Reply to thread

Message: <blockquote data-quote="SLBlackKnight" data-source="post: 10595374" data-attributes="member: 308134">නෙළුවේ ප්‍රියන්aතගේ ගව ගාල් වල සිටි සියලුම ගවයන් මේ ආකාරයට පැහැරගත් සතුන් ය. මොහුගේ ගව සොරකමට එරෙහි වීමට කිසිවෙකුත් ඉදිරිපත් වුණේ නැත. කිසිවකු හෝ නෙළුවේ ප්‍රියන්තට එරෙහි වුවොත් ඔහුට සිදු වූයේ ජීවිතයෙන් වන්දි ගෙවීමටය.ගව සොරකමට අමතරව බඹරගල රජයේ රක්‍ෂිතයේ මහා පරිමාණයෙන් ගංජා හේන් වගා කිරීම ද නෙළුවේ ප්‍රියන්ත ජයටම කරගෙන ගියේය. මොහුගේ ජාවාරම්වල නිරත වූ සෑහෙන පිරිසකට වැටුප් ගෙවීමට පවා නෙළුවේ ප්‍රියන්ත කටයුතු කළේය. ගව ගාල්වල කිරි දෙනුන්ගෙන් දෛනිකව රුපියල් පනස්‌ දහසක පමණ කිරි ප්‍රමාණයක්‌ ලබා ගැනීමට නෙළුවේ ප්‍රියන්තට හැකි විය. ඊට අමතරව දෛනිකව මස්‌ පිණිස ගවයන් තොග පිටින් කොළඹට පැටවීම මොහු ජයටම කරගෙන ගියේය. ඔහු ඉන් ලැබූ ආදායම ලක්‍ෂ ගණනකි. 1995 වර්ෂය වන විට නෙළුවේ ප්‍රියන්ත නීත්‍යනුකූලව විවාහ වී සිටියේය. නෙළුව යාය කිතුල්කොටේ තණමල්විල, පිහිටි නිවසක පදිංචිව සිටි ප්‍රියන්ත යහපත් පවුල් ජීවිතයක්‌ ද ගත කළේය. රටේ නම ගිය පාතාල සගයන් මෙන් නෙළුවේ ප්‍රියන්ත සුර සැප වින්දේ නැත. කැසිනෝ අවන්හල්වලට රිංගුවේ නැත. විස්‌කි බ්‍රැන්ඩි පානය කළේ නැත. නෙළුවේ ප්‍රියන්ත කිසි දිනක කලිසමක්‌ ඇන්දේත් පාවහන් යුවළක්‌ පැළැඳුවේවත් නැත. 1995 වර්ෂයේ මාර්තු මාසයේදී සිය ප්‍රතිවාදීන් දෙදෙනකු වූ කපිල සහ සුද්දා වෙඩි තබා ඝාතනය කිරීමට නෙළුවේ ප්‍රියන්ත ඇතුළු සගයන් කටයුතු කළහ. මොවුන් දෙදෙනා ත්‍රිරෝද රථයකින් යමින් සිටියදී තණමල්විල වම්බටුවැව ප්‍රදේශයේදී එය නතර කළ නෙළුවේ ප්‍රියන්ත රතු ලොක්‌කා, පුංචි මල්ලී, කහවත්තේ සුද්දා ඇතුළු සගයන් ඔවුන් ත්‍රිරෝද රථයෙන් පිටතට ගෙන වෙඩි තබා ඝාතනය කළහ. නෙළුවේ ප්‍රියන්ත ඇතුළු පාතාල සගයන් දිනෙන් දින සිදුÊකරන මිනිස්‌ ඝාතන සහ විවිධ අපරාධ නිසා තණමල්විල ඇතුළු ප්‍රදේශ ගණනාවක ජනතාව ජීවත් වූයේ දැඩි භීතියෙනි. නෙළුවේ ප්‍රියන්තට එරෙහිව වචනයක්‌ හෝ කතා කළ පුද්ගලයකුට සිදු වූයේ ජීවිතයෙන් වන්දි ගෙවීමටය.ගලේ හීන්මහත්තයා කුඩාඔය ප්‍රදේශයේ අහිංසක ගොවියෙකි. ගව පාලනයත්, ගොවිතැනත් කරමින් සාමකාමීව ජීවත් වූ ඔහුගෙන් කිසිවෙකුට හිරිහැරයක්‌ නැත. ගලේ හීන්මහත්තයාගේ පුත්‍රයා ප්‍රියංකරය. අපොස උසස්‌ පෙළ දක්‌වා අධ්‍යාපනය ලැබූ ප්‍රියංකර කරාතේ සටන් කලාව හදාරමින් සිටියේය.1995 වර්ෂයේ ජුනි මාසයේ එක්‌ දිනක කිතුල්කොටේ පාසල අසලදී නෙළුවේ ප්‍රියන්තට ප්‍රියංකර මුණගැසිනි. එහිදී ඇති වූ ඉතාම සුළු වචන හුවමාරුවක්‌ නිසා නෙළුවේ ප්‍රියන්ත යක්‍ෂාවේෂ වූවේය. ඒ වන විට ඔහුගේ බාල සොහොයුරු වූ ප්‍රේමතිලක ද ඒ අසල විය.සුළු සිදුවීමෙන් කෝපාවිෂ්ඨ වූ නෙළුවේ ප්‍රියන්ත සිය සොහොයුරා සමඟ එක්‌වී ප්‍රියංකරට පිහියෙන් ඇන කපා කොටා ඝාතනය කළේ කිතුල්කොටේ පාසල ඉදිරිපිට මහ දවල් ය.2001 වර්ෂයේදී අන්දරවැව ප්‍රදේශයේ පදිංචිකරුවකු වූ සූරියවැව රාජා ටී. 56 ගිනි අවිවලින් වෙඩි තබා ඝාතනය කිරීමට නෙළුවේ ප්‍රියන්ත ක්‍රියා කළේය. ඒ ඝාතනයට හේතු වූයේ සූරියවැව රාජා ප්‍රසිද්aධියේ නෙළුවේ ප්‍රියන්තට බැන වැදීමය.2002 වර්ෂයේ මාර්තු මාසයේදී ගාමිණී යන අය වෙඩි තබා ඝාතනය කිරීම එම වසරේ ම ජුනි මාසයේදී හදීන් යන අය ඇඹිලිපිටිය හෝටලයක සිටියදී ටී. 56 ගිනි අවියකින් වෙඩි තබා මරා දැමීම ප්‍රියන්තගේ අපරාධවලින් කිහිපයකි.මොරයායවත්තේ ගාමිණී නෙළුවේ ප්‍රියන්තගේ සමීපතමයකු විය. ප්‍රතිවිරුද්ධ කණ්‌ඩායමක්‌ විසින් ගාමිණීගේ සොහොයුරකු ඝාතනය කර තිබිණි. ඊට පළිගැනීමක්‌ ලෙස නෙළුවේ ප්‍රියන්ත සිය සගයන් ද සමඟÊගොස්‌ අම්බලගෙදර සුමතී නමැත්තා එම්. 84 වර්ගයේ ගිනි අවියකින් වෙඩි තබා ඝාතනය කළහ. මෙම සිද්ධියම මුල්කරගෙන තලවගෙදර ලොකු අයියා නමැති අය ද ඝාතනය කිරීමට මොවුන් කටයුතු කළහ. </blockquote>

Verification: Winadiyakata thappara keeyak tibeda?

Top Bottom