පළාත් සභා ඕනෙද ?

[bravehearts]

පළාත් සභා වලට වඩා බලය බෙදන ක්‍රමයක් කිව්වෙ කොහොම එකක් ගැනද?

දැනටමත් පළාත් සභා ක්‍රමය නිසා ෆෙඩරල් කියල ශ්‍රේෂ්ඨාධිකරණයේ බෙදුනු තීරණයක් තියෙනවා නේ, එක විනිසුරු වරයෙක් හෝ කියල තියෙනවා මේක දැනටම ෆෙඩරල් රටක් කියල. ඔය සමගාමී ලැයිස්තුවක් නිසා නේ පළාත් සභා වලට උඩින් මධ්‍යම රජයේ නීති ක්‍රියාත්මක වෙන්නේ පොලිසියට , හමුදාවට ජාතික පාසල් වලට.

ඔතන බලය කියන්නේ මොකක්ද ?, බෙදන්න කලින් බෙදන්නේ මොකක්ද කියල එකග වෙන්න එපැයි. නැත්තං බෙදුවට පස්සෙ මේක නෙමෙයි අපි ඉල්ලුවේ කියයි.

හමුදාවක් , පොලිසියක් තියා ගැනීමේ බලයද, බදු ගැසීමේ බලයද, භාශවන් පිලිබද බලයද, ඉඩම් බෙදා ගැනීමේ බලයද, මධ්‍යම ආණ්ඩුවට නැවත කොහොමවත් වෙනස් කරන්න බැරි විදියට නීතී හැදීමේ බලයද ?

විදුලි බලයද ? ඒක නම් බෙදලා නේ තියෙන්නෙ.

ඕක පැහැදිලි නොකර "බලය" බෙදනවා කියන්නේම කොලේ වැහිල්ලක්.

සමාවෙන්න ඕනේ එතන නොපැහැදිලි උනාට මගේ වැරැද්ද දැන් හරි ගස්සලා තියෙන්නේ

පළාත් සභා වෙනුවට ප්‍රාදේශීය සභා වලට වැඩි බලතලයි දෙන්න ඕනේ

 

[Tharaka_x]

Voted

 

[johnyh]

ඇත්තටම අපේ රටට පළාත් සභා 9ක් නඩත්තු කරන්න පුලුවන්ද ?

ඇත්තටම අපේ රටට පළාත් සභා 9ක් අවශ්‍යද ?

පළාත් සභා වෙනුවට හොද පරිපාලනමය අදහසක් ඔබ සතුව තියේද ?


මේ ආණ්ඩුවත් හෙමිට ඒ අයගේ සහචරයන්ට පළාත් සභා යටතේ තනතුරු දෙන්න තටමන්නේ දැන් මේක බලලා විපක්ෂේ අය උඩ පනින්න එපා උනුත් ඇවිත් කරන්න යන්නේ මේකමයි.

මහ ආණ්ඩුවයි ප්‍රාදේශීය වශයෙන් තියෙන පාලනයකුයි ලංකාව වගේ රටකට හොදටම ඇති ඒ නිසා මේ වැඩේට එකතු වෙන්න පක්ෂ බේද නොසලකා නැත්නම් වෙන්නේ ජනතාව පරදින ඒක තමා හැමදාම.


Those who do not like to have provisional council go here and vote

http://chng.it/PzQNhTRPZp

" මහ ආණ්ඩුවයි ප්‍රාදේශීය වශයෙන් තියෙන පාලනයකුයි ලංකාව වගේ රටකට හොදටම ඇති "
aniwa mcn.. oya deka hodatama aiti..

 

[326]

මේක ගැන තව පැහැදිලි කරානම් හැමෝටම වටිනව

රාජා වනසුන්දර කියන නම දිගේ ගිහින් හොයල බලන්න.
එතුමා කියල තියෙනවා 13 ඉස්සෙල්ලම ශ්‍රේෂ්ඨාධිකරණයට දැම්මම මේක නිසා රට ෆෙඩරල් වෙනවා වගේ තීන්දුවක්. ඒක නිසා ජනමතවිචාරණයක් ඕන කියල තීන්දුවක් දුන්නම , ජේ ආර් ජයවර්ධන ඕකෙ වගන්ති සෙල්ලමක් කරලා පාර්ලිමෙන්තුවට විතරක් දාල සම්මත කරගෙන තියෙනවා. එතුමා ඉන්න ඇත්තේ ඔය ගොනා හැරෙන්නේ පැලේ කන්න කියන මතයේ. කොහොමවත් එක පාර පනතක් දාල ෆෙඩරල් හෝ වෙනම රටක් ගන්න බෑ, ටික ටික නේ, අංශක 5 , 5 හරවල තමයි 180ට ගන්නේ.
83 කලබල වෙනවා, අන්තර්ජාතිකව හෙන ප්‍රසිද්ධියක් ලැබෙනවා, ඊට පස්සේ 87 ඔය පනත එන්නෙම , අපිට මහා අසාධාරණයක් වුනා එකට විසදුම මේ පනතෙන් දෙනවා කියන නාටකෙම කොටසක් විදියට.

මේ තියෙන්නේ නලින් ද සිල්වා මේක ගැන කියන කතාව
"
When the thirteenth amendment was referred to the Supreme Court four judges were of the opinion that the Bill was in agreement with the Constitution while four others ruled that it violated the constitution. The judgment of the remaining ninth judge was interpreted to claim that the Bill was in agreement with the constitution and the thirteenth amendment was introduced to the Parliament giving the impression that the Bill did not violate the constitution. Mr. Raja Wanasundara has explained what had happened and it appears that the thirteenth amendment bill was introduced to the Parliament in violation of the constitution. In my opinion, it was illegal to do so. The bill was not discussed by the people and the MPs were transported from a hotel in Colombo to the Parliament Bill to vote under compulsion for the bill.
"
http://www1.kalaya.org/2012/11/why-13a-should-be-repealed-ii.html

තීන්දුවේ අර්ථකථනය අරන් බලන්න ඕන, එත් ඕක භාෂාවේ වචන හරඹ කරලා තියෙන තේරුම තේරුම් කර ගන්න ආයේ උසාවි යන්න වෙනවා.

කොහොම උනත් මේ තියෙන්නේ ශිරාණි බණ්ඩාරනායක ගේ මතයක් ,

“ Provincial Councils are on a par with the Parliament and the Councils come within the category of subsidiary sovereign bodies. This demonstrates the division of legislative power

Secondly, Article 154,G(B) clearly points out that in a conflict between the statues of Provincial Councils and an existing law ( passed by the Parliament) with regard to a matter on the Provincial Council List, the existing law (passed by Parliament) shall remain suspended and be in operation within the Province so long as that statute is in force”.

http://www.dailymirror.lk/article/The-present-Constitution-Is-it-Federal-or-not--137751.html

මේ නීති කාරනා ඇත්තටම දැන් වැදගත් වෙන්නේ නෑ වැඩේ වෙන විදියයි වැදගත්. නීති කාරනා වැදගත් වෙන්නේ " අන්තර්ජාතික ප්‍රජාවට " මේක අසාධාරණයි අපිට 13 සම්පුර්නෙන් දෙන්නේ නෑ කියල ගතු කියල රටට බාල්දි පෙරලන්න.

අනිත් ෆෙඩරල් රටවල් එක්ක බැලුවම පළාත් සභා වලට නීති සම්පාදනය කරන්න දැනටම පුළුවන් වීම තමයි ඉතින් ෆෙඩරල් ලක්ෂණය, හැබැයි ඒවා මධ්‍යම රජයේ සමගාමී ලයිස්තුවේ නම් මධ්‍යම රජයට උඩින් යන්න බෑ. එත් මධ්‍යම රජය අහක බලාගෙන හිටියොත් ගොඩක් දේවල් කරන්න පුළුවන්. අපි ස්වාධීනයි කියල අහක බලන් ඉන්න රජයක් ආවොත් එදාට පළාත් පළාත් ගහ ගන්න තත්වෙයකට උනත් එන්න පුළුවන්. නීති සම්පාදනය කරන්න පුළුවන් නම් ඒවා බලාත්මක කරන්න පොලිසියක් අවශ්‍ය වෙනවා, ඉතින් ටික ටික ඔය පෙරහැර යන්නේ වෙනම රටකට තමයි.

ඔය නලින් ද සිල්වයි , ගුණදාස අමරසේකරයි වගේ සෑහෙන වයස මිනිස්සු තමයි 13 ප්‍රශ්නේ ගැන දැන් ඉතින් කතා කරන්න ඉතිරි වෙලා ඉන්නේ, අනිත් අය හැමෝම මැරිලා ගිහිල්ල, කාලයත් එක්ක ඔය ප්‍රශ්නේ මිනිස්සු ගණන් ගන්නේ නැති තත්වෙකට එයි. ඒවා එහෙම තමයි වෙන්නේ කියල දැනගෙනමයි බෙදුම්වාදීන් ඔය 13 සම්මත කරගත්තේම, කාලයාගේ ඇවෑමෙන් ඒගොල්ලොන්ගේ අරමුනට යන්න.

සිංහලයන්ට තියෙන්නේ ඉතින් ඕක අහක් කරගන්න බැරි උනත්, මේක අනීතිකයි , රටට වැඩක් නෑ , කියන මතය දිගටම අරන් යන එක.

සමාවෙන්න ඕනේ එතන නොපැහැදිලි උනාට මගේ වැරැද්ද දැන් හරි ගස්සලා තියෙන්නේ

පළාත් සභා වෙනුවට ප්‍රාදේශීය සභා වලට වැඩි බලතලයි දෙන්න ඕනේ

ප්‍රාදේශීය සභා කාර්‍යක්ශම කරන එක නම් හොඳයි.

"බලතල" ප්‍රාදේශීය සභා වලට දුන්නම ඒ බලතල වල සැර බලන්න වෙන්නේ ඒ ඒ ප්‍රදේශ වල මිනිස්සුන්ට.
ඊට පස්සෙ ඒ බලතල ක්‍රියාත්මක කරන්න ප්‍රාදේශීය දේශපාලකයො ගෙවල් අස්සෙ පන්සල් අස්සෙත් රිංගන්න එනවා.

දේශපාලන "බලය" තියෙන අයව දියවන්නාවේ තියල මිනිස්සු ඔක්කොම එකතු වෙලා දේශපාලකයො පාලනය කරන්න පුලුවන් නම් මිනිස්සුන්ගේ පැත්තට බලය වැඩි.
ප්‍රාදේශීය දේශපාලකයො පිස්සු කෙලිනකොට වෙනස් කරන්න අමාරුයි , මොකද ඒ දේශපාලකයන්ට විරුද්ධව මතයක් හදන්න තරම් ලොකු ජන බලයක් නෑ.

2015 මහින්ද පරදින්නත්, 2020 රනිල් ගෙදර යන්නත් තරමේ ජනබලයක් එන්නේ මිනිස්සු ගොඩක් එකතු වෙලා පත් කරන්න ඕන කාවද කියල තීරණය කරන නිසා.
මහින්ද මැදමුලනෙන් හරි, රනිල් කොලබ හතෙන් හරි කීයටවත් පරද්දන්න බෑ නේ.

බලය විමධ්‍ය කිරීමට විරුද්ධව තියෙන ලොකුම තර්කයක් තමයි , කුඩා ඒකක වලට බලය දුන්නම, ඉහලින් ඉන්න පක්ශ යාන්ත්‍රනය හැම වෙලේම වගකීමෙන් නිදහස්ව ගැලවිලා යන එක.

අනික මහ ආණ්ඩුව කරන්නෙ පොහොට්ටුව, ප්‍රාදේශීය සභාව ස.බ.ජ නම් ඒ සභාවට කොහොම උඩින් බාල්දි පෙරලෙයිද කියන්න බෑ , එහම උනොත් ඒ සභාවේ මිනිස්සුන්ට යන එන මන් නෑ. (පක්ශ දෙකේ නම නෙමේ වැදගත්).

 

[nalin0001]

හොඳ විසඳුමක් තියෙනවා. ජනාධිපති ඉතුරු වෙන්න අනෙක් ඇමති පදවි එතකොට පාර්ලිමේන්තුව අහෝසි කරලා දානවා. පොලිස් බලතල, ඉඩම්බල තල, ත්‍රිවිධ හමුදාවන්, අධිකරණ ඇමතිකම වගේ දේවල් ජනාධිපති යටතේ තියා ගන්නවා. පළාත් සභා 9 චන්දය තියලා මන්ත්‍රීවරු සහ පළාත් ඇමති වරු පත් කරගන්නවා. ඒ ඒ පළාතේ පරිපාලනය හා සංවර්ධන කටුයුතු ඒ ඒ පළාතටම භාර දෙනවා. ජනාධිපතිට ඕනෑම වෙලාවක පළාත් සභාවක් පවරාගැනීමේ බලතල ලබා දෙනවා

 

[326]

ඒ ඒ පළාතේ පරිපාලනය හා සංවර්ධන කටුයුතු ඒ ඒ පළාතටම භාර දෙනවා.

මුළු රටෙන්ම බදු මුදල් එකතු කරලා ඒ ඒ පළාතට සල්ලි බෙදල දෙනවද? එහම නැතිනම් සංවර්ධන වැඩ වලට සල්ලි හොයාගන්න ඉඩ දෙනවද?

අධ්‍යාපනයට මොකද කරන්නේ ?

ජනාධිපතිට ඕනෑම වෙලාවක පළාත් සභාවක් පවරාගැනීමේ බලතල ලබා දෙනවා

කිසිම හේතුවක් නැතිව පවරගන්න පුලුවන් බලතල ද ?

 

[dhanuka1990]

පලාත් සභා අහෝසි කරන්න කියන්නේ NGO කාරයෝ..- පොහොට්ටුව රට වටා ජනහමුවල..

ඕනේ නැහැ

හැබැයි මෙහෙම දෙයක් තියෙනව උතුරෙ උන්ට ඕන ඕක අපිට ඕන නැති උනාට, ඔය 13 තියෙන ඉඩම් සහ පොලිස්බලතල අලුත් විවස්තාවෙන් හලල පලාත් සබා පවත්වාගෙන ගියා කියල ගැටලුවකුත් නැ..

වැදගත්ම දේ අලුත් විවස්තාවෙන් පලාත් සවාවල තියෙන ඉඩම් සහ පොලිස් බලය අයින් කරන එක ඒක කරන්ඩම ඕන..

පලාත් සභා අහෝසි කරන්න කියන්නේ NGO කාරයෝ..- පොහොට්ටුව රට වටා ජනහමුවල..
September 20, 2020 at 3:50 pm | lanka C news
https://lankacnews.com/පලාත්-සභා-අහෝසි-කරන්න-කිය/
ශ්‍රී ලංකා පොදුජන පෙරමුණේ පලාත් සභා සංසදය පළාත් සභා මැතිවරණය පිළිබදව ජනතාව දැනුවත් කිරීමේ අරමුණින් දීප ව්‍යාප්තව පවත්වාගෙන යනු ලබන රැස්වීම් මාලාවේ තවත් එක් මාධ්‍ය හමුවක් නුවරඑළිය ග්‍රෑන්ඩ් හෝටලයේ දී පැවැත්විනි.

මෙහිදී අදහස් දැක් වූ මෙම අවස්ථාවට මධ්‍යම පළාත් සභාවේ හිටපු නියෝජ්‍ය සභාපති ආර්,එම්,එස්,බී,රත්නායක මහතා – “අද පළාත් සභා පිළිබදව සමාජය තුල කථිකාවක් ගොඩ නැගී තිබෙනවා. මෙය පිටුපස ඉන්නේ රාජ්‍ය නොවන සංවිධානයි. උතුරු නැගෙනහිර ප්‍රශ්ණයට විසදුමක් ලෙස මෙරට පළාත් සභා ක්‍රමය ප්‍රචලිත වුනා. පළාත් සභා ගෙනෙන විට එදත් විවේචන එල්ල වුනා. වසර 30 ක පමණ කාලයක් පළාත් සභා ක්‍රමය තුල ජනතාවට සමීප නියෝජිතයින්ගෙන් සැදුම් ලත් ආයතනයක් ලෙස පළාත් සභා හැදින්විය හැකියි.

ආණ්ඩුක්‍රම ව්‍යවස්ථාව තිබෙන කල් මෙය වෙනස් වෙන්න බැහැ. වෙනස් කරනවා නම් 13 ව්‍යවස්ථාව වෙනස් විය යුතුයි. එසේ වෙනස් කරන තෙක් පළාත් සභාව තිබිය යුතුයි. එය වෙනස් කළ නොහැකියි. වෙනස් කරනවා නම් 19 වන ආණ්ඩුක්‍රම ව්‍යවස්ථාව වෙනස් කරලා අළුතෙන් පනතක් ආ යුතුයි. නැතිනම් උතුරු නැගෙනහිර ගැටළුවට විසදුමක් දිය යුතුයි. එසේ නොකොට යම් කිසි පිරිසක් උත්සාහ ගන්නවා පළාත් සභා අහෝසි කිරිමට.

2018 පසුගිය යහපාලන ආණ්ඩුව මැතිවරණය තිබ්බේ නැහැ. අද එම නිසා රට තුල බරපතල ප්‍රශ්ණයක් ඇති වෙලා තිබෙනවා. අපි පළාත් සභා මැතිවරණයට ඉල්ලනවා ද නැද්ද යන්න තීරණය කරන්නේ ඒ ඒ පක්ෂ. අපි කෑදරකමේ ඉන්නවා නොවෙයි. අපි මැතිවරණයට ඉල්ලන්නත් පුළුවන් නොවෙන්නත් පුළුවන්”

මෙම අවස්ථාවට මධ්‍යම පළාත් සභාවේ හිටපු නියෝජ්‍ය සභාපති ආර්,එම්,එස්,බී,රත්නායක මහතා, මධ්‍යම පළාත් සභාවේ හිටපු මන්ත්‍රී සත්තිවේල් මහතා, දිලීප් කුමාර් හිටපු මන්ත්‍රීතුමා (ලංකා කම්කරු කොංග්‍රසය), අඹගමුව ප්‍රාදේශීය සභා සභාපති ජයන්ත පෙරේරා මහතා, නුවරඑළිය තරුණ බල මණ්ඩලයේ සභාපති ඉන්දික රත්නායක යන මහත්වරුන් එක්ව සිටියහ.

– විරාජ් අබේසිංහ