සිංහලු උඹලට හිතිලා නැද්ද කවදාහරි මේ ජීවිතේ කිසිම තේරුමක් නැහැ කියලා? මේක තනිකරම මායාවක් කියලා. ඉපදුන දවසෙ ඉඳලා මායාවට අහුවෙලා මැරෙනකන්ම ආසාවල් පස්සෙ දුවනවා කෙරවලක් නැතුව. මිනිස්සු ජීවත්වෙන්නයි ලෑස්තිවෙන්නෙ මුලු ජීවිත කාලෙම. කසාද බඳිනවා. බැඳීම් වැඩි කරගන්නවා. ළමයින්ගෙ වගකීම් ඉෂ්ඨ කරනවා. අන්තිමට දන්නෙම නැහැ යන්න කාලෙ හරි. සමහර අය කළින්ම ගිහින්. දුක් විඳලා විඳලා මැරිලා යනවා. ජීවිතේ තේරුම් ගන්න මේ කාලෙ ලේසියෙන්ම පුලුවන්. කොච්චර බලවත් වුණත්, සල්ලි යානවාහන සැප සම්පත් කොච්චර තිබුණත්, කට්ටිය හිටියත් අර ආදහනාගාරෙට දාළා පුච්චලා දානවා. ආගමික වතාවත් වත් හරියට නැහැ.
