Reply to thread

Message: <blockquote data-quote="riduna pm" data-source="post: 28821938" data-attributes="member: 567786">මිටි උනත් උස උනත්ශ්‍රී ලංකාවේ මිලියන 22 ක් වෙච්චි ජනගහනයෙන් මිලියන 8.5 ක ශ්‍රම බලකායක් අපිට ඉන්නවා. ඒක හැදෙන්නේ මෙහෙමයි. අපේ රටේ මුළු ජනගහනයෙන් වසස 15 ට වැඩි සංඛ්‍යාව මිලියන 17 ක්. මේ මිලියන 17 තමයි වැඩකරන වයසේ පිරිස හැටියට ගැනෙන්නේ.  මේ මිලියන 17 න් කොටසකට රැකියාවක් කරන්න බෑ. ඒ පූර්ණ කාලීන ගෘහණියන්, පූර්ණ කාලීනව ඉගෙන ගන්න සිසුන් සහ විශ්‍රාමිකයන්   මේ මිලියන 17 තුල  ඉන්නවා. මේ මිලියන 17 න් ඒ කොටස අයින් කරහම තමයි අපේ ශ්‍රම බලකාය හැදෙන්නේ. ඒ පිරිස තමයි මිලියන 8.5 ක් කියන්නේ. මේ මිලියන 8.5 න් මිලියන 8 ක්ම සේවානියුක්තිකයන්. ඒ කියන්නේ ඔවුන් මේ වන විට රැකියාවක යෙදෙනවා. මේ අතරින් මිලියන භාගයක් මිනිසුන් රැකියා විරහිතයි. ඔවුන් ශ්‍රම බලකාය තුල සිටියත් තවමත් රැකියාවක් සොයා ගැනීමට හැකියාව ලැබිලා නෑ. ඔවුන් පසුගිය සති 4 තුල රැකියාවක් නොකලත් රැකියාවක් සෙවීම සඳහා කටයුතු කරලා තියෙනවා වගේම එළඹෙන සති 2 තුල රැකියාවක් ලැබුනොත් බාර ගන්න බලාපොරොත්තුව ඉන්නවා. මේකට තමයි රටේ unemployment rate එක කියන්නේ. ඒක ආසන්නව 05% ක්. මිලියන 17 කට ආසන්නවැඩ කරන වයසේ ජනතාවගෙන් මිලියන 8 ක සේවානියුක්තියක් තියෙනවා කියන්නේ අපේ රටේ ශ්‍රම බලකා සහභාගිත්වය ආසන්නව 50% ක්. ඒක හොඳ තත්වයක්. මේ ගණනය කිරීම් වලට විදෙස් ගත වීම් ගණනය වන්නේ නෑ. දැනට අපේ මිනිස්සු මිලියන 3 ක් පමණ රට ඉන්නවා. වේගයෙන් පිටරට රැකියා සොයා ගන්න නිසා රටේ ආර්ථිකය තුල රැකියා ජනනය වීමේ දුර්වලතාවය මග ඇර ගෙන රැකියා වියුක්තිය අඩු මට්ටමක තියා ගන්න අපිට පුළුවන් වෙලා තියෙනවා. ඉතිං  අපි ඔක්කොම තමයි මේ රටේ ශ්‍රම සම්පත. මේ පොඩි රට ජීවත් කරවන්න තියෙන්නේ මේ මිලියන 8 ක් වෙච්ව් අපිට සහ පිටරට ඉඳන් හම්බ කරලා සල්ලි එවන අයට. අද අපි හැමෝවම සමරන දවස... ඒකට දේශපාලනයක් ඕනේ නෑ. ඒකට ඕනේ එකිනෙකාට ගරුකරන සමාජයක් හදන්න වුවමනාව. අපි හැමෝටම ගෙයක් දොරක් හදා ගෙන, අවශ්‍යතාවයන් ඉටු කරගෙන, හොඳින් දරුපවුලක් රැක බලා ගෙන, දෙමාපියන්ට සලක ගෙන, පිනක් දහමක් කරගෙන සතුටින් ඉන්න රටක් හදා ගන්න ඕනේ. අපේ ශ්‍රමය වඩාත් කාර්යක්ෂමව යොදා ගෙන රටට සම්පත් ජනිත කරන්න පුළුවන් ආර්ථිකයක් හදන්න ඕනේ. ඒ සම්පත් සාධාරණව බෙදෙන දේශපාලනයක් ඕනේ. අපි මහන්සි වෙලා හදා ගන්න ඕනේ එහෙම රටක්. එදාට අපි හැමෝටම සතුටින් සමරන්න වැඩ කරන ජනතාවගේ දවසක් තියෙයි. අපි ඒ අරමුණට වැඩ කරන ගමන්... ඔබට ජය! පැතුම් කර්නර් #පැතූනොමික්ස් #හරිත #පැතුම්ගේ_කතාව</blockquote>

Verification: Winadiyakata thappara keeyak tibeda?

Top Bottom