ජ්යෝතිෂයට අනුව මහින්දගේ ජය ස්ථිරයි.
ප්රවීණ ජ්යෝතීර්වේදියකු වන ජගත්පාල ජයවර්ධන මහතා විසින් රචනා කරන ලද‘‘2010 ජනපතිවරණ ජය කාටද?’’ නම් කෘතිය දැන් නිකුත් වී ඇත. ශ්රී ලංකාවේ ඕනෑම පොත්හලකින් මෙය ලබාගත හැකි බව ටොප් ලංකා නිව්ස් වාර්තාකරු පවසයි. ජනාධිපති මහින්ද රාජපක්ෂගේ හා සරත් ෆොන්සේකාගේ ජන්මපත්ර ඉතා සියුම් ලෙස විග්රහ කරමින් කරුණු දක්වන ජ්යෝතිර්වේදියා දෙදෙනාගේ උපන් ග්රහබලය අනුවත්, දැනට පවත්නා ග්රහබල අනුවත්, මැතිවරණයදා ග්රහබල අනුවත් මහින්ද රාජපක්ෂගේ ජයග්රහණය ස්ථිර බව පවසයි. මේ කෘතියෙහි අවසානයට ඇති ‘‘නිගමනය පරිච්ෙඡ්දය පහත දැක්වේ.
නිගමනය
අප මෙතෙක් දැක්වූ කරුණු අනුව 2010 ජනපතිවරණයෙහි ජය ලැබෙන්නේ කවර අපේක්ෂකයාට ද යනු තීරණය කිරීම අපහසු නො වේ.
1. දැනට ජනාධිපති ධුරය දරන, එක්සත් ජනතා නිදහස් සන්ධානයෙහි ජනාධිපති ධුර අපේක්ෂක මහින්ද රාජපක්ෂ මහතා ගේ කේන්ද්රයෙහි ග්රහ බල ඉතා විශිෂ්ට ය. රාජ යෝග සහිත ය. රාජ්ය පාලනයට අත්යවශ්ය ග්රහ යෝග ගණනාවක් ම එහි විද්යමාන වේ. ඒ අතුරින් චන්ද්රාධියෝගය ප්රධාන වේ. ලග්නයෙහි ගුරු දිග්බල ව පූර්ණ බලැති වීම, දෙ වැන්නාධිපති ගේ ස්වක්ෂේත්ර බලය, තුන් වැන්නේ රවි ගේ බලය, ශුභ ග්රහ දෘෂ්ටි, සංයෝග ආදිය නිසා ඔහු ගේ කේන්ද්රය ඉතා බලවත් ය. රාජ්ය පාලන කාර්යය සඳහා ඉතා ම ගැළැපේ. කුමන අවුල් වියවුල් මැද්දේ වුව ද, රට ඉදිරියට ගෙන යෑමේ ශක්තිය ඔහුට ඇත. හෙ තෙමේ නියම ජනතා නායකයෙකි.
නව ප්රජාතන්ත්රවාදී පෙරමුණේ ජනාධිපති ධුර අපේක්ෂකයා වන හිටපු යුද හමුදාපති සරත් පොන්සේකා මහතා ගේ කේන්ද්රය ද ඉතා බලවත් ය. රාජ යෝග කාරක ය. පංච මහා පුරුෂ යෝගවලින් එකක් වන රුචක යෝගය යෙදීම, ලග්නය වර්ගෝත්තම වීම, චන්ද්රයා වර්ගෝත්තම වීම සමඟ ලග්නාධිපති, ගුරු ආදි ග්රහයන් බලවත් වීම නිසා ඔහු ගේ කේන්ද්රයෙහි ද ග්රහ බල විශිෂ්ට ය. එහෙත් කේන්ද්රයෙහි ප්රබලතම ග්රහයා කුජ වීම නිසා ද වෙනත් ග්රහ පිහිටීම් නිසා ද ඔහු අතිශයින් සුදුසු වන්නේ යුද්ධ කාර්යයට යි. යුද්ධ නායකයකු වශයෙන් ඔහු ගේ තත්ත්වය විශිෂ්ට ය. ග්රහ යෝග අනුව ඔහු දැඩි, අනම්ය, ක්රෑර, අත්තනෝමතික පාලකයකු විය හැකි නිසා රාජ්ය පාලනයට සුදුසු වෙති යි කිව හැකි නො වේ. විශේෂයෙන් ශනි ගේ තත්ත්වය අනුව මහජනයාට ඔහු ගෙන් යහපතක් බලාපොරොත්තු වීම තරමක් උගහට ය.
2. රාජපක්ෂ මහතා ද පොන්සේකා මහතා ද යන දෙ දෙනා ම දැනට ශනි ඒරාෂ්ටක ගෙවමින් සිටී. දෙ දෙනාට ම ලබා ඇත්තේ තුන් වන ලග්න ඒරාෂ්ටකය වීම වඩාත් බරපතළ ය. එහෙත් රාජපක්ෂ මහතා ගේ කේන්ද්රයෙහි ඇතැම් ග්රහ යෝග නිසා ඒරාෂ්ටක අපලය තරමක් මර්දනය වේ.
3. විංශෝන්තරී මහ දශා ක්රමය අනුව බලන කල, රාජපක්ෂ මහතා තමාට ශුභ මහ දශාවෙක ශුභ අන්තර් දශාවෙක ශුභ විදශාවක් ගෙවයි. එ හෙයින් එයින් විශිෂ්ට ශුභ ඵල ලබාගත හැකි ය.
එහෙත්, පොන්සේකා මහතා ගෙවන්නේ අශුභ මහා දශාවෙක අශුභ අන්තර් දශා වක අශුභ විදශාවෙකි. එය ඔහුට ඉතා ම අවාසිදායක වේ. උපතේ දී පැවැති ග්රහබල පවා එයින් යටපත් වේ.
4. ජනාධිපතිවරණ දිනයෙහි - එනම් 2010 ජනවාරි 26 වැනිදා තත්කාල ග්රහ බලය අනුව මුළුමනින් වාසි සහගත වනුයේ රාජ්ය පක්ෂයට යි, එනම් දැන් බලයේ සිටින පාර්ශ්වයට යි. විපක්ෂයට හෙවත් රාජ්ය පක්ෂයට විරුද්ධ ව එන්නන්ගේ බලය දුර්වල වේ. පෞද්ගලික වශයෙන් පොන්සේකා මහතාට ද එ දින ශුභ නො වේ.
5. මේ සියලූ කරුණු විමසා බලන කල 2010 ජනවාරි 26 වැනි දා පැවැත්වෙන ජනාධිපතිවරණයෙන් දැනට බලයේ සිටින ජනාධිපති මහින්ද රාජපක්ෂ මහතාට නියත ජයක් ලැබෙන බව ස්ථිර ව කිව හැකි ය.
Thanks Sakibura!
Premium Land with House for Sale
AWS Certified Solutions Architect-Associate + AWS Certified Cloud Practitioner
🚀 එක පැකේජ් එකයි - මාසෙටම Unlimited Internet! 🌐
🎬 CapCut Pro 1 Month Access! LKR 600
🚀 Google One AI PRO Plan (Gemini Pro Activation) – 18 Months Access! LKR 2200
