Reply to thread

Message: <blockquote data-quote="AnurangaSS" data-source="post: 9282596" data-attributes="member: 92055">ලංකා මාතෘ භූමිය ත‍්‍රස්තවාදයෙන් නිදහස් කරගැනීමේ  පණිවුඩය පාර්ලිමේන්තුවට දන්වමින් මහින්ද රාජපක්ෂ ජනාධිපතිවරයා පැවැසුවේ  "එකම ධජයක් යටතේ එක් රටක්, එක් ආණ්ඩුවක්"සංකල්පය ඉදිරියට ගෙන යා යුතු බවයි. අනතුරුව පසුගිය 09  වැනි දා පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරි රංජිත් ගුණසේකර  මහතා එක් කාරණයක් දැඩිව අවධාරණය කළේ ය. ඒ පාතාල සාමාජිකයන්ට හා දරුණු  අපරාධකරුවන්ට තමන් සතු ආයුධ සමග පොලීසියට භාර වන ලෙස ය. ආරක්ෂක ලේකම්වරයා ද  මෙම ප‍්‍රකාශය කර තිබිණි. එය අවසන් නිවේදනය නිකුත් කිරීමක් ලෙස ද දැක්විය හැකි ය.   ශ‍්‍රී ලංකාවේ ක‍්‍රියාත්මක නීතියට අනුව නීත්‍යනුකූලව  ගිනි අවි දැරීමේ අයිතිය ඇත්තේ ආරක්ෂක අමාත්‍යංශයේ අවසරලත් පුද්ගලයන්ට පමණි.  රජයේ ආරක්ෂක හමුදාවලට සහ පොලීසියට එය නිල බලයෙන් ම හිමි වෙයි. නීතිවිරෝධී  ලෙස අවි ආයුධ දරන කණ්ඩායම් අත්අඩංගුවට ගැනීමේ මෙහෙයුම් ඉතිහාසය පුරා  ක‍්‍රියාත්මක විය. හිටපු පොලිස්පති චන්ද්‍රා ද සිල්වා පාතාල මර්දනයේ දී  සුවිශේෂ කාර්යභාරයක් ඉටු කළේ ය. වර්තමානයේ ද පොලීසිය සහ ආරක්ෂක අංශ පාතාලය  මර්දනය කිරීමේ මෙහෙයුමක් ආරම්භ කර ඇත. ඒ යටතේ පාතාල නායකයන් රැසක්  අත්අඩංගුවට ගැනිණි. ඔවුහු සැඟවූ ආයුධ පෙන්වන්නට ගියහ. පොලීසියට වැඩ  පෙන්වන්නට උත්සාහ දැරූහ. එහි දී ආත්මාරක්ෂාව පතා පොලිස් නිලධාරීහු තමන්ට  හිමි "නීත්‍යනුකූල"ගිනි අවියෙන් පාතාලයන්ට වෙඩි තැබූහ.    විවිධ සමාජමය හේතූන් මත අපරාධකරුවන් ලෙස හංවඩු ගැසුණු  බොහෝ පුද්ගලයන් පෝෂණය කළේ දේශපාලනඥයන් ය. එම නිසා පාතාල මෙහෙයුම් කොතෙක්  ක‍්‍රියාත්මක වුව ද පැවැති හා පවතින ආණ්ඩුවලට හිතවත් පාතාලයන් නිරුපද්‍රිත  විය. ඔවුන් ගලවා ගැනීමට ශ‍්‍රී ලංකා පොලීසිය ආරක්ෂක හමුදා යන නීතිය රකින්නට  සිටින ආයතනවල ඇතැම් නිලධාරීන් හා දේශපාලනඥයන් නිරන්තරවම ඉදිරිපත් විය. ඊට  අතීතයේ මෙන් ම වර්තමානයේ ද ඇති පදම් සාක්ෂි තිබේ.     ජේ.ආර්. ජයවර්ධන ජනාධිපතිවරයා "ගෝනවල සුනිල්"නමැති  පාතාල නායකයා සිර ගෙදරින් නිදහස් කළේ ජනාධිපති පොදු සමාවක් ලබා දෙමිනි.  එපමණකින් නොනැවතුණු ජේ. ආර්. ඔහුට සාම විනිසුරු පදවියක් ද පිරිනැමුවේ ය.  කොළොන්නාව ඛනිජ තෙල් පිරිපහදුව තෙක් දිවෙන නළවලින් ඛනිජ තෙල් සොරාගත්, මිනීමැරුම් ගණනාවකට සම්බන්ධ "ගෝනවල සුනිල්"වර්තමාන  විපක්ෂ නායක රනිල් වික‍්‍රමසිංහ සමග ද සමීප සම්බන්ධතා පැවැත්වූ බව  ප‍්‍රසිද්ධ රහසකි. එසේ ම "බැද්දගානේ සංජීව"ද ප‍්‍රකට පාතාල නායකයෙකි. හිටපු  ජනාධිපතිනි චන්ද්‍රිකා බණ්ඩාරනායකට එරෙහි මතවාද මර්දනය කිරීමට යොදා ගත්  සුරතලෙකි. පොලිස් කොස්තාපල්වරයකු ලෙස බැද්දගානේ සංජීවට නීත්‍යනුකූල අවි  දැරීමේ අයිතිය ලබා දුන් චන්ද්‍රිකා ජනාධිපතිනිය පසුව ඔහු ජනාධිපති ආරක්ෂක  අංශයට බඳවා ගත්තේ වැඩි හොඳට ය. මාධ්‍යවේදී රෝහණ කුමාර ඝාතනය ඇතුළු ඝාතන  රැසකට සම්බන්ධ ඔහුට පළාතේ නඩු ඇසීමේ බලය ද නොනිල ලෙස හිමි වී තිබිණි. ඒ  සියල්ලෙන් ලැබුණේ කැකිල්ලේ රජ්ජුරුවන්ගේ තාලයේ නඩු තීන්දු ය.</blockquote>

Verification: Haya warak paha keeyada? (haya wadi kireema paha)

Top Bottom