Reply to thread

Message: <blockquote data-quote="monson" data-source="post: 19650578" data-attributes="member: 30005">ථෙරවාදී භික්‍ෂු කතිකාවත් පනත සංඝ සමාජයටත් බෙහෙවින් හිතකර වේවි- දවුල්දෙන ඤාණිස්‌සර මහනාහිමිබුද්ධශාසන කාර්යසාධන මණ්‌ඩලයෙන් ඉදිරිපත් කර ඇති වැදගත් සංශෝධන ඇතුළත් කොට ථෙරවාදී භික්‌ෂු කතිකාවත් පනත සම්මත කිරීම සම්බුද්ධ ශාසනයටත් සංඝ සමාජයටත් බෙහෙවින් හිතකරවනු ඇති බව ශ්‍රී ලංකා අමරපුර මහා නිකායේ උත්තරීතර මහා නායක අග්ගමහා පණ්‌ඩිත දවුල්දෙන ඤාණිස්‌සර නාහිමියෝ නිවේදනය කර සිටිති.එම සම්පූර්ණ නිවේදනය මෙසේය.බුද්ධශාසනය ආරක්‌ෂා කිරීමත් චිරස්‌ථායි කිරීමත් ගිහි පැවිදි අප දෙපක්‌ෂයම සතු පැහැර හැරිය නොහැකි සුවිශේෂ කාර්ය භාරයකි. පෙර මහ රජවරුන්ගේ පිළිවෙත වූ පරිද්දෙන් බුද්ධාගම ආරක්‌ෂා කිරීමටත් පෝෂණය කිරීමටත් ශ්‍රී ලංකා රජය ආණ්‌ඩුක්‍රම ව්‍යවස්‌ථාවෙන්ම බැඳී සිටී.වර්තමානයෙහි තුන් නිකායේත් ඇතැම් විට ඒ ඒ පාර්ශ්වයන්හිත් කතිකාවත් සම්පාදනය කරනු ලැබ ඇත්තේ යට කී අරමුණු පෙරදැරි කරගෙනය. ඒ ඒ නිකායික වගකිව යුතු මහ සඟරුවන විසින් කතිකාවත් සම්පාදනය කරනු ලැබ ඇත්තේ රජයේ නිර්දේශයක්‌ අනුව නොව පෙර සිරිත් අනුගමනය කිරීමක්‌ වශයෙන් ඒ ඒ නිකායට අයත් භික්‍ෂු සංඝයා හා විහාරාරාම මැනැවින් පරිපාලනය කරගනු සඳහාය. වෙසෙසින්ම විනයානුකූල භික්‌ෂු සමාජයක්‌ හදනු සඳහාය.මනා ලෙස ධර්ම විනයානුකූලව සකස්‌ කරනු ලැබ ඇති එම කතිකාවත්හි අණ පනත් ක්‍රියාත්මක කිරීමෙහිදී බොහෝ විට පැන නැගුණු ගැටලුව නම් එකී කතිකාවත්වලට නීතිමය බලයක්‌ නොතිබීමය. මෙහිලා නීතිමය බලය යන්නෙන් අදහස්‌ වන්නේ රජය විසින් බලහත්කාර ලෙස සංඝයාට නීති රීති පැනවීම නොව සංඝයාගේ විනයානුකූල සම්මත හා තීරණවලට නීත්‍යාකූල බලයක්‌ ලබා දීමකි.1954 වසරේ ප්‍රකාශයට පත් කෙරුණු බෞද්ධ තොරතුරු පරීක්‌ෂක සභා වාර්තාවෙන්ද 1956 වසරේ පළ කෙරුණු බුද්ධශාසන කොමිෂන් සභා වාර්තාවෙන්ද 2002 බුද්ධශාසන ජනාධිපති කොමිෂන් සභා වාර්තාවෙන්ද 2006 වසරේ යෙදුණු 2550 බුද්ධ ජයන්තිය. 2011 වසරේ යෙදුණු 2600 සම්බුද්ධත්ව ජයන්තිය ආදී විශේෂ අනුස්‌මරණ අවස්‌ථාවන්හිදී ද ප්‍රධාන වශයෙන් සාකච්ඡා කෙරුණු මාතෘකාවක්‌ වූයේ භික්‌ෂු කතිකාවත් සම්මත කර ගැනීමය. මහා සංඝරත්නයේ අභිලාෂය ඉටු කරමින් වත්මන් රජය ධර්මවිනයධර භික්‌ෂුන් වහන්සේලාගේ අභිමතය පරිදි ථෙරවාද කතිකාවත් ලියා පදිංචි කිරීමේ පනතක්‌ ගෙන ඒම පැසසිය යුතු ක්‍රියාවකි. - <a href="http://www.divaina.com/2016/02/01/news04.html" target="_blank">http://www.divaina.com/2016/02/01/news04.html</a></blockquote>

Verification: Dawasata paya keeyak thibeda?

Top Bottom