හැමට තෙරුවන් සරණයි
ගත වූ දින දෙකහාමාරක් තිස්සේ කොළඹ බණ්ඩාරනායක ජාත්යන්තර සම්මන්ත්රණ ශාලාවේ දී යෝජිත ත්රිපිටක සංරක්ෂණ පනත පිළිබඳ විද්වත් සාකච්ඡාවක් පැවති අතර ගරු සම්භාවනීන ස්වාමීන් වහන්සේලා සහ ගිහි උගතුන් තම අදහස් ඉදිරිපත් කරන්නට යෙදුනි. අප ද එම සාකච්ඡාවට සහභාගී වීමු.
ඉදිරිපත් වූ සියළු කරූණු කාරණා සලකා බැලූ ගරු පූජනීය සභාපති මණ්ඩලය විසින් මෙම පනත නිසා ත්රිපිටකය සම්බන්ධ අවසානාත්මක තීන්දු තීරණ ගැනීමේ බලය සිවිල් අධිකරණයකට පැවරෙන බවත් එය ශාසනයට අහිතකර බවත් තීරණය කරනු ලැබුනි. එම අදහස සභාව විසින් එකමතිකව පිළිගනු ලැබීය.
ඒ අනුව යෝජිත ත්රිපිටක සංරක්ෂණ පනත සම්මත නොකිරීමට තීරණය කෙරුණි.
තවද පවතින ශාසනික අර්බුදය සහ ධර්මය විකෘති කිරීම අවම කිරීම සඳහා සිර දඬුවම් පැමිණවීම් ආදියක් නැති සිවිල් අධිකරණයක් තුළ විභාග නොවන තථාගත ධර්ම විනයට පමණක් සීමා වූ රාජ්ය අනුග්රහය සහිත විනය නීති රාමුවක් සකස් කර ගැනීමට අළුත් විද්වත් කමිටුවක් පත් කර ගන්නට යෙදුනි. අපගේ නම ද එම කමිටුවට ඇතුලත් කෙරුණි.
ශාසනයට බොහෝ අහිතකර ප්රතිඵල ගෙන දෙන්නට තිබුණු යෝජිත ත්රිපිටක සංරක්ෂණ පනත ඉවත් කර ගැනීමට ඇප කැප වූත් ඒ පිළිබඳ තම අදහස් ඉදිරිපත් කළා වූත් අපට ආශිර්වාද කළා වූත් හැම දෙනාම පුන්යානුමෝදනා ශීර්ෂයෙන් සිහිපත් කරන අතර එම සත් කාර්යය හැම දෙනාටම සුවසේ නිර්වාණාධිගමය පිණිසම හේතු වේවා!
බුද්ධසාසනං චිරං තිට්ඨතු!
වටගොඩ මග්ගවිහාරී හිමි
