බොදු බල සේනා සංවිධානය පැවැත්වූ මාධ්ය සාකච්ඡාවකදී කුරානයට, ඉස්ලාම් ධර්මයට අපහාස වන අයුරින් අදහස් දැක්වූ බවට එහි මහලේකම් ගලගොඩඅත්තේ ඥානසාර හිමියන්ට අධිචෝදනා ගොනු කරන බව කොළඹ අපරාධ කොට්ඨාසය ඊයේ (11) කොටුව මහෙස්ත්රාත් ඉසුරු නෙත්තිකුමාර මහතා හමුවේ දැනුම් දුන්නේය.
නීතිපතිවරයා ලබා දුන් උපදෙස් ප්රකාරව මෙම පියවර ගන්නා බවද එහිදී පොලිසිය අධිකරණයට දැන්වීය.
උන්වහන්සේට එරෙහිව ගොනු කර ඇති නඩුවට වසර 11ක් නීතිපති උපදෙස් නොලැබීම සහ ප්රමාදයට හේතුව සම්බන්ධයෙන් ඊයේ අධිකරණය හමුවේ පෙනී සිට කරුණු දක්වන ලෙස කොළඹ අපරාධ කොට්ඨාසයේ ස්ථානාධිපතිවරයාට කොටුව මහෙස්ත්රාත් ඉසුරු නෙත්තිකුමාර පෙර දින නියෝග කර තිබිණි.
සිද්ධිය සම්බන්ධයෙන් නඩුව විභාගයට ගන්නා අවස්ථාවේ ඇප මත මුදා හැර ඇති ගලගොඩඅත්තේ ඥානසාර හිමියෝ විවෘත අධිකරණයේ පෙනී සිටියහ.
. 
