Reply to thread

Message: <blockquote data-quote="Damith Kariyawasam" data-source="post: 8223307" data-attributes="member: 31903">මේ... දැන් එතකොට, ඔහොම සම්මා සංකප්පයට ආවම හරියාවිද? නෑ නෑ. මතකනැද්ද මේ 'අපි' කියන්නේ අර දුවන OS එකෙන්, මතකයේ ගබඩා වෙච්ච දේවල් වලට අනුව ඇතුලේ සිද්ධවෙන ක්‍රියාවලියෙන්, ඇතිවෙච්ච ඵලයක් නේ! මේ කරන්නේ ඒකෙ තියන අඩුපාඩු, ලෙඩ සේරම එහෙමම තියාගෙන, කැලේ නොගිහින් ඉන්න දරන උත්සහයක් විතරයි. හරියටම වැඩේ ඉවරයක් වෙන්න නම් අපේ operating system එක එහෙමපිටින් update වෙන්න ඕනේ, විසංඛාර ගතන් චිත්තන්!, අරහත්වයට පත්වෙන්න ඕනේ! ඕක කරන්න බැරිවෙන්න මේ system එකේම තියෙන upset ටිකක්, ඒකෙන්ම එන 'අබල් බබල්' ටිකක් තියෙනවා. බුදුහාමුදුරුවෝ මේ OS එක හෙමපිටින් අවුස්සලා බලල සේරම හොයාගෙන තියෙන්නේ. කාමච්චන්ද, ව්‍යාපාද, ථීනමිද්ධ, උද්ධච්ච-කුක්කුච්ච, විචිකිච්චා කියල 5 ක් තියනවා. කාම ආසාවල් මතුවෙලා එනවා, කේන්තියනවා, නිදිමතයි, හිත එකඟ නැහැ විසිරිලා ඊළඟට සැකයි කියල. පංච නීවරණ කියන ඔය ටික, හිත වහගෙන ඉන්නවා කියලයි කියල තියෙන්නේ. ඕව හැබැයි හුඟක් වෙලාවට බලපාන්නේ සන්සුන්ව, සංවරව, වාඩිවෙලා බණ අහන්න වගේ ගත්තමයි. ඒ නැතුව තමන්ට ආස, තමන් කැමති දේවල් වලදී දන්නෙම නැතුව ඔය ටික යට කරන් හිත හොඳට දුවන්න, වැඩකරන්න ගන්නවා. එහෙම වෙලාවට අවශ්‍ය කරුණු, ටික ටික හරි ඇතුලට ගියානම් එච්චර තමයි. results ගන්න පුළුවන්. ඊළඟට තව තියෙනවා දස සංයෝජන කියල 10 ක්. ඒ අපේ live state එක! තමන්ගේ කැමැත්ත තියෙන්නේ, හිත ආස කරන්නේ කන්න/බොන්න, සින්දු අහන්න/film බලන්න වගේ දේවල් වලට, එක්කෝ එක එක්කෙනාගේ වැරදි අඩුපාඩු හොයා හොයා බැණ බැණ ඉන්න, නිදාගන්න, බලි කුරුටුගාන වගේ විකාර වැඩ කරකර ඉන්න, හැමෝම හැම එකම සැකකරන්න වගේ ඒවාට නම් ඒ කියන්නේ ඕරම්භාගීය සංයෝජන වලට අහුවෙලා. තව තියෙනවා උද්ධම්භාගීය සංයෝජන කියලත්. ඕවයෙන් හිත නිකම් හරියට alignment out වාහන වගේ කරනවා. කෙලින් යන්න, හරි ඉලක්කයකට යන්න බැරිකරනවා. එතකොට නිකම් නැවිච්ච ඇණයක් වගේ, කෙලින් ගහන්න හැදුවට ඇදවෙලා, නැවිලම යනවා. ඊළඟට නැවිච්ච ඊතලයක් වගේ, කොච්චර ඉලක්කය අරන් විද්දත් නැවිච්ච පැත්තටම හැරිලා යනවා. හැබැයි ඉතින් තමන්ට දිරවන, අල්ලලා යන දේවල් වලදී, දන්නෙම නැතුව ඔය නැවිච්ච ඒවා දිගහැරිලා එනවා! එතකොට අවශ්‍ය කරුණු හොඳට දැනෙන්න feed කළා නම්, පෙන්වල දුන්න නම්, සේරම හරියනවා. ඊට පස්සේ ආයේ upset වෙනවා කියල කතාවක් නැහැ. ඇයි දන්නේනැති දෙයක් දැනගත්තයින් පස්සේ දන්නේ නැහැ කියන්න බැහැනේ... ඊට පස්සේ දන්නවා නේ! දැන් අපි සත්වය කියන එකාගේ, අපේ ඇතුලේ වැඩ කෑල්ල සැහෙන දුරට දැක්කනේ නේද? ඊළඟට මේකේ මතකය කියන එක හැදිලා ඇත්තේ කොහොමද කියල බලනකොට සේරම කතන්දර ටික එළිවෙයි! ඒ වගේම තමයි කර්ම විපාක කොයි වගේද කියල දැනගත්තම සෑහෙන upset වෙයි! ඒත් ඉතින් මේක තමයි ජීවිතේ කියල අපි දැකපු බොරුවේ ඇත්ත කතාන්දරය, තිත්ත යතාර්ථය!</blockquote>

Verification: Nawa warak dahaya keeyada? (Namaya wadi kireema dahaya)

Top Bottom