Reply to thread

Message: <blockquote data-quote="Dark_Night_of_the_Soul" data-source="post: 17075981" data-attributes="member: 495054">මාරක දිනය (හතරවැනි කොටස)එය තරමක් විශාල පල්ලියක් විය. වන්දනාකරැවන් සදහා දෙපස ඇති ඇති දිගු බංකු පේලි දෙස කොෆී බැලුවේය. එහි බංකු තිහක් හෝ හතලිහක් ඇතැයි ඔහු අනුමාන කලේය. මෙම බංකු පේලි වලට මැදින් වූයේ පටු මාර්ගයකි. සාමාන්‍ය පල්ලියක මෙන්, එහි ඈත කොනෙහි අල්තාරයක් වූ අතර, ඒ මතින් එලිබෙමින් තිබුනේ කුරැසයට ඇණ ගැසූ යේසූ ගේ විශාල ප්‍රතිමාවකි. එය කෙතරම් තාත්වික ලෙස නිම කර තිබුනේ දැයි කියතහොත්, එතැන ඇණ ගසා සිටින්නේ සැබෑ මිනිසෙකු දැයි නිවැරදිව දැන ගැනීමට මෙන් කොෆී කීපවරක් ඇසි පිය ගැසුවේය. කාලවර්ණ කෲර කටු ඔටුන්න යේසුගේ හිස මත පලන්දා තිබූ අතර, මේ දැන් පැන නැගුනාක් බදු ලේ ධාරාවන් ඔහුගේ මුහුන දිගේ පහළට ගලා ගොස් ඔහුගේ නග්න පපුවට වැටී තිබුනේය. ප්‍රතිමාව වටා ඇද තිබුනේ සාන්තුවරයන්ගේ සහ දේවදූතයින් ගේ රෑපයි. සාන්තුවරයින් සහ දේවදූතයින් සුදු ප්‍රාවරණ ඇද සිටි අතර, ඔවුන්ගේ දෑත්, දෙවියන්ගේ ගේ පුත්‍රයාට පැදකුණු කිරීම සදහා එකට එක් වී තිබුනේය. පිටෙහි සුදුවන් අත්තටු සහිත දේවදූතයින්, තම අත්තටු පහලට කොට ගෙන සිටියෝය. ඔවුන් සියල්ලන්ගේ ම මුහුණු සන්තාපය සහ ගෞරවය මුසු හැගීමකින් පිරී ගොසිනි. මින් පසු කොෆී ගේ මුහුණ හැරැනේ දේවස්ථානයේ ගෝලාකාර විශාල සීලිම වෙතය. එය තිබුනේ ඉතා ඉහලින් මෙන් පෙනුනු අතර, එහිද විවිධාකාරයේ රෑප ඇද තිබුනි. සීලිම් ගෝලයේ වටසනය අලංකාර සැරසිලි පටියකින් සරසා තිබූ අතර, ඒ මැද පුළුල් සිතුවමක් ඇද තිබුනි. එම විශාල සිතුවම, දේවත්වය සහ එහි ඇති විරාගී රසයද, මනුශ්‍යත්වය සහ ඇති රාගී රසයද එකට කැටි කොට නිරෑපණය කළ එකක් විය. චිත්‍රයෙහි මධ්‍යය වැඩි වශයෙන්ම පිරී තිබුනේ නග්න ගැහැනුන් හා පිරිමින්ගෙනි. ඔවුන් සමහරක් දෙනාගේ තොල්, තම අත් වලින් ඉහලට ඔසවා ගත් මධුවිත බෝතල් වල කුඩා කටවල් වැසූ අතර, සමහරක් දෙනාගේ මුවවල් තම පෙම්වතුන් හෝ පෙම්වතියන් ගේ මුවවල් චුම්බන වලින් වැසුවේය. සමහරක් දෙනා ප්‍රේමයේ යෙදුනේ එක් අතකින් මීවිත බෝතල් ඔසවාගෙනය. සමහක් දෙන තම රහස් පෙදෙස් සුදුවන් සිල්ක් රෙදි වලින් වසා සිටි අතර, සමහරැන් මුළුමනින්ම නිරැවත්ව සිටියෝය. තම පපු පෙදෙස් ආවරණය වන පරිදි සිල්ක් රෙදි තම පපුවලට අල්වාගෙන සිටි කාන්තාවන්ගේ වටකුරැ පියයුරැ සහ පියයුරැ තුඩු එම තුනී රෙදි අතරින් පැහැදිලි වූ අතර, තම නග්න යටි කය රෙදි වලින් වසා සිටි පිරිමින්ගේ රහස් අගංයන් වල පිම්බීමද රෙදි අතරින් පෙනී ගියේය. ඇතැම් ගැහැණු පිරිමින් තැන තැන වැටී, විවිධ ඉරියවු වලින් කාමුක සැපයෙහි යෙදී සිටියහ. පොලොව වෛවර්ණ මල් ගොමු සහ කොල වන් තණ ඇතිරිල්ලෙන් වැසිලාය. ගැහැණුන්ගේ රැවැති දෑත් තම පෙම්වතුන්ගේ ගෙලවල් වටා මල් වැල් මෙන් වෙලී ගොස් තිබූ අතර, ඔවුන්ගේ මුවවල් කාම සුඛයෙන් විවර වී, දෑස් මත් බවින් අඩවන්ව තිබුනි. ඇතැම් පිරිමින්ගේ දෑත් තම පෙම්වතියන්ගේ ‍පියයුරැ සහ කටී පෙදෙස් මතද ඇත්දල පැහැති වටකුරැ පාදයන් මතද ක්‍රීඩා කල අතර, අනෙකුන් ඔවුන්ව තරයේ වැළදගෙන සිටියේය.මේ අතර, ඉහලින් වූ සුදු පැහැති වළාවන් මත ඔවුන් ව ශාන්ත දෑස් වලින් අධ්‍යයනය කරමින් සිටියේ, සුදුවන් අත්තටු වලින් යුතු දේවදූතයින් සහ දේවදූතියන්ය. තවද, චිත්‍රයෙහි ඈත වම් කොනෙහි රතු පැහැති රැවක් ඇද තිබෙනු කොෆීට පෙනිනි. මෙම රැවෙහි කෙස් නැති හිස මත රතුවන් අං තට්ටුවක් තිබූ අතර, ඔහුගේ මුව විසුළුව සහ දරැණු බව මිශ්‍ර අඩ සිනාවකින් විවර වෙලාය. ඔහුගේ දෑස් ගිනිගෙන දැවෙන්නාක් මෙන් පෙනිනි. ඔහුගේ කෙසග රතුවන් දේහයද වැසී තිබුනේ, කුණු ලේ පැහැති සළුවකින් පමණය. ඔහුගේ දකුණත, ත්‍රිශූල හිසකින් යුතු යගදාවක් වටා තරයේ එතිලාය. ඔහු සාතන් හෙවත් යක්ෂයා බව කොෆී නිවැරදිව හදුනාගත්තේය. චිත්‍රයේ තිබූ අන් සියළු දෙයට වඩා කොෆීගේ දෑස් ගියේ මෙම රෑපය සහ එහි රතුවන් ශරීරය වෙතටය. එම රතු පැහැය ඔහු තුල කිසියම් ආගන්තුක හැගීමක් -- අමතකව ගොස් නැවතත් මතක් වූවා සේ පෙනුනු හැගීමක් -- ඉපැද්දුවේය. ඔහුගේ දෑස්, යක්ෂයාගේ දැවෙන දෑස් කරා අගුළු වැටුනු අතර, ඔහුගේ හදවත තුලින්, කුතුහලජනක කුඩා ගින්නක් මතුවෙන බවක් ඔහුට හැගී ගියේය. ඔහු එලෙසම සිටගෙන සිටිද්දී, මෙම කුඩා ගින්න තම පපුව තුළ වඩාත් තරයේ නැගී යන බවකි ඔහුට දැනුනේ. ඔහුට තම හිසරදය අමතකව යමින් තිබූ අතර, සීනි අධික ශක්තිජනක බීමක් බීවාක් මෙන්, තම අත් පා වලට අළුත් ශක්තියක් ගලා එන බවක් ඔහුට දැනිනි. තමාට සිදුවන්නට කුමක්දැයි කොෆී දැන සිටියේ නැත. ඉන්පසු ඔහුගේ දෑස කෙලින්ම ගියේ යේයු ගේ රැව දෙසටයි -- යේසු ගේ හිස මතින් ඇරඹෙමින්, ඔහුගේ මුහුණ මතින් ගලා ගොස් ඔහු ගේ පපුව මත වැටුනු රැධිර ධාරාවන් වෙතටයි!මතුවට...</blockquote>

Verification: Hath warak paha keeyada? (hatha wadikireema paha)

Top Bottom