිත කරන්නටද අමාරුවක් නැත.

ගැෆ්නි වෙළෙඳපොළ අවශ්‍යතා අනුව බයිසිකල් නිපදවීම දැන් අරඹා ඇත. කුඩා කාඩ්බෝඩ් බයිසිකල වර්ග දෙකක්ම ඔහු නිපදවා තිබෙන්නේ කුඩා දරුවන් සඳහායි. සෑම බයිසිකලයක් සඳහා ඇමෙරිකා ඩොලර් 12කට අඩු මුදලක් වැය කරමින් නිෂ්පාදනය කිරීමටත් ඇමෙරිකා ඩොලර් 30කට අලෙවි කිරීමටත් ගැෆ්නි සැලසුම් කර තිබේ. කාඩ්බෝඩ් යොදාගෙන රෝද පුටු සහ මෝටර් රථ සකස් කිරීම කෙරෙහිත් ගැෆ්නිගේ අවධානය දැන් යොමුව ඇත.

​

 

[Mr.Truth]

patta

 

[crazybuddy]

විස දුම නසන වින්ඩ් මේකර් හෙල්මටය.

නිර්මාණකරු - මයිකල් බක්මන්
නිර්මාණය ඉඳිරිපත් කරන සමාගම - තවතමත් භාන්ඩය නිෂ්පාදනය කිරීම අරඹා නැත.
නිර්මාණයේ නම - වින්ඩ් මේකර් හෙල්මට්
නිර්මාණය සඳහා වැය වී ඇති මුදල - ඇමෙරිකා ඩොලර් ලක්ෂ දෙකකි.

මයිකල් බක්මන් (Michael Buckman) ඇලූමිනියම් කර්මාන්ත ශාලාවක සේවය කළ ලෝබවැඩකරුවෙකි. ඔහු සිය රැකියාව පටන් ගත්තේ 1999 වසරේදීය. වැඩ පටන්ගත් පළමු දින කිහිපය තුළම ඔහුට කර්මාන්ත ශාලාවේ සේවය කිරීම එපා විය. එයට හේතු වූයේ ලෝහ සමඟ වැඩ කරන්නට සිදු වූ විට ඒවායෙන් නික්ම එන විෂ දුමාරයන් ආඝ්‍රාණය කිරීමට සිදුවන අප්‍රසන්න අත්දැකීමට ඔහු මුහුණ දුන් නිසාය.

එක් දිනක් මිනිත්තු 30ක් අඛණ්ඩව සේවයේ යෙදුනු මයිකල්ට අසනීප තත්ත්වයක් දැනෙන්නට විණ. ඔහු ඇත්තටම අසනීප වී සිටියේය. හෙතෙම ශ්වසන ආබාධයකින් පෙළෙමින් සිටියේය. දින ගණනක් ලෙඩ ඇඳට වැටී සිටි මයිකල් යළිත් සේවයට පැමිණි සැණෙන් වැල්ඩින්කරුවෙකු සාමාන්‍ය භාවිතයට ගන්නා හෙල්මටයක් පැළඳීමෙන් විශ වායුවලින් බේරී ඉන්නට බැරිද යන්න සොයා බැලුවේය. අවසානයෙදී ඔහුට තහවුරු වුණේ සාමාන්‍ය ආරක්ෂක හිස්පළඳනාවක් පැළඳගත්තාටම වෑල්ඩින් කරුවකුට කර්මාන්ත ශාලාවේ තිබෙන විෂ දුම්වලින් බේරී ඉන්නට පුළුවන්කමක් නැති බවකි. පලඳන හෙල්මටය ඔහු ශ්වසන කරන වාතය පෙරීමකට ලක් නොකරන බව හෙතෙම වටහා ගත්තේය. අවසානයේ මයිකල් වැල්ඩින්කරුවකුගේ අවශ්‍යතාවයේ හැටියට අලුත් හෙල්මටයක් නිපද වූයේය. ඔහු එය නම් කලේ වින්ඩ් මේකර් හෙල්මට් (Wind Maker Helmet) යනුවෙනි.

වින්ඩ් මේකර් හෙල්මටය බාහිරින් වාතය එතුළට ගෙන පසුපසට තල්ලු කරයි. පසුව එය කිසියම් ආකාරයක පෙරීමකට ලක් කරයි. පිරිසිදු කළ වාතය ඊළඟට ඉදිරියට තල්ලු කරයි. වාතයට සිසිල් බවක් එක් කළ හැකි කොටසක් ද හෙල්මටයේ ඇත. හෙල්මටය එය පළඳින්නාගේ නිකටට සම්බන්ධවන ප්‍රදේශයේ පංකාවකට සමාන ව්‍යූහයක් ඇත. එය කරකැවෙන විට විශ වායූන් මුහුණ ආසන්නයෙන් ඉවත් වේ. හෙල්මටයේ සෑම තැනෙකම LED බල්බ් ඇත. ඒවායින් නිකුත්වන ආලෝකය වෙල්ඩින් වැඩ පහසු කරන්නට හේතු වේ.

මයිකල්ගේ අලුත් මාදිලියේ ආරක්ෂක හිස්වැසුම බොහෝ සමාගම් හිමියන්ගේ සතුටට හේතුවක් විය. ඔවුන් කල්පනා කළේ එයට ඉතා ඉක්මනින් වෙළෙඳපොළ වටිනාකම එකතු කරන්නටයි. ඊට පෙර එයට ඇමෙරිකාවේ පිහිටි වෘත්තීය ආරක්ෂාව සහ සෞඛ්‍ය පිළිබඳ ජාතික ආයතනයේ අනුමැතිය ලබා ගතයුතුව ඇත. ඇස, කන, නාසය, ශ්වසන පද්ධතිය යන මේ ශරීර අවයම තාපයෙන් සහ විෂ වායු වලින් ආරක්ෂා කරන මෙවලමක් හැටියට වින්ඩ් මේකර් හෙල්මටයට අදාළ බලධාරීන්ගේ සහතිකය ලබාගන්නට දැන් මයිකල් සැරසෙයි. ඇමෙරිකාවේ නෙබ්‍රෙස්කා විශ්ව විද්‍යාලයේ වෛද්‍ය ආයතනයේ වෘත්තීය සෞඛ්‍ය පිළිබඳ විශේෂඥ ෂෝන් ගිබ්ස් (Shawn Gibbs) සඳහන් කරන්නේ මෙවැනි පහසුකම් ඇති මෙවලමක් වෑල්ඩින්කරුවන්ට කලක පටන් අවශ්‍යව තිබුණු එකක් නිසා එය ඉතා ඉක්මනින් ඔවුන් අතර ජනප්‍රියත්වයට පත්වනු ඇති බවකි.

කොහොම වුණත් තමන් නිර්මාණය කළ ආරක්ෂක හිස්වැසුම තවත් වැඩිදියුනු කරන්නට මයිකල්ට දැන් වුවමනා වී තිබේ. ඔහු ඊට රැහැන් රහිස සන්නිවේදන පහසුකම්, සූර්ය කෝෂ, වීඩියෝ කැමරා සහ තිරයක් එකතු කරන්නට බලාපොරොත්තුවෙන් සිටී. මේ මොනවා එකතු කළත් අන්තිමට එය හොඳ ආරක්ෂාකාරී හෙල්මටයක් විය යුතුය.

​

 

[crazybuddy]

වාහන රත්වීම අඩුකරන හයිපර් පද්ධතිය.

නිර්මාණකරුවෝ - ජැක් මැක්ඩොනල්, ඩේව් ගිබ්ස්, ජෝන් ස්ටැනර්ඩ්
සමාගම - එන්ර්මෝෂන්
නිර්මාණයේ නම - Hyper APU
නිර්මාණයට ගිය වියදම - ඇමෙරිකා ඩොලර් 800,000

සැතපුම් ගණන් දුර නොනවත්වා ධාවනය වන වාහනවල එන්ජිම රත්වීමකට ලක්වේ. මේ තත්ත්වය ඉන්ධන නාස්තිවීම කෙරෙහි බලපායි. ට්‍රක් රථවල තිබෙන ඩීසල් එන්ජින්වල රත්වීමේ ක්‍රියාවලිය සම්බන්ධයෙන් පර්යේෂන කළ කැනේඩියානු විද්‍යාඥයන් පිරිසක් එකී අර්බුධකාරී තත්ත්වය මඟහැරවා ගන්නට හැකි අලුත් පද්ධතියක් හඳුන්වා දී ඇත. එය නම්කර තිබෙන්නේ Hyper APU යනුවෙන.
මේ උපාංගය ක්‍රියාකරන්නේ බොහෝ දුරට අප නිවෙස්වල තිබෙන ශීතකරණයක් මෙනි. පළමුව සිදුවන්නේ වාහනය අභ්‍යන්තරයේ තිබෙන රත් වූ තාපය ග්‍රහණය කර ගැනීමයි. ඒ සඳහා සකස් කළ වෙනම පද්ධතියක් ඇත.

දෙවනුව සිදුවන්නේ මේ අනවශ්‍ය තාපය ශීතන චක්‍රයට භාජනය වීමයි. පීඩන ක්‍රියාවලියක් හරහා මේ කටයුත්ත සිදුකෙරේ.

තෙවනුව ද්‍රව අංශු වායු බවට හරවා ශීතල කිරීමකට ලක්කෙරේ.

සිව්වනුව සිදු කෙරෙන්නේ ශිතකාරකය ද්‍රව්‍ය පරිවරණය කළ ටැංකියක ගබඩා කිරීමයි.

ශීතකාරක ද්‍රවය සහිත මාර්ගය හරහා පංකාවක් කරකැවෙන නිසා සුළංසහිත ස්වභාවයක් පැතිරේ.

ශිතකාරක ද්‍රව්‍ය ද්‍රව බවට හැරෙමින් ක්‍රියාවලිය සම්පූර්ණ වේ.

වාහනයේ එන්ජිම තුළ ඇතිවන අධික තාපය නිසා අපතේ යන ඉන්ධන ප්‍රමාණය 9% කින් පමණ පහළ දමාගන්නට මේ ක්‍රමය උපයෝගී වේ. එපමණක් නොව වාහනයෙන් පිටවන කාබන් විශාල ප්‍රමාණයක් කපා හැරීමටත් අලුත් යාන්ත්‍රණය උදව් වේ. වාහනවල රත්වීමේ ක්‍රියාවලියට වැට බඳින Hyper APU උපකරණ හඳුන්වා දුන්නේ ජෝන් ස්ටැන්ඩර් සහ ඉංජිනේරුවන් තිදෙනායි.

Hyper APU උපාංගය 2014 වසරේ සිට වෙළෙඳ පොළට එකතු කරීමට නිර්මාණකරුවෝ සූදානමින් සිටී. ට්‍රක් රථ මිලියන 2.5 කට මේ උපකරණ කට්ටල භාවිත කරහොත් පරිසරයේ කැපී පෙනෙන වෙනසක් සිදුවන බව ඉංජිනේරුවෝ සඳහන් කරතී. මේ උපාංග පද්ධති මගී ප්‍රවාහන වාහන වලින් සෙසු වාහන වලටත් සවි කිරීම කෙරෙහි අවධානය යොමුවෙමින් පවතී.​

 

[crazybuddy]

මිනිසෙකුට සමාන රොබෝ යන්ත්‍රයක්.

නිර්මාණකරුගේ නම - බ්‍රේන් රෝයි ස්පෙන්ට්
සමාගම - රිඉමෝෂන්
නිර්මාණයේ නම - රෝයි ද රොබෝ
නිර්මාණය සඳහා වැය වූ මුඳල - ඇමෙරිකා ඩොලර් 9000

බ්‍රයන් රෝයි (Brien Roe) දශක ගණනක් වැඩ කලේ පරිගණක ග්‍රැෆික් නිර්මාණ සමඟයි. මේ නිර්මාණ සමඟ ගැටෙන විට ඔහුට එක සිතුවිල්ලක් පහළ වූයේය.

එනම් කවදා හෝ තමන් ද රොබෝ යන්ත්‍රයක් නිර්මාණය කළ යුතුය යන්නයි. බ්‍රයන් රෝයි අනුක්‍රමයෙන් තමන්ගේ සිහිනය සැබෑ කරග්නනා අදියරට එළඹීය. ඔහු වෙළෙඳපොළේ තබා ඇති රොබෝලාගේ නැණ ගුණ විමසමින් කල්පනාවට ගත්තේ තමන්ගේ රොබෝවා කුමන ස්වරූපයක් ගත යුතු ද යන්නයි. වෙළෙඳපොළේ තිබෙන රොබෝ යන්ත්‍ර මිලෙන් වැඩිය. සමහර ඒවායේ ක්‍රියාකාරීත්වයේ අඩුපාඩු තිබේ. මේ අඩුපාඩු ඉලෙක්ට්‍රොනිකමය වශයෙනුත් මෘදුකාංග ඇසුරෙහිත් පැන නැඟුණු ඒවාය. අඩු මුදලකට රොබෝ යන්ත්‍රයක් නිපදවීමේ අවශ්‍යතාව මුදුන් පමුණුවා ගන්නට ඔහු ඊළඟට වෙහෙස වූයේය.

නිපදවන්නට යන රොබෝ යන්ත්‍රය රෝයි (Roy) යැයි කියා නම් කළ හෙතෙම ක්‍රම ක්‍රමයෙන් එහි හිස, ගෙල ප්‍රදේශය සහ දෑත්වල පහළ කොටස් සාදා නිමකරන්නට පටන් ගත්තේය. කොටස් 1200 කින් සමන්විත රොබෝ යන්ත්‍රය ඇනිමාටොනික් මෘදුකාංග වලින් (Animatronics Software) පාලනය වන ආකාරයට සැකසුවේය. රෝයි රොබෝගේ ස්වරූපය මුළුමනින්ම මිනිසකුට සමානය. මේ සියලු දේවල් අඩු වියදමක් යටතේ කළමනාකරණය කරගත යුතු වූ නිසා බ්‍රයන්, රොබෝව සකසන්නට යොදාගත්තේ සැහැල්ලු ලී වර්ගයයි. රොබෝගේ ක්‍රියාකාරීත්වයට මෝටර 28ක් යොදාගැනින. ඒවායේ ක්‍රියාකාරීත්වය වැදගත් වන්නේ රොබෝගේ අත්, පා, ඉණ ප්‍රදේශය, ගෙල සහ හණු චලනය කිරීම සඳහායි. රෝයි රොබෝ ඇසිපිය හෙලන රොබෝ කෙනෙකි. ඒ නිසා එහි ක්‍රියාකාරීත්වයටත් මෝටරයක සහය අවශ්‍ය විය.

රෝයිගේ අත ඉතා සාර්ථකව නිර්මාණය කරන්නට බ්‍රයන්ට හැකිවිය. රොබෝ අතට, මිනිස් අතක් මෙන් ක්‍රියාකරන්නට පුළුවන. මිනිසෙකුගේ අතකින් ඇතිවන විධියේ චලන ඇති කරන්නට එයට පුළුවන. රොබෝ ක්‍රියාකාරීත්වයක් ඇති අතක් වෙළෙඳපොලේ අද අලෙවි කෙරෙන්නේ ඇමෙරිකා ඩොලර් 20,000ක් පමණ මිලකටයි. එතරම් මුදලක්, බ්‍රයන් නිපද වූ රොබෝ අතකට වැය වූයේ නැත. ඔහු කියන විධියට ඊට වැය වී ඇති මුදල ඇමෙරිකා ඩොලර් 300කට අඩුය. බ්‍රයන් සැකසූ රෝයි රොබෝව ඇමෙරිකා ඩොලර් 3000 කට මිල දී ගන්නට පුළුවන. රොබෝ කෙනෙකු හදාගැනීමේ ආශාවෙන් සිටි බ්‍රයන්ට සිතූ පරිදිම අඩු වියදමෙන් රෝයි රොබෝව සකසා නිම කරන්නට හැකිවිය. රෝයි හරහා ලත් බොහෝ අත්දැකීම් මත බ්‍රයන්ට දැන් වුවමනා වී තිබෙන්නේ මිනිස් මොළයට සමාන කෘතීම මොළයක ක්‍රියාකාරීත්වය සහිත රොබෝ කෙනෙකු තනන්නටයි. මිනිසාගේ චලන තේරුම් කරන්නට හැකි විධියට මේ රොබෝ සකස් කළ යුතුයැයි කියා බ්‍රයන් සැලසුම් කර ඇත.

රොබෝලා මිනිසාට සමීප කරන්නට උත්සාහ දරන බ්‍රයන් රෝයි කියන්නේ මිනිසුන් රොබෝලාව අවබෝධ කරගත යුතු බවයි. ඉදිරි අනාගතයේ දී මිනිසාට ජීවත් වනන්ට සිදුවන්නේ රොබෝලාගෙන්ම සමන්විත සමාජයකයි. ඒ නිසා මිනිසා රොබෝලා අවබෝධකර නොගතහොත් අර්බුද, ගැටලු මහා විශාල ප්‍රමාණයක් පැමිණෙන්නට ඉඩ ඇති බව ඔහුගේ අදහසයි.​

 

[crazybuddy]

අභ්‍යවකාශ ගමන සුවපහසු කරන 3G ඇඳුම.

නිර්මාණකරුවෝ - ටෙඩ් සදර්න්, නිකොලේ මොයිසිව්
සමාගම - ෆයිනල් ෆ්‍රොරන්ටියර් ඩිසයින්ග්
නිර්මාණයේ නම - 3G (Third Generation Suit)
නිර්මාණයට ගිය වියදම - ඇමෙරිකා ඩොලර් 300,000


අභ්‍යවකාශගාමීන් සඳහා අවශ්‍ය පහසු සහ සරල ඇඳුම් නිර්මාණය කිරීමට නිකොලේ මොයිසීව් (Nikolaiy Moiseev) සහ ටෙඩ් සදර්න් (Ted Southern) යන නිපැයුම් කරුවෝ දෙදෙනා සමත්ව සිටිතී.

නිකොලේ රුසියානු ජාතිකයෙකි. හෙතෙම අභ්‍යවකාශ ගාමීන්ට ඇඳුම් නිර්මාණය කෙරෙහි යොමු වී සිටි කෙනෙකි. ටෙඩ් සදර්න් අභ්‍යවකාශ ගාමීන්ට ඇඳුම් සකස් කරන්නට උනන්දු වුවත් නිකොලේට තරම් ඒ පිළිබඳ අත්දැකීම් තිබුණේ නැත. අභ්‍යවකාශ ගාමීන්ට විවිධ විධියේ ඇඳුම් කිහිපයක්ම නිපදවන්නට ඔව්හු මේ වන විට සමත්ව සිටිතී. දැනට ඔවුන් නිපදවන ඇඳුම් නම්කර තිබෙන්නේ 3G (Third Generation) යනුවෙනි. පුම්බා සකස් කළ ඇතුළතක් සහිත මේ ඇඳුම් ස්ථර දෙකකින් යුක්තය. බර, නම්‍යශීලී බව ඇඳුමට එකතු කරන්නටත් එමඟින් හැකිව තිබේ. 2009 දී මේ දෙදෙනා නිපද වූ එක් ඇඳුම් ස්වරූපයක් මෙයට වඩා බෙහෙවින්ම වෙනස්ය. ඒ ඇඳුම කල් පවතින, වායු රෝධක සහ නම්‍යශීලී එකක් විය. ඇඳුමට ඉදිරිපසින් ජීවිතාරක්ෂඛ මෙවලම් සම්බන්ධ කරගත හැකි විය. මේ ඇඳුම 2G (2nd Generation) වශයෙන් හැඳින්විණ. එහි තිබූ අඩුපාඩු මඟහරවාගෙන ඔව්හූ 3G ඇඳුම නිර්මාණය කළහ. කොහොම වුණත් 3G ඇඳුම භාවිතයට තවම අභළුයකාශ පර්යේෂණ ආයතන වලින් අනුමැතිය ලැබී නැත. නාසා ආයතනයේ අනුමැතිය ඇතිව මේ ඇඳුම පරිහරණයට එක් කරන්නට නිර්මාණකරුවන්ට පුළුවන. දැන් ඔවුන් ඉදිරියේ තිබෙන දැවැන්තම අභියෝගය නාසා අනුමැතියයි.​

 

[මරුසිරා]

පට්ට ...

ඩොලර් 250000 ක් කාඩ්බෝඩ් බයිසිකලෙකට ..වැඩි නැද්ද ?

අනික වැස්සොත් සොරි ඩොට් කොම් තමයි

රේප් +2

 

[crazybuddy]

තොරතුරු දැනගන්නට විසි කරන බෝලය

නිර්මාණකරු - ෆැන්සිස්කෝ අගුයිලර්
සමාගම - බවුන්ස් ඉමැජින්
නිර්මාණයේ නම - බවුන්ස් ඉමේජින් එක්ස්ප්ලෝරර් (Bounce Imaging Explorer)
නිර්මාණය සඳහා වැය වූ මුදල - මේ වනතුරු අනාවරණය වී නැත

2010 වසරේ දී හයිට්යට බල පෑ දරුණු භූ කම්පන තතත්වයෙන් විපතට පත්වූවන්ට ආධාර උපකාර කිරීම එදා පහසු වුනේ නැත. වැටුණු ගොඩනැඟිලිවල සුන්බුන් වලට යටවුණු මිනිසුන් සෙවීමටත්, එවැනි තැන්වලින් මිනිසුන් නැවත බැහැරට ගැනීමටත් සහන සේවකයන්ට විශාල පරිශ්‍රමයක් දරන්නට සිදු වූයේය. සමහර තැන්වලට කොටු වී සිටි මිනිසුන් ගැන කිසිදු හෝඩුවාවක් දැනගන්නට පවා බැරි විය.

විපතට පත්වූවන් බේරාගන්නට ඉදිරිපත් වුණු සෑම කෙනෙක්ම විවිධ විධියේ දුෂ්කරතා වලට මුහුණ දුන්හ. ඒ සෑම සහන සේවකයෙකුටම හයිට් අත්දැකීම් ඇසුරෙන් කියන්නට දිගු කතාවක් තිබිණ. ඔවුන් කියූ බොහෝ කතාවල ගැබ්ව තිබුණේ කාටවත්ම යන්නට, එන්නට බැරි තැන්වල සිර වී සිටි මිනිසුන් විඳි වද වේදනා සහ දුක් ගැනය. සහන සලසන්නට ගිය අය කියූ අත්දැකීම් ගැන එක් උපාධි අපේක්ෂක ශීෂ්‍යයෙකුට දැන ගන්නට ලැබුණේය. මේ ශීෂ්‍යයා ෆ්‍රැන්සිස්කෝ අගුයිලර් ය. (Fransisco Aguilar) හදිසි අවස්ථාවක දී පැන නඟින විවිධ විධියේ ගැටලු හමුවේ මිනිස් ජීවිත බේරා ගැනීමට වුවමනා තොරතුරු ඒකරාශි කරදෙන උපකරණයක් නිර්මාණය කරන්නට හැකි වුණේ හයිට් සහන සේවකයන්ගේ අත් දැකීම් හරහාය.

ඔහු නිර්මාණය කළ උපකරණය සරලය. එය බෝලයක් වැනි එකකි. කාටවත්ම ළඟාවන්නට බැරි ස්ථානවල තොරතුරු ගන්නට බෝලයක් වැනි මේ උපකරණය පිහිටට එයි. කළයුතු වන්නේ අදාළ ස්ථානයට ගොස් මෙකී උපකරණය ඒ දෙසට විසි කිරීමයි. මේ බෝලයෙහි කැමරා 6ක් ඇත. විසි කළ තැන ඡායාරූප ගන්නට ඒ කැමරා උපකාරී වේ. LED වර්ගයේ බල්බ ඇති නිසා ඒවායින් නිකුත් වන ආලෝකය ඡායාරූප වලට ප්‍රමාණවත්ය. අඳුරු ස්ථානයක පැහැදිලි ඡායාරූපයක් ලබාගන්නට පුළුවන. අනෙක් අතට මීතෙන්, කාබන් මොනොක්සයිඩ් වැනි වායු අන්තර්ගතද ඒවා කොතරම් ප්‍රමාණවලින් තිබේද යන්න සම්බන්ධ දත්ත ලබා ගන්නටත් මේ අරුම පුදුම උපකරණය භාවිත කළ හැකිය. ඕනැම ස්ථානයක උෂ්ණත්වයත් එමඟින් ලබාගන්නට බැරිකමක් නැත. සහන සේවකයන්ට බොහෝ ආරක්ෂක අංශ වලට ළඟාවන්නට පුළුවන් මට්ටමේ තැනක් නොවේ නම් ඒ බව කල් ඇතිව තීරණය කරගන්නට මේ දත්ත ඉතා වැදගත්ය.

ව්‍යසනයක් සිදු වූ අවස්ථාවල, ප්‍රාණ ඇපකරුවන් රඳවා තිබෙන විට තොරතුරු ලබාගන්නට මෙවැනි උපකරණයක් තිබීම ඉතා ප්‍රයෝජනවත් බව බලධාරීන්ගේ අදහසයි. ෆ්‍රැන්සිස්කෝ නිපද වූ උඵකරණයේ අවශ්‍යතාව තදින්ම දැනී තිබෙන්නේ පොලිස් නිළධාරීන්ටයි. ඇතැම් අවස්ථාවල දී පොලිස් නිලධාරීන්ට කිසියම් ස්ථානයක් ඇතුළත තිබෙන තොරතුරු දැනගැනීමට අවශ්‍ය වේ. එහෙත් එය තුළට නොගොස් ඒ ස්ථානයේ සිදුවන කතාබහ, විවිධ ශබ්න යනාදිය දැනගන්නේ කොහොමද යන ගැටලුව මතුවේ. මේ අවශ්‍යතාව ඉටු කරගන්නට ආරක්ෂක නිළධාරීන්ගේ ඉල්ලීම මත මේ උපකරණයට ඩිජිටල් මයික්‍රෆෝනයක් එකතු කරන්නට ෆ්‍රැන්සිස්කෝ එකඟ වී තිබේ.

මේ නව නිර්මාණය තවත් නොබෝ දිනකින් පොලිස් නිළධාරීන්, ගිනි නිවන භටයන්, සොල්දාදුවන් වැනි අය අතට පත්ව තිබෙනු දකින්නට පුළුවන. මෙතරම් වැදගත් උපකරණයක් ඉහළ මිළකට විකුණන්නට ෆ්‍රැන්සිස්කෝට අදහසක් නැත. ඒ නිසා මෙය ඇමෙරිකා ඩොලර් 500ත් 1000ත් අතර මුදලකට විකිණීමට ෆ්‍රැන්සිස්කෝ අදහස් කරයි.​

 

[crazybuddy]

අඩු මුදලට විදුලිය

නිර්මාණකරුවෝ - ජිම් රිව්ස්, මාර්ටින් රිඩ්ෆෝර්ඩ්
සමාගම - දෙයාර්ෆෝ (Therefore)
නිර්මාණයේ නම - ග්‍රැවිටිලයිට් (Gravitylight)
නිර්මාණයට ගිය වියදම - ඇමෙරිකා ඩොලර් 300,000 අධිකයි

ලෝකය පුරා මිලියන 780කට අධික පිරිසක් භූමිතෙල් ලාම්පුවල ආලෝකයෙන් රාත්‍රිය ගත කරන බව සමහර විට ඔබ නොදන්නවා ඇත. එක පැත්තකින් භූමිතෙල් වලට විශාල වියදමක් වැයවේ. අනෙක් පැත්තේන භූමිතෙල් ලාම්පු භාවිතය අනතුරු සහිතය. ලාම්පු පෙරලීමෙන් ගිනි ඇවිලෙන්නට හොඳටම ඉඩ තිබේ. මේ විනාශයන්ට වඩා වැඩි විනාශයක් භූමිතෙල් දහනයෙන් ඇතිවන විෂ වායු ආඝ්‍රාණය වීමෙන් ඇති වේ. 2008 වසරේදී මාර්ටින් රිඩිෆෝර්ඩ් (Martin Riddiford) සහ ජිම් රීව්ස් (Jim Reeves) භූමිතෙල් ලාම්පු භාවිතයට විකල්පයක් සොයා දුන්හ.

මේ විකල්පය හැඳින්වෙන්නේ ග්‍රැවිටි ලයිට් (Gravity Light) යනුවෙනිත. ග්‍රැවිටි ලයිට් සැකසුවේ එල්ලන ලද රාත්තල් 28ක බරක් ඉහළට එසවෙමින් සහ පහළට නිදහස් වෙමින් පටියක් දිගේ ඇදෙන්නට සැලැස්වීමෙනි. රාත්තල් 28 හි බර සකස් කරතිබුණේ රෙදි මල්ලක් තුළට ගල් බොරලු සහ මඩ එකතු කිරීමෙනි. මේ බර කට්ට වැටුණු පටිය දිගේ ස්ථාවරව ඇදෙමින් ඉහළ පහළ එසවෙන හා නිදහස් වන අතරතුර මෝටරයක් ක්‍රියාත්මක වන්නට පටන් ගනී. එමඟින් ආලෝකය නිපදවේ. නිපදවෙන ආලෝකය භාවිතයෙත් LED බල්බයක් මිනිත්තු 30ක් දල්වා තබන්නට පුළුවන.

මේ විධියට තනාගත් ග්‍රැවිටි බල්බ් 1000ක් සංවර්ධනය වෙමින් පවතින රටවලට යවා පරික්ෂා කරවා ගන්නට මේ බ්‍රිතාන්‍ය ජාතික නිර්මාණකරුවෝ දෙදෙනා බලාපොරොත්තු වෙතී. නව නිර්මාණය දියුණු වෙමින් පවතින රටවල ගම්බද පළාත්වල විදුලිබල අවශ්‍යතා සපුරාගන්නට ප්‍රයෝජනවත් වනු ඇති බව නිර්මාණකරුවන්ගේ අදහසයි. ග්‍රැවිටි ලයිට් සඳහා අවශ්‍ය බලපත් ලබාගෙන වෙළෙඳපොළට එවන්නටත් ඔවුන්ට හැකි වන්නේ යටකී පරික්ෂාවෙන් පසුවයි. එක් පහනක් ඇමෙරිකානු ඩොලර් 10කට වඩා අඩු මුදලකට විකුණනන්ට පුළුවන් වන බව ඔවුන්ගේ අදහසයි.

​

 

[crazybuddy]

ආබාධිත අයට සරිලන පාදයක්

නිර්මාණකරුගේ නම - මයික් ෂූට්ස්
සමාගමේ නම - බයෝඩැප්ට්
නිර්මාණයේ නම - වර්සා ෆුට් (Versa Foot)
නිර්මාණය සඳහා ගිය වියඳම - ඇමෙරිකා ඩොලර් 15,000

වාහන වලට සමාන යන්ත්‍ර හිම මත ධාවනය කරමින් තරඟ වදින්නට දක්ෂ ක්‍රීඩකයෝ සිටිතී. මයික් ෂූට්ස් (Mike Schuts) ද එවැනි ක්‍රීඩකයෙකි. 2008 වසරේ දී මයික් ෂූට්ස් එවැනි තරඟයකට සහභාගීවන්නට ආවේ හදපිරි බලාපොරොත්තු පොදියක් සමඟයි. හිම මත වේගයෙන් ධාවනය වන යන්ත්‍රයට නැඟී එය සෙසු තරඟකරුවන් මඟහරවාගෙන ඉදිරියට මෙහෙයවන්නට ඔහු තරඟ ආරම්භයේ සිටම උත්සාහ කළේය.

ඒ නිසා කෙමෙන් කෙමෙන් යන්ත්‍රයේ වේගය වැඩි කරන්නට ඔහුට සිදුවිය. එක් නිමේෂයක දී යන්ත්‍රය මයික්ගේ පාලනයෙන් ගිලිහුනේය. ඔහුට තවදුරටත් හිත් පිත් නැති ඒ යන්ත්‍රය නියමිත වේගයට ගන්නට පුළුවන්කමක් තිබුණේ නැත. නොසිතූ නොපැතූ මොහොතක යන්ත්‍රය අනතුරට පත්වූවේය. අනතුරින් මයික්ගේ පාදයකට බරපතළ හානි සිදුවිය. තරඟයත්. ජයග්‍රහණයත් අහිමි වුණු මයික් සිදුවුණු අනතුරෙන් පසුව නැගිට්ටේ දණහිසට ආසන්න ප්‍රදේශයෙන් පාදයකුත් අහිමි වී ගිය ආබාධිත මිනිසකු හැටියටයි.
කාලයක් ප්‍රතිකාර ලැබීමෙන් අනතුරුව තනි පය බිමට තබා තද කරගෙන මයික් සිය බිරිඳගෙන් විමසුවේ ඉදිරි ජීවිතය ගෙවා දමන්නේ කොහොමදැයි කියාය. වෘත්තියෙන් මළල ක්‍රීඩකයෙකු වූ මයික් තනි පාදයකින් දස්කම් පෙන්වන්නේ කෙසේද. හිටි හැටියේ සිදුවුණු මහා අකරතැබ්බය නිසා ඔවුන්ගේ මුළු මහත් ඉදිරි ගමනම එක තැනෙක නැවතී තිබිණ.

අනෙක් අතට ඒ කාලයේ දී සාමාන්‍ය වෙළෙඳපොළේ තිබුණු කෘතීම පාදයකට මයික්ට ජීවිතය බරදෙන්නට පුළුවන්කමක් තිබුණේ නැත. දෙපයේ වාරුවෙන් නැඟී සිට ජයගත් ලෝකය කඩා වැටෙන්නට ඉඩ නොදී කෙසේ හෝ රැකගන්නට ඔහුට වුවමනා විය. ඒ නිසා ඔහු තමන්ගේ ජීවත විලාසයට සරිලන කෘතීම පාදයක් නිර්මාණය කිරීමේ කටයුත්තට අත ගැසුවේය.

2009 දී ඔහුට සාර්ථකව කෘතීම පාදයක් නිපදවන්නට පුළුවන් විය. ක්‍රීඩකයන්ට ගැළපෙන විධියට, ස්වභාවික පාදයකට සමාන ආකාරයට මේ පාදය නිර්මාණය කරන්නට මයික් සමත්වූවේය. එපමනක් නොව මේ පාදයට වළලුකරත් සහ ඇඟිලි යනාදියත් එකතු කරන්නට ඔහුට පුළුවන් විය. මිනිසකුගේ පාදයේ ඒ ඒ කොටස් පාදයෙන් සිදුවිය යුතු කෘත්‍යය ඉටු කරන්නට අවශ්‍ය ආකාරයට හැඩ ගැසී තිබෙන්නේ කෙසේද. මිනිස් පාදය ක්‍රීඩාවට අවශ්‍යය ලෙස හැඩගැසී තිබෙන්නේ කුමන ආකාරයටද ඒ සියලු දේ තමන් නිපද වූ කෘත්‍රීම පාදයට එකතු කරන්නට මයික්ට පුළුවන් විය. ඔහු නිපද වූ පළමු කෘත්‍රීම පාදයට මේ සියලු දෑ එක්වරම ඇතුළු කරන්නට ඔහුට බැරිවිය. එහෙත් කලින් කලට සිය නිර්මාණයේ අඩු වැඩිය සකසාගන්නට තරම් තමන්ට නිර්මාණය කරගත් කෘත්‍රීම පාදය පැළඳගෙන හෝ මේ වසරේ දී යළිත් ක්‍රීඩා බිමට පිවිසියේය. මෙවර ඔහු තරඟ වැඳුනේ ඇස්පෙන් ක්‍රීඩා උළෙලටයි. (2013 X Games Aspen) මේ ක්‍රීඩා උළෙලෙ දී පරණ පුරුදු දස්කම් දක්වන්නට ආයෙත් මයික්ට පුළුවන් විය. එහෙතම රන් පදක්කමක් දිණුවේය.

දැන් මයික්, පාද අහිමි සියලුදෙනා වෙනුවෙන් උදව් කරන්නට බලාපොරොත්තුවෙන් සිටී. යුදවල දී පාද අහිමි වුණු සොල්දාදුවන්ටත් ක්‍රීඩා තරඟ වලදී සහ අනතුරු වල දී පාද අහිමි වූවන්ටත් දෙපයින් නැඟී සිටින්නට මයික සිය අත් දිගු කරන්නේය.​

 

[rx_storm_aight]

 

[crazybuddy]

ඩිජිටල් ගිටාරය

නිර්මාණකරුගේ නම - ඩාන් සුලිවාන්
සමාගම - Zi Vix
නිර්මාණයේ නම - ජෑම්ස්ටික් (Jamstik)
නිර්මණයට වැය වූ මුදල - ඇමෙරිකානු ඩොලර් මිලියන 1යි

58 හැවිරිදි ඩාන් සුලිවාන් (Dan Sullivan) වෘත්තියෙන් විදුලි ඉංජිනේරුවෙකි. හෙතෙම ළමා අවධියේ දී වඩාත් ප්‍රිය වූයේ සංගීතයටයි. ඔහුගිටාරය වයන්නට ඉගෙන ගත්තේය. ඒකාලයේ එයින් මහත් ආස්වාදයක් අත්වින්ඳත් පසු කලෙකදී ඉංජිනේරු රස්සාවට පිවිසෙන්නට ඔහුට සිදුවිය. ඉංජිනේරුකමට පිළිපන් ඔහුට සංගීතය තම ජීවිතයෙන් ටිකක් ඈත්කර තබන්නට සිදුවුණේ ය.

විඩාපත්ව දරුවන් ලද විටත් විටින් විට ඔහු කෙරෙන් සංගීතයට තිබුනු ලැදියාව, ආශාව මතුවුණේය. කාලයක් ගත වී දරුමල්ලන් උස් මහත් වූ විට සංගීතය පිළිබඳ ඔහු තුළ තිබුණු සිතුවිලි සියල්ල අභිභවා නැඟී සිටින්නට පටන්ගත්තේය. මේ ආශාව අලුත් වන්නට පටන්ගත්තේ ඩාන්ගේ පුතා වීඩියෝ ක්‍රීඩාව බෙහෙවින්ම ප්‍රියකරන්නෙකු වීම තුළයි. අවුරුදු 17ක 18ක කොලු ගැටයකුට මෙන් අවුරුදු 60 ඉක්මවූ කෙනෙකුට ගිටාරය වාදනය කරන්නට බැරි බව ඩාන් තේරුම් ගත්තේ එකී කාලයේ දීය.

හත් වසරකට පෙර ඔහු ඉංජිනේරු රස්සාව අත්හැර දමා වීඩියෝ දැන්වීම්කරණ සමාගමක සේවයට ආවේය. ඒ පසුබිම ඔහු සපයා ගත්තේ අන් කවරක් නිසාවත් නොව තමන් සිහින මවන ඩිජිටල් ගිටාරය නිර්මාණය කරගැනීමේ බලාපොරොත්තුව සඳහායි. අන්තිමට ඔහු අලුත් නිර්මාණය එළිදැක්වූවේය. එය තත් හයකින් යුත් ගිටාරයකි. එය සාමාන්‍ය ගිටාරයක් මෙන් විහාල නැත. එය අඟල් 15ක් පමණ දිගැතිය. ඒ නිසා ඕනෑම තැනකට ගෙන යන්නට හැකිය.

ඩාන් අලුත් ගිටාරයට නම තැබුවේ ජෑම්ස්ටික් (Jam Stik) යනුවෙනි. ජෑම්ස්ටික් ගිටාරය ටියුන් කරන්නටත් වුවමනා නැත. එය වාදනය කරන්නට ඇඟිලි වැඩිපුර වෙහෙස කරවීමත් අවශ්‍ය නැති බව ඩාන් පවසයි. ඉතාමත් සංවේදී ගිටාරයක් නිසා වාදනය කරන්නාට එවැනි පහසු බවක් ලැබී තිබේ. ජෑම්ස්ටික් වාදනය කරන්නට වුවමනා උපදෙස්, වයන ආකාරය, ස්වර ප්‍රස්තාර යනාදී සෑමහ දෙයක්ම අන්තර්ජාලයේ ඇත. අයිපෑඩ 100 Wi-Fi තාක්ෂණ ක්‍රම හරහා වාදනයට අවශ්‍ය සහාය ලබා ගන්නට පුළුවන.

මේ වස අවසන් වනවිට අලුත් මාදිලියේ තවත් සංගීත භාණ්ඩයක් හඳුන්වාදීම ඩාන්ගේ අරමුණයි. ඩාන් දැන් හිතන්නේ අලුත් පරපුරට සංගීතයේ ආස්වාදය නියම විධියට අත්විදින්නට ඉඩසලසන්නේ කෙසේ ද යන්න ගැනයි.
58 හැවිරිදි ඩාන් සුලිවාන් (Dan Sullivan) වෘත්තියෙන් විදුලි ඉංජිනේරුවෙකි. හෙතෙම ළමා අවධියේ දී වඩාත් ප්‍රිය වූයේ සංගීතයටයි. ඔහුගිටාරය වයන්නට ඉගෙන ගත්තේය. ඒකාලයේ එයින් මහත් ආස්වාදයක් අත්වින්ඳත් පසු කලෙකදී ඉංජිනේරු රස්සාවට පිවිසෙන්නට ඔහුට සිදුවිය. ඉංජිනේරුකමට පිළිපන් ඔහුට සංගීතය තම ජීවිතයෙන් ටිකක් ඈත්කර තබන්නට සිදුවුණේ ය.

විඩාපත්ව දරුවන් ලද විටත් විටින් විට ඔහු කෙරෙන් සංගීතයට තිබුනු ලැදියාව, ආශාව මතුවුණේය. කාලයක් ගත වී දරුමල්ලන් උස් මහත් වූ විට සංගීතය පිළිබඳ ඔහු තුළ තිබුණු සිතුවිලි සියල්ල අභිභවා නැඟී සිටින්නට පටන්ගත්තේය. මේ ආශාව අලුත් වන්නට පටන්ගත්තේ ඩාන්ගේ පුතා වීඩියෝ ක්‍රීඩාව බෙහෙවින්ම ප්‍රියකරන්නෙකු වීම තුළයි. අවුරුදු 17ක 18ක කොලු ගැටයකුට මෙන් අවුරුදු 60 ඉක්මවූ කෙනෙකුට ගිටාරය වාදනය කරන්නට බැරි බව ඩාන් තේරුම් ගත්තේ එකී කාලයේ දීය.

හත් වසරකට පෙර ඔහු ඉංජිනේරු රස්සාව අත්හැර දමා වීඩියෝ දැන්වීම්කරණ සමාගමක සේවයට ආවේය. ඒ පසුබිම ඔහු සපයා ගත්තේ අන් කවරක් නිසාවත් නොව තමන් සිහින මවන ඩිජිටල් ගිටාරය නිර්මාණය කරගැනීමේ බලාපොරොත්තුව සඳහායි. අන්තිමට ඔහු අලුත් නිර්මාණය එළිදැක්වූවේය. එය තත් හයකින් යුත් ගිටාරයකි. එය සාමාන්‍ය ගිටාරයක් මෙන් විහාල නැත. එය අඟල් 15ක් පමණ දිගැතිය. ඒ නිසා ඕනෑම තැනකට ගෙන යන්නට හැකිය.

ඩාන් අලුත් ගිටාරයට නම තැබුවේ ජෑම්ස්ටික් (Jam Stik) යනුවෙනි. ජෑම්ස්ටික් ගිටාරය ටියුන් කරන්නටත් වුවමනා නැත. එය වාදනය කරන්නට ඇඟිලි වැඩිපුර වෙහෙස කරවීමත් අවශ්‍ය නැති බව ඩාන් පවසයි. ඉතාමත් සංවේදී ගිටාරයක් නිසා වාදනය කරන්නාට එවැනි පහසු බවක් ලැබී තිබේ. ජෑම්ස්ටික් වාදනය කරන්නට වුවමනා උපදෙස්, වයන ආකාරය, ස්වර ප්‍රස්තාර යනාදී සෑමහ දෙයක්ම අන්තර්ජාලයේ ඇත. අයිපෑඩ 100 Wi-Fi තාක්ෂණ ක්‍රම හරහා වාදනයට අවශ්‍ය සහාය ලබා ගන්නට පුළුවන.

මේ වස අවසන් වනවිට අලුත් මාදිලියේ තවත් සංගීත භාණ්ඩයක් හඳුන්වාදීම ඩාන්ගේ අරමුණයි. ඩාන් දැන් හිතන්නේ අලුත් පරපුරට සංගීතයේ ආස්වාදය නියම විධියට අත්විදින්නට ඉඩසලසන්නේ කෙසේ ද යන්න ගැනයි.

​

 

[crazybuddy]

ඔන්න ඔක්කොම දැම්මා.. ලියන්න මාර කට්ටක් කෑවා..
බම්ප් එකක්වත් දාගෙන යන්ඩ..
​

 

[crazybuddy]

ෆට්ට බන්z​

(ලියලා ඉවර වෙලා vm එකක් දාපන්)

දැම්මා මචං..
​

maxxxxa

තෑන්ක්ස් මචෝ..
​

පට්ට ...

ඩොලර් 250000 ක් කාඩ්බෝඩ් බයිසිකලෙකට ..වැඩි නැද්ද ?

අනික වැස්සොත් සොරි ඩොට් කොම් තමයි

රේප් +2

ඩොලර් තිහයි වෙන්නෙ..
යකෝ උඹ කියෙව්වෙ නැද්ද..
වැස්සට මුකුත් වෙන්නෙ නැහැ බයික් එකට..
​

 

[mal pappa]

පට්ට පට පට බන්
tfs

 

[ishan_s]

lowth na rep ++

 

[crazybuddy]

පට්ට පට පට බන්
tfs

තෑන්ක්ස් මචං..
​

lowth na rep ++

තෑන්ක්ස් මචං..
​