ඈත සිතිජයේ හැඩට රුවින්
දිළෙන තරුව ඔබ නම්
මේඝ වලා සළු පට අතරින්
මම ඔබ වෙත එන්නම්...
ඉරට මුවාවෙන් සඳට මුවාවෙන්
අපි ඉමු පිළිසඳරේ
රන් දෝලාවෙන් කැඳවා යමි මං
කුමරියේ ඔබ මාගේ...
සඳළු තලාවේ මුනින්තලා වී
කඳුළැල් පිරිණු නෙතින්
සමුගන්නම් මම කුමරියේ ඔබගෙන්
ආයෙත් දකිනු රිසින්...
මෑත තුෂාරා බිඳු අතරේ
පිපිණු කුසුම ඔබ නම්
සඳ මඬලේ සඳ කුමරියනේ
මම ඔබ සුරකින්නම්...
පද, සංගීතය හා ගායනය - විශාරද ෂර්ලි වෛජයන්ත
