නවීන ජල ප්රහාරක රථය ගැන තොරතුරු එළියට
(ඉන්දිකා රාමනායක)
රට තුළ දැඩි මූල්ය අර්බුදයක් හටගෙන ඇති අවස්ථාවක විරෝධතා විසුරුවා හැරීම සඳහා විශේෂ කාර්ය බළකායට සුදු පැහැති නවීන ජල ප්රහාරක රථයක් ගෙන්වා ඇති බවට සමාජ මාධ්ය ජාලා වල ඡායාරූප සහිතව ප්රචාරය වේ.
මෙම රථය හම්බන්තොට වරාය ඔස්සේ රැගෙනවිත් ඇති බවට ද සමාජ මාධ්ය වාර්තාවල සඳහන් වේ .
සිද්ධිය සම්බන්ධයෙන් ලංකාදීපය විශේෂ කාර්ය බලකායේන් කළ විමසුමකදී එහි උසස් නිලධාරියෙකු පැවසුවේ .
මෙම අධි පීඩන ප්රහාරක රථය මෙරටට ඇනවුම් කළේ මෙරට රාජකාරිවලට නොව එක්සත් ජාතීන්ගේ සාම සාධක කටයුතු සඳහා රැගෙන යාමට බවයි.
මෙම වසර අවසානයේ දී විශේෂ කාර්ය බලකායේ 200 දෙනකු සාමසාධක රාජකාරි සඳහා පිටත්ව යාමට නියමිත බවත් , මෙම රථය ඇතුළු නවීන වාහන 60 ට අධික ප්රමාණයයක්ද සාමසාධක කටයුතු සඳහා රැගෙන යන බවද එම උසස් නිලධාරියා කියා සිටියේය .
මෙම නවීන ජල ප්රහාරක රථය ඇතුලු වාහන නිරීක්ෂණය කිරීම සඳහා ඉදිරි දිනවලදී එක්සත් ජාතීන්ගේ සංවිධානයේ නිලධාරීන් කණ්ඩායමක් ශ්රී ලංකාවට පැමිණීමට නියමිත බවත්. ඔවුන් ඒවා පරික්ෂා කර අනුමැතිය ලබා දුන් පසු වූ භට පිරිස් සාමසාධක කටයුතු සඳහා පිටත්ව යාමට නියමිත බවද එම උසස් නිලධාරියා සඳහන් කළේය.
මෙම සියලු වාහන සඳහා ගෙවීම් සිදු කරන්නේ එක්සත් ජාතීන්ගේ සංවිධානය විසින් බවද වාර්තා වේ .
ලංකාවෙන් රැගෙන යන මෙම සියලු වාහන සඳහා ජාතීන්ගේ සංවිධානය විසින් ගෙවීම් සිදුකරන බවත් නිලධාරියා කීය .
සාම සාධක කටයුතු සඳහා ආනයනය කළ කිසිදු වාහනයක් මෙරට භාවිතා කළ නොහැකි බවද එම නිලධාරියා වැඩිදුරටත් කීය
ලංකාදීප පත්රයෙන් උපුටා ගැනීමක්.
කරපු වැඩේ අල වෙද්දි ළඟින් යන පචයක් ඇද බානවනෙ මුන් කොහොමත්. ඔය ලඩිය දැක්කම ඕනි එකෙක්ට තේරෙන්න ඕනි UN ගෙනාව එකක්ද කියල.
