මේ අවුරුද්දේ මැයි මාසය දක්වා වන මාස පහක කාලයේ රජයේ ආදායම් හා වියදම් පිළිබඳ මූලික සංඛ්යාලේඛණ මේ වන විට මහ බැංකුව විසින් ප්රසිද්ධ කර තිබෙනවා.
රජයේ ආදායම හා අනෙකුත් ලැබීම් = රුපියල් බිලියන 1,619.23
මාස පහේ වියදම = රුපියල් බිලියන 1,064.99
ප්රාථමික අයවැය අතිරික්තය = රුපියල් බිලියන 554.24
කෙටියෙන් කිවුවොත් ආදායමෙන් 34.2%ක් වියදම් නොකර පරණ ණය වල පොලී ගෙවීම වෙනුවෙන් ඉතිරි කරගෙන තිබෙනවා. ඉතා පැහැදිලි ලෙසම මේ තරමේ මූල්ය විනයක් නිදහසෙන් පසු කිසිම දවසක පවත්වා ගෙන ගොස් නැහැ. මේක ඉතාම පැහැදිලි "ක්රම වෙනසක්".
මේ තරම්ම සල්ලි ඉතිරි නොකර අවශ්ය දේවල් වෙනුවෙන් වියදම් කරන්න බැරි ඇයි කියන ප්රශ්නයත් මේ එක්කම මතු වෙන එක පුදුමයක් නෙමෙයි. එහෙම බැරි ආදායමෙන් තුනෙන් පංගුවකට වඩා වැඩියෙන් ඉතිරි කළත් පරණ ණය වල පොලී ගෙවන්නවත් ඒ මුදල ප්රමාණවත් නොවීම. කණගාටුදායක තත්ත්වයක් වුනත් ඕක තමයි ඇත්ත.
ප්රාථමික අයවැය අතිරික්තය = රුපියල් බිලියන 554.24
මාස පහේ පොලී වියදම = රුපියල් බිලියන 921.04
අයවැය ශේෂය = රුපියල් බිලියන (-366.80)
ඔය තරම් සල්ලි ඉතිරි කළත්, පරණ ණය වල පොලී ගෙවන්න තවත් රුපියල් බිලියන 366ක් ණය වෙන්න වෙනවා. ඊට අමතරව, ගෙවිය යුතු ණය වාරික ගෙවන්න වෙන්නෙත් අලුතෙන් ණය අරගෙනයි. ඕක තමයි රටේ තත්ත්වය.
මේ ඉන්න තත්ත්වයෙන් "කවදා හරි" ගොඩ යන්නනම් ඔය විදිහට සතෙන් සතේ රුපියලෙන් රුපියල එකතු කරනවා ඇරෙන්න වෙන ක්රමයක් නැහැ. ප්රාථමික අයවැය අතිරික්තය කියා කියන්නේ ඒ විදිහට ඉතිරි කරන කොටස.
ඉන්න ණය උගුලෙන් ගැලවෙන්නනම් අවම වශයෙන් දළ දේශීය නිෂ්පාදිතයෙන් 2.3%කට සමාන වාර්ෂික ඉතිරියක් අවශ්යයි කියන එකයි ජාත්යන්තර මූල්ය අරමුදලේ ඇස්තමේන්තුව. ඊට වඩා වැඩියෙන් ඉතිරි කළොත් වඩා ඉක්මණින් ණය ගෙවන්න පුළුවන්.
පසුගිය අවුරුද්දේ දළ දේශීය නිෂ්පාදිතය රුපියල් බිලියන 27,630ක්. මෙය මේ අවුරුද්දේ 8%කින් ඉහළ ගියොත් රුපියල් බිලියන 29,840ක් වෙනවා. රුපියල් බිලියන 554ක් කියන්නේ එයින් 1.8%ක් පමණ. මේ අනුව, මේ තත්ත්වය දිගටම තිබුණොත් ඉලක්ක අවම මට්ටමෙනුත් එහාට යන්න පුළුවන්.
අනෙක් අවුරුදු වල කොහොම වෙතත්, මැතිවරණ අවුරුදු වලදී රජයේ වියදම් විශාල ලෙස ඉහළ යන එක ලංකාවේ සාමාන්ය තත්ත්වයක්. සාමාන්ය තත්ත්වය එසේ වෙද්දී මේ අවුරුද්දේදී ඉලක්කය ඉක්මවා මුදල් ඉතිරි කර ගැනීම සුවිශේෂී තත්ත්වයක්.
හැමදාම අලුත් ආණ්ඩුවක් බලයට පත් වූ විට කියන කතාව අපිට ලැබුනේ හිස් භාණ්ඩාගාරයක් කියන එක. ඒ කතාව බොරුවක් නෙමෙයි. රටේ පැත්තෙන් බැලුවොත් සිදු විය යුතු දේ වුනත්, දේශපාලනිකව බැලුවොත් භාණ්ඩාගාරය පුරවලා වෙන කෙනෙකුට දීලා යන එක අමු මෝඩ වැඩක්. කවුරුවත් ඔය වැඩේ නොකරන්නේ ඒ නිසා.
යහපාලන ආණ්ඩුව කාලයේ වුනත් 2017දී හා 2018දී ප්රාථමික අයවැය අතිරික්ත පවත්වා ගනු ලැබුවත් මැතිවරණ වර්ෂයක් වූ 2019දී තත්ත්වය කණපිට හැරුණා. මෙවර එසේ නොවීමෙන් පෙනෙන්නේ රනිල් වික්රමසිංහට නැවත බලයට පත් වීම පිළිබඳ සෑහෙන විශ්වාසයක් තිබෙන බවයි. නමුත් මැයි මාසය දක්වා ජනමත සමීක්ෂණ ප්රතිඵල අනුවනම් එවැනි හැකියාවක් පෙනෙන්නට තිබුණේ නැහැ.
- https://economatta.blogspot.com/2024/07/blog-post_28.html
The budget deficit in the first five months of this year has declined by 64% or Rs. 367 billion thanks to higher revenue and lower expenditure.
In the corresponding period of last year the deficit was Rs. 1 trillion.
Government revenue between January and May 2024 grew by 44% to Rs. 1.6 trillion while expenditure declined by 7% to Rs. 2 trillion, according to latest data released by the Central Bank.
A substantial increase in Government revenue, primarily through tax income, and Government expenditure before interest costs of Rs. 1.1 trillion led to a primary surplus of Rs. 554 billion.
During the first five months net domestic financing decreased to Rs. 394.4 billion compared to Rs. 1.07 trillion. Foreign financing recorded a net repayment of Rs. 27.6 billion as against a net repayment of Rs. 63.3 billion a year ago.
Outstanding central Government debt decreased to Rs. 28 trillion by end of May 2024 from Rs. 28.69 trillion.
By the end of May 2024, total outstanding domestic debt amounted to Rs. 17.35 trillion and the rupee value of total outstanding foreign debt amounted to Rs. 10.71 trillion.
- https://www.ft.lk/front-page/Budget...-months-primary-surplus-at-Rs-554-b/44-764868
