Reply to thread

Message: <blockquote data-quote="rehan1986" data-source="post: 9443267" data-attributes="member: 33131">ඇත්ත වශයෙන්ම ඇමරිකාවේ වෙසෙන කෙනෙකුට,  ඩොලර් වලින් ගණු දෙනු කරන කෙනෙකුට, ඔබේ රුපියල්, ශත පළක් නැත. එසේ නම්  ලෝකයේවත් ඒ තරම් තැනක් නොලබන, ඩොලර්, පවුම්, යූරෝ වැනි මනුලොව කාසි ඉදිරියේ  පවා “දුර්වල” යැයි සම්මත ඔබේ රුපියල්, ශත වලින් ලැබෙන පගාවක්  බලාපොරොත්තුවෙන්, ඒ තරම් සැප ඇති දෙව්ලොව වෙසෙන දෙවියෙකු මේ මිනිසුන් වෙත  එනු ඇතිද? දෙවියන් කෙසේ වෙතත්, මේ කියන අයවළුන්  කරන කියන දෑ වලින් තමන්ට අණිසි ගෞරවයක් ලබාගත හැකිය යන පවිටු චේතනාවෙන්,  මනුලොව අනන්තවත් පවුකාර කම් කොට, මියගොස් මළ පෙරේතයන්, භූතයන්,  කුම්භාණ්ඩයන්ව උපන් දුෂ්ඨ අමනුෂ්‍ය කොටස් නම් මොවුන් වටා බෙහෙවින් ගැවසෙති.  මෙලෙස අනීවාරතයේ පහන් දල්වා, බුදුන්ට කැප නොකොට, ලෝභී, මෝහී හා ද්වේෂී  චේතනාවෙන් මඬනා ලදුව කරන වන්දනා මාන ඒ අමනුෂ්‍යයෝ පිළිගනිති. ඉන්පසුව, මේවා  මෙහෙයවන මිසදිටුවන් සමඟම ඒවා පසුපස යන ඔබද උන්ගේ වහලට ගණිති. බිය වද්දති.  යළි, යළිත් ගෙන්වා ගන්නා තැනට වැඩ කරති. අවසානයේ මෙලොව හා පරලොව වශයෙන්  විනාශ කර දමති. අසරණ සිංහල බෞද්ධයෝ දහස් ගණනක් මේ අමනුෂ්‍ය ප්‍රාණීන්ට  දැනටමත් ගොදුරුව සිටිති. ඔවුන් නිසාම ධනයෙන්, ශීලයෙන් පිරිහී ගොස් අවසන  අපාගත වෙති. මිසදිටුවේ ස්වභාවය මෙයයි. ….. දෙවියෝ පූජාව කනවාද? …… බුදු දහමට අනුව, දෙවියන්ගේ සදෙව් ලෝ  පිහිටා ඇත්තේ, අපේ මිහිපිටට බොහෝ ඈතිනි. ඒ දෙව්ලෝ තුළ, දියුණු දෙවියෝ විඳින  සැප, බුදු හිමියෝ, මහ මුගලන් රහතන් වහන්සේ වැනි මහා සෘද්ධිමතුන්ට හැර, ඔබ  හා මා වැනි සාමාන්‍ය ජනයින්ට සිතා ගත නොහැක. පන්සල් වල ඇඳ ඇති චිත්‍ර බලා  අපට ඒවායේ සැප ගැන සිතා ගත නොහැක්කේ, ඒ චිත්‍ර, මූර්ති නිමැවී ඇත්තේ ඒ, ඒ  කාළයට සිටි මූර්ති ශිල්පීන්, තමන්ගේ කාළයට සාපේක්ෂව “සැප” දැක ඇති ආකාරය  මූර්තිමත් කළ නිසාය. ඇත්ත වශයෙන්ම දෙව් ලෝ වල ඇත්තේ අපට  සිතා ගත නොහැකි සැප දායක පරිසරයන්ය. ඒවායේ ඉන්නා අය කෑම කනවා නම්, ඒ කෑම  බීමද අපට සිතා ගත නොහැකි තරම් ප්‍රණීත, සුපිරිසිදු ඒවා විය යුතුමය. එවැනි අය ඔබට වැඩක් කර දෙන්නේ ඔබ දෙන  පළතුරු වට්ටියටද? නැතිනම් දුර්වර්ණ වූ කවර වල ඔතන ලද රස කැවිල්ලටද? සුරතලයට  අප ඇති කරන සුනඛයන්ට නම් අප දෙන්නේ කෑම ටිකක් පමණි. ඒ කෑම ටික පතාගෙන අපට  හිතවත් වන බල්ලා, අපේ ගේ දොර, දේපළ මුර කරයි. දෙවියන්ටත් අප පළතුරු ටිකක්  විසි කළහොත් අපි ඉල්ලන ඕනෑම දෙයක් කර දෙනවාද? එසේ නම් දෙවියෙකුගේ වටිනාකම  ගෙදර බල්ලාගේ වටිනාකමට සමානද? මේ පළතුරු වට්ටි දේවාල අයිනේ, සාස්තර  කාරයන්ගේ මගෝඩි ශාලා අයිනේ විකුණන්නට තබා ඇති අයුරු ඔබ දැක තිබෙනවාද? ඒවා  මැස්සන්ගෙන්, මැක්කන්ගෙන් වැසී, පිරී, ඉතිරී තිබෙන බව කතරගම පැත්තේ යන ඔබට  දකින්නට ලැබෙනු ඇත. මේවා මිනිසුන්ටවත් ආහාරයට නුසුදුසු කුණු වී ගිය පළතුරු  වෙති. කපා බොහෝ කළක් ඉකුත් වී ඇති පළතුරු වෙති. හිතවත් සිංහල බෞද්ධය, දෙවියන්ට ඔබේ  කුණු පළතුරු කා, ඒවායින්ද භාගයක් ඔබටම දී, ඔබට වැඩක් කර දීමට තරම් අහේනියක්  නැත. ඔබේ නරක් වී ගිය, මැසි, මැක්කන් ගහණ කුණු පළතුරු කෑමට තරම් දෙවියන්  දුබල නැත. මේවායින් සිදුවන්නේ ඔබේ මුදල් නිකරුණේ අපතේ යාම, පවු පුරවා ගැනීම  හා අසරණ, කුසගින්නේ පෙළෙන දරුවන්ට කන්නට සොබා දහම දෙන පළතුරු ටික නාස්ති  කිරීමෙන් ඔබ අපා ගත වීමය. කන්නට යමක් දෙන්නට නොහැකිව දරුවා ගඟට තල්ලු කරන  මවුවරු සිටින රටේ, ටොන් ගණන් කුණු වී ගිය ආහාර පාන, දේවාලවලින් දිනකට අපතේ  දමති. බලවත් අපරාදයක් නොවේද? Read more: <a href="http://sinhalabuddhist.com/2010/12/buddhism-and-gods/#ixzz1E0HdFpcx" target="_blank">http://sinhalabuddhist.com/2010/12/buddhism-and-gods/#ixzz1E0HdFpcx</a> Under Creative Commons License: <a href="http://creativecommons.org/licenses/by/3.0" target="_blank">Attribution</a> </blockquote>

Verification: Dawasata paya keeyak thibeda?

Top Bottom