යක්ස පැටියා.......

[paralk]

යක්ස_පැටියා

උපුටා ගැනීමකි

අනුත් තර෴

එකෝමත් එක කාලෙක
ගෙදර මං නැති දවසක
පොඩි එකා පුටුවක
නැඟී වැටිලා තලාගෙන පුක

මටත් මළ පැන්නා
ගෑණිට ගෙදර ඉන්නා
ළමයා බලා ගන්නා
හැටිද මේ යැයි කඩා පැන්නා

නිවාඩුයි දැන්නම්
මං මූ බලාගන්නම්
මේක මගෙ චුට්ටම්
බටිති පැටියනෙ බෝලෙ සෙල්ලම්

අනේ උගෙ හුරතල්
දවසට දෙකට වී බොල්
දැන් මට සිහි විකල්
වෙලා දැකලා මුගෙ ‍යක් තොවිල්

කන්නෑ අඬනවා
ඇඟම පණ නැති කරනවා
නහේටත් අනිනවා
චූත් කරලා ඇඟ තෙමනවා

ගෙදරින් එළියටත්
එළියෙන් යළි ඇතුළටත්
ඇතුළින් ගෙපිළටත්
ගෙන යෑම හැර වැඩක් නම් නැත්

නිදි මතින් නළියයි
ඒත් ඌ නොම නිදියයි
චව් හැව් බැව් ගායි
මගෙ මූණ දැක විරිත්තයි

පැයක් නිදියන්නේ
නැඟිට බෙරිහන් දෙන්නේ
ආයෙ ඇඹරෙන්නේ
අතින් අල්ලා ඇවිද්දන්නේ

කන්නට උයන්නට
නාන්නට තේ බොන්නට
දත කට මදින්නට
දෙන්නෙ නෑ මූ දෙන්නෙ වද මට

විටක මළ පැන්නත්
ගුටි දෙන්නටම හිතුණත්
හුරතල් හිනාවත්
කරයි මේ කපටියගෙ, හිත තෙත්

පාන්දර ඇහැරිලා
නටයි කස්තිරම අල්ලා
නටපන් කියාලා
මගේ ඇස් නිදිමතට වැහිලා

රෑට මට නින්දක්
නෑ ගෑනි දුක් කන්දක්
උහුලා ඇති බවක්
දන්නෑනෙ මේක නං යකෙක්

දවසෙන් දෙකෙන් මට
නැංගත් යකා ඉඳහිට
උඹෙ අම්මා උඹට
'ළං වෙන්න දුන්නෑ එක මදුරුවෙකුට'

පැටියෝ අසාපන්
උඹෙ අම්මට කලින්
මං නැති වුණෝතින්
හොඳට අම්මට බලාපන් බන්



අනුත් තර෴


FB 1N ussana ladee...

 

[windows_ubuntu]

Podi ekaata terunada uu kiyapuwaa ithin