චීනය, එක්සත් ජනපදය, ඉන්දියාව හා ප්රංශය ශ්රී ලංකාවේ මිනිරන් තැන්පතු සඳහා තරඟ කරන බව වාර්තා වනවා.
ශ්රී ලංකාවේ උපාය මාර්ගික වත්කම් සහ සම්පත් පිළිබඳ ගෝලීය අවධානයට ලක්වන තවත් උදාහරණයක් ලෙස එම රටවල් මෙරට මිනිරන් ක්ෂේත්රයේ ආයෝජන සුරක්ෂිත කර ගැනීමේ තරගයක යෙදී සිටින බව සඳහන්.
ශ්රී ලංකාව සතු උසස් තත්ත්වයේ මිනිරන් හේතුවෙන් මෙම තරඟකාරීත්වය ඇති වී තිබෙන බවයි දැක්වෙන්නේ.
මෙහිදී භූ විද්යා හා පතල් සමීක්ෂණ කාර්යාංශයේ අධ්යක්ෂ ජනරාල් මහාචාර්ය රංජිත් ප්රේමසිරි මහතා තහවුරු කළේ මේ මොහොතේ ශ්රී ලංකාවේ මෙම ක්ෂේත්රය සඳහා උනන්දුවක් දක්වන විදේශීය ආයෝජකයින් අතර ඉන්දියාවේ සහ චීනයේ සමාගම් සිටින බවයි.
මෙරට මිනිරන් කර්මාන්තය දියුණු කිරීමේ හැකියාව සොයා බැලීම සඳහා ඉන්දීය රජයේ සහ කාර්යාංශයේ නිලධාරීන් අතර මූලික සාකච්ඡා පවත්වා ඇති බව සඳහන්.
එහිදී ශ්රී ලංකාවේ ශිරා වර්ගයේ මිනිරන් නිධි ගවේෂණය කිරීම සඳහා දියුණු වායුගෝලීය භූ භෞතික ගවේෂණ ශිල්පීය ක්රම භාවිතා කිරීම වැනි ගවේෂණ සහ පතල් කැණීම් තාක්ෂණයන් දියුණු කිරීම සඳහා සහයෝගීව කටයුතු කිරීමට ප්රධාන වශයෙන් සාකච්ඡා කර තිබෙනවා..
