Reply to thread

Message: <blockquote data-quote="Dennied" data-source="post: 19729752" data-attributes="member: 517521">දිනය එකදාස් නවසිය අසූ නවයේ අගෝස්තුවේ තවත් උණුසුම්  දිනයකි.වැස්ස නැති අගෝස්තුවට වසිනා වැස්ස හඳුන්වන්නේ නිකිනි වැස්ස නමිනි.එය  වාසනාවක් ලෙස ගැමියෝ විශ්වාස කරන්නේ කඨෝර නිකිණිය සීතල කරන්නට ඒ වැස්සට  හැකි බැවිනි.නමුදු,1989 වසර වනවිට මෙරට පැවති එක්සත් ජාතික පක්ෂ ආණ්ඩුව හා  ජනතා විමුක්ති පෙරමුණ අතර හටගත් ලේ ගිනියම හේතුවෙන් නිකිණි වැස්සටද නිවන්නට  නොහැකි තරම් ටයර් සෑයවල් හංදියක් හංදියක් ගානේ ඇවිලෙන්නට විය.නීතිඥ කාංචන  අබේපාල ගොදුරු වන්නේද මේ කියූ පාර්ශව දෙකෙන් පලමුවැන්න විසින් කල  මිනීමැරුම් සමුදායේ තවත් එක් බිල්ලක් ලෙසය.කාංචන මියගිය වේලාව ලෙස අධිකරණ  නියෝගයේ සඳහන් වූයේ අගෝස්තු 28 වැනිදා සන්ධ්‍යාවේ 6.45 ලෙසය.ඔහුගේ සිරුර  කොළඹ අධිකරණ වෛද්‍ය සල්ගාදු මහතා විසින් සිය පශ්චාත් මරණ කටයුතු සඳහා  ලබාගන්නා විට පසුදිනට එළිය වැටී තිබුණි.චරිතව හඳුනාගත්තාක් මෙන් කාංචනද  හඳුනාගැනීමට නීති මිතුරන් ඉදිරිපත් විය.කොලඹ මෝචරියේ කාටත් පොදු මිනී  කැපීමේ මේසයේ උඩුබැලියෙන් සිටියේ කාංචනම බව ඔවුන් හඳුනාගත්හ.*මරපු  ජේවීපී අය ගැන මානව හිමිකම් වැඩ කරන්න ගිහින් මේක වුනේ.යූඇන්පී එකෙන්  කිහිප සැරයක්ම කාංචනට කිව්වා රජය හරි පොලිසිය හරි අත් අඩංගුවට අරගෙන මරපු  දේවල් ගැන මානව හිමිකම් කතාන්දර අදින්නේ නැතිව පාඩුවේ ඉන්න කියලා.ඒත් එයාගේ  යාළුවා ලංකාපුර මරපු එක ගැන මෙයා දිගටම සටන් කලා.ලංකාපුර අත් අඩංගුවට  ගත්තා කිව්වාම ඒ අත් අඩංගුවට ගත්ත කෙනා උසාවි ගේන්නේ නැතිව මැරුව එක ගැන  මෙයා ලොකු සටනක් අරන් ගියා.මාසයක් ගියෙත් නෑ ඩොක්ටර්.මෙයාවත් මරලා.පහුගිය  දවස් ටිකට මෙහෙම කී දෙනෙක් නම් මැරුවද..බටලන්දටයි,කොළඹ කැම්පස්  එකයි,රේස්කෝස් එකෙයි තියෙන වධකාගාරවල අපේ එවුන් කීයක් නම් මුන්  මැරුවද..කැම්පස් ළමයි මරද්දි ඒක බලන් ඉන්න බැරුව බේරගන්න අපේ ලෝයර්ස්ලා  ගියාම මුන් දැන් ලෝයර්ස්ලාවත් මරනවා...* කාංචනා හඳුනාගැනීමට පැමිණි නීති  මිතුරන් හඬා වැටුනේ එලෙස කියමිනි.ඔවුන් පැවසූ විස්තර අනුව චරිත මෙන්ම  කාංචනද එක්ව එකට කටයුතු කල දක්ෂ නීතිඥයින් විය.චරිතගේ අවසන් කටයුතු  සිදුකිරීමේ කටයුතු වෙනුවෙන්ද කාංචන අපමණ වෙහෙසක් ගෙන තිබුණි.</blockquote>

Verification: Payakata winadi keeyak tibeda?

Top Bottom