Reply to thread

Message: <blockquote data-quote="SLBlackKnight" data-source="post: 10595361" data-attributes="member: 308134">පාතාලයකුගේ අවසානයදකුණ හෙල්ලූ නෙළුවේ ප්‍රියන්ත[ATTACH]31515[/ATTACH]උඩවලව ජාතික වනෝද්‍යානයේ පතහඩුව ප්‍රදේශය පුරා පැතිර තිබුණේ දැඩි නිහැඬියාවකි. ඒ වන විට ඝන අන්ධකාරය මුළු වනාන්තරයම ගිලගෙන තිබිණි.ඝන වනාන්තරය මධ්‍යයේ පොල් අතු සෙවිලි කර ඉදිකළ වාඩියකි. ගව පට්‌ටි පාලනය සිය ජීවිකා වෘත්තිය කරගත් අහිංසක එඩේරුන් හත්දෙනකු වාඩියේ වූහ. දැඩි වෙහෙසකර කර්කශ වූ දිවා කාලය නිමා කර මේ පිරිස වාඩියට වී රාත්‍රිය ගත කළේ විඩා නිවා ගැනීමටය. ඔවුන් ලන්තෑරුම් එළියෙන් රාත්‍රි ආහාර සඳහා යමක්‌ සූදානම් කරමින් සිටියහ.ඝන අන්ධකාරය මැදින් විදුලි පන්දම් එළි කීපයක්‌ මතුවිය. වාඩියේ සිටි කිසිවකු ඒ විදුලි පන්දම් එළි දුටුවේ නැත. කෑලි කැපිය හැකි අන්ධකාරය අතුරින් මතු වූයේ මුළු තණමල්විල ප්‍රදේශයම භීතියට පත්කර ගෙන සිටි නෙළුවේ ප්‍රියන්ත ඇතුළු ඔහුගේ සගයන් ය.ඉදිරියෙන්ම ගමන් කළේ නෙළුවේ ප්‍රියන්තය. ඔහු අත ටී. 56 ගිනි අවියකි. කහවත්තේ සුද්දා, රතු ලොක්‌කා, පුංචි මල්ලී සහ තවත් සගයකු පසුපස ගමන් කළහ. ඔවුන් සියලු දෙනා ගිනි අවි සහ පොලුවලින් සන්නද්ධව සිටියහ.හිත් පිත් නැති ඒ පාපතර මිනිසා මහා අපරාධයක්‌ කිරීමට අරඅඳිමින් සිටියේය. වාඩියේ සිටි අහිංසක එඩේරුන්ට අයත් ගවයන් තමන් සන්තක කර ගැනීමට නොහැකි වීම නිසා ඔවුන්ගෙන් පළිගැනීමට නෙළුවේ ප්‍රියන්ත පසුබට වූයේ නැත.වාඩියේ සිටි කිසිවකු ඒ පිළිබඳව දැන සිටියේ නැත. අඳුරේම ආ විදුලි පන්දම් එළි වාඩිය ආසන්නයේ නතර විය. ගත වූයේ නිමේෂයකි. මුළු පතහඩුව ප්‍රදේශයම දෙදරුම් කවමින් වාඩිය වෙත අත්බෝම්බ ප්‍රහාරයක්‌ එල්ල විය.ඒ සමඟම වෙඩි වරුසාවක්‌ ද වාඩිය දෙසට එල්ල වූයේ හෙණ ගෙඩි පුපුරන්නාක්‌ මෙන් ය."තොපි දන්නෙ නැහැ නෙළුවෙ ප්‍රියන්තගෙ වැඩ. මාත් එක්‌ක හැප්පෙන්න එන ඕනෙම එකෙකුට වෙන්න මේක තමයි."නෙළුවේ ප්‍රියන්ත කෝපයෙන් කෑ ගැසුවේ ය. ඒ සමඟම වාඩියට කඩාවැදුණු ඔහුගේ ගෝලයන් පොලු මුගුරු වලින් බිම වැටී සිටි එෙŒරුන්ට පහර පිට පහර දෙන්නට වූහ. අහිංසක එෙŒරුන් විලාප දුන්හ. එහෙත් ඔවුන්ගේ පිළිසරණට ඉදිරිපත් වීමට තරම් සමතකු වනාන්තරයේ සිටියේ නැත.විනාඩි කීපයක්‌ ගත වන්නට පෙර වාඩියේ සිටි අහිංසකයන් හත්දෙනාම පරලොව යෑවීමට නෙළුවේ ප්‍රියන්ත ඇතුළු සගයන්ට හැකි විය."ගිනිතියපියව් මුන්ගෙ මළ මිනීවත් ගෙනියන්න බැරිවෙන්න. මුළු වාඩියම අළුකරල දාපියව්."නෙළුවේ ප්‍රියන්තගේ අණින් සගයන් වාඩියට ගිනි තැබූහ. කිසිදු වරදක්‌ නොකළ ඒ අහිංසක එෙŒරුන් හත්දෙනාම බිලිගත් නෙළුවේ ප්‍රියන්ත සිය ගෝල බාලයන් ද සමඟ පලා ගියහ.සිය පාතාල බලයෙන් තණමල්විල, උඩවලව, බෙලිඅත්ත, සූරියවැව, ඇඹිලිපිටිය ඇතුළු ප්‍රදේශ ගණනක අහිංසක ජනතාව භීතියට පත් කර ගෙන සිටි නෙළුවේ ප්‍රියන්ත සියලු කටයුතු කළේ කැලෑ නීතියට අනුවය.1966 වර්ෂයේ අප්‍රේල් මස 16 වැනි දින වලස්‌මුල්ල රෝහලේ උපත ලැබූ ගුරුසිංහගේ ප්‍රියන්තගේ කුඩා කාලය ඉතා දුෂ්කර එකක්‌ විය. මොරයාය මහා විද්‍යාලයේ අ.පො.ස. සාමාන්‍ය පෙළ පංතිය දක්‌වා අධ්‍යාපනය ලැබූ ප්‍රියන්ත ස්‌ථිර රැකියාවක්‌ සොයා ගැනීමට වෙහෙසුණේය. එහෙත් ඔහුට සුදුසු රැකියාවක්‌ ලැබුණේ නැත.තරුණ වයසේදී ම හේන් ගොවිතැනට යොමු වූ ප්‍රියන්ත සිය ඥතීන් කීපදෙනකු ද සමඟ තණමල්විල ප්‍රදේශයේ රජයේ ඉඩම් බලහත්කාරයෙන් අල්ලා ගත්තේය.ප්‍රියන්තට සොහොයුරන් දෙදෙනෙකි. එකකු ප්‍රේමතිලක වන අතර අනෙකා පුංචි මල්ලීය. හේන් ගොවිතැන් කරන අතරතුර ගංජා වගා කිරීමට ප්‍රියන්ත උත්සුක වූයේ ඉන් වැඩි ආදායමක්‌ ලැබීම නිසාය. ප්‍රියන්තගේ සොහොයුරන් දෙදෙනාද හැමවිටම ඔහු පසුපස සිටියහ.තණමල්විල ප්‍රදේශයේ ජනතාවගේ ප්‍රධාන ආදායම් මාර්ග දෙකකි. ගොවිතැන ඉන් එකකි. ගවපට්‌ටි පාලනයෙන් ද මේ ප්‍රදේශයේ ජනතාව විශාල ආදායමක්‌ උපයා ගත්හ.ගංජා හේන් වගා කරන අතරතුර ගවපට්‌ටි පාලනයට ද අත ගැසූ ප්‍රියන්ත එයද සාර්ථකව කරගෙන ගියේය.1988 වර්ෂය වන විට මුළු රටම භීෂණයෙන් වෙළාගෙන තිබිණි. තණමල්විල ප්‍රදේශයේ ද භීෂණය තදින්ම පැවතිණි. ඒ වන විට නෙළුවේ ප්‍රියන්ත ද ජනතා විමුක්‌ති පෙරමුණේ ප්‍රබලයකු බවට පත්ව සිටියේය.තණමල්විල ප්‍රදේශයේ පැවැති ජනතා විමුක්‌ති පෙරමුණේ පංති රැසකට සහභාගි වූ නෙළුවේ ප්‍රියන්ත 1989 වර්ෂයේ යුද පුහුණුවක්‌ ද ලබා ගත්තේය. යුද හමුදාවෙන් පලාවිත් ජනතා විමුක්‌ති පෙරමුණේ සන්නද්ධ අංශයට බැඳී සිටි නිකලස්‌ නමැත්තාගෙන් ස්‌වයංක්‍රීය අවි භාවිතය පිළිබඳව හොඳ පුහුණුවක්‌ ලබා ගැනීමට ප්‍රියන්තට හැකි විය. </blockquote>

Verification: Dawasata paya keeyak thibeda?

Top Bottom