Reply to thread

Message: <blockquote data-quote="DaraGarege" data-source="post: 14932072" data-attributes="member: 469373">තමන්ගෙ ගෑනිගෙ 'හෙළුව'....ලගදි දවසක හදිස්සියෙම මම A/C බස් එකකට ගොඩ උනේ යන්න ගිහින් සෑහෙන්න පරක්කු වෙච්ච ගමනක් ඉක්මනට යන්න හිතාගෙනය. ශ්‍රී ලංකාවෙ බස් වල තියන ආශ්චර්යට නැගපු ගමන් බස් එකේ පස්සටම යන්න සිද්ද උනේ නීතිය අකුරටම පිලිපදින මෙම බස් රථයේ සීට් ගනනටම සෙනග වාඩිවී සිටි නිසාත් සීට් අතර තිබිය යුතු චූට්ටං සීට් මෙහි නොතිබූ නිසාත්ය. ඉදගන්න සීට් නැතුව මල අසූහරදාහට පැන සිටි මාගේ හතර වටේට බ්‍රමණය වූ හිස එක් ක්ෂණයකින් නතරවූයේ මා අසලම තිබූ බසයේ පිටුපස අසුනේ විකාශණය වෙමින් තිබූ අතිශයින් වැඩිහිටියන්ට පමණයි වූ චිත්තරපටිය නිසාවෙනි. මාගේ ගත තිබූ වෙහෙස කොහෙන් ගියාදැයි මම අද වන තුරු දන්නේ නැත. අපේ අම්මාගේ වදන් මට සිහි වූයේ මෙවෙලේය. "පුතේ දුර බලන්න කලින් ලග බලපං" මම බසයේ හතර වටේ බලන්නට කලින් ලග බැලුවානම් මීට කලින් මගේ වෙහෙස නිවෙන්නේය. මට මොහොතකට සිතුනේ මම මේ බස් රථයකට රිංගුවේද නැතිනම් හනිමූන් කපල් එකක් සිටින හෝටල් කාමරයකට වැරදිලාවත් රිංගුවාද කියාය. සිද්ධිය ඒ තරම් ජුගුප්සාජනකය. (මේ තේරුම එහෙම අහන්න එපා) මගේ ඇගේ මයිල් ඉස්මයිල් වී ගියේය. ලැජ්ජ බයට හැදුනු කොල්ල නිසා එක එල්ලේ බලන්නටත් බැරිය. කොච්චර උත්සහ කලත් නොබල සිටින්නටද බැරිය. උන්ට හොදනම් අපිට පාංද. මම බසයේ අනිත් අයට හොරෙන් ඒ දෙස බලන විට බසයේ අනිත් අය මට හොරෙන් ඒ දෙස බලයි. සාකච්චා මාර්ගයකට පැමිණියානම් සියල්ලන්ටම සහයෝගයෙන් මෙය නැරඹිය හැක. උං මේ දර්ශණයට විරැද්දව කසු කුසු ගාන ගමන් හොරෙන් ඒ දෙස බලයි. මගේ ලග සිටි කොල්ලා මට තට්ටු කර ඇසකින් ඉගි මැරීය. උගෙ හිතේ මා ෆිල්ම් එක නොබලනවා කියාය. ඒවා හදේය. මාගේ සියළු ඇන්ටනා ඇතුළුව සියළුම චුම්බකයන් ඒ වෙත ඇදී ගොස් හමාරය. මම ඌට නෝන්ඩි හිනාවක් දැම්මෙමි. මාත් සමග ෆිට් වූ කොල්ලා සමග විවිධ දේ කතා කරමින් සහයෝගයෙන් ෆිල්ම් එක නැරඹුවෙමි. මුදල් මත පදනම් නොවී කිසිදු වෙළද දැන්මීමකින් තොරව විකාශනය වූ මෙම චිත්තරපටිය දැන්නම් එහි උච්චතම ස්ථානයට පැමිණ තිබේ. මෙහි ප්‍රධාන නළුවා අනිවාර්යෙන්ම හොර කරන්නට ඇත. සාමාන්‍ය මනුස්සයෙකුට මෙතරම් වෙලා දරාගන්නට නොහැකිය. මම ප්‍රසිද්ධ රැගුම් පාලක මණ්ඩලයේ සිටියානම් අනිවාර්යෙන්ම මොහුව වෛද්‍ය පරීක්ෂණයකට යොමුකරවමි. මොහු අනිවාර්යෙන්ම තහනම් උත්තේජක ලබා සිටිය යුතුය. මේවන විට නම් එක තත්පරයක්වත් අපතේ නොහැරිය යුතුය. අන්තිම චුට්ට හොදම චුට්ටය.මුළු බස් රථයම වාගේ කසු කුසු ගාන්නේ මෙම චිත්තරපටිය ගැනය. වයසක ඇන්ටි කෙනෙක් "අනේ අපොයි" කීවාය. ඇය දුන් මුදලට උපරිම තෘප්තියකට නොපැමිණියා විය හැකිය. කොල්ලන් වශයෙන් අප නම් අපගේ උපරිම තෘප්තියේ අන්තිම ඩින්ගිත්තටද පැමිණ සිටියෙමු. නමුත් නලුනිලියන්ට නම් වගේ වගක් නැත. උන් උන්ගේ පාඩුවේ රංගන කටයුතු වල යෙදෙයි. අපි අපේ පාඩුවේ නැරඹුම් කටයුතු වල යෙදුනෙමු. මද වේලාවකින් මට ඉදගන්නට සීට් එකක් ලැබුණි. මට ඉදගන්නට බැරිය. ඉදගත්තොත් චිත්තරපටිය අපරාදේය. ඉදනොගෙනද බැරිය. අවසානයේ කොන්දොස්තර මාමාගේ බලවත් ඉල්ලීම පරිදි ඉදගන්නට සිදුවිය. ඉදගත්තද මගේ සැටලයිට් සියල්ල ඇත්තේ චිත්තරපටිය දිසාවෙනි. රූප නොපෙනුනත් හඩනම් හොදටම ඇසේ. අත්දැකීම් සම්බාරයක් ඇති නිසා හඩ ඇසීමෙන් රූප මවා ගත හැකිය. නමුත් තාත්වික ගතියක් නැත. ඔළුව හරවන්නටම සිතේ. එහෙත් ලැජ්ජාව එසේ කරන්නට දෙන්නේ නැත. දැන් නම් මම බහින තැනද ලංවෙමින් තිබේ. මගේ සිත දුකින් පිරී ඉතිරී ගියේය. ආයි කවදා මෙහෙම චිත්තරපටියක් බලන්නද. මම නැගිට ඉදිරියට ගියෙමි. චිත්තරපටියට අවසාන බැල්මද හෙලා නරඹන්නට සිතින් සුභාසංසනය කර ඉක්මන් කර බැහැ ගතිමි.හැමදාම කතාකරන මාතෘකා වලින් ටිකක් වෙනස් වෙන්න හිතුනා. මෙහෙම ලියන්න හේතුව මේ ලගදි ලැබුනු මගේම අත්දැකීමක්. මෙතනදි මට කියන්න ඕනි උනේ..ඇයි මිනිස්සු මේ විදිහට හැසිරෙන්නෙ. මොකද්ද මේකට හේතුව. තමන්ගෙ කෙල්ලත් එක්ක බස් එකක් අන්තිම සීට් එකේ යන එක වැරුද්දක් නෙවෙයි. ඒත් ඒ සීට් එක තමන්ගෙ ගෙදර ඇද කරගන්නෙ මොකටද. එහෙම කරගන්න ඕනි නම් ඒවට වෙනම තැන් තියනවනේ. මෙහෙම හැසිරෙන අය ඇත්තටම ආදරේ කරනවාද. තමන්ගේ ගෑනිගෙ ආත්ම ගරුත්වය බල්ලට දාලා තමන්ගේ ආසාවන් සන්සිදවාගන්නේ මේ මනුස්සය ඒ කෙල්ලට ඇත්තටම ආදරේ නිසාද. මේක මේ තනිකරම මිනිහගෙ විතරක් වැරුද්ද නෙවෙයි. ගෑනි දැනගන්න ඔනි මිනිහව හදාගන්න. තමන්ගේ මනුස්සයා , තමන් පනටත් වඩා ආදරය කරන කෙනා උනත් ලෝකෙම ඉස්සරහ ඒ කෙල්ලගෙ නිරුවත පෙන්නනවනම් ඒ මනුස්සයට ඇති ආදරෙන් පලක් නෑ. තමන්ගෙම සිහින ලෝකෙ තනිවෙලා ඉන්නකොට සමහරවිට වටපිටාව ගැන වැටහීමක් නැතුව ඇති. ඒත් අපි තිරිසන්නු නෙවෙයිනේ. ඔළුවක් කියල එකක් තියනවනේ. ඉතින් මම මේ හැමෝගෙන්ම අහන්නේ. මෙහෙම හැසිරෙන එක හරිද.....<img src="/styles/default/xenforo/smilies/default/angry.gif"  class="smilie" loading="lazy" alt=":angry:" title="Angry    :angry:" data-shortname=":angry:" /><img src="/styles/default/xenforo/smilies/default/angry.gif"  class="smilie" loading="lazy" alt=":angry:" title="Angry    :angry:" data-shortname=":angry:" /><img src="/styles/default/xenforo/smilies/default/angry.gif"  class="smilie" loading="lazy" alt=":angry:" title="Angry    :angry:" data-shortname=":angry:" />issuwe tharuge lokaya blogiyen............</blockquote>

Verification: Haya warak paha keeyada? (haya wadi kireema paha)

Top Bottom