Reply to thread

Message: <blockquote data-quote="Idias" data-source="post: 24559892" data-attributes="member: 556682">ලෝක කුසලාන ක්‍රිකට් තරගාවලියේ ශ්‍රී ලංකාව තරග වදින සිවුවෙනි තරගය  අද (11) දිනයේ පැවැත්වෙනවා. ඒ බංග්ලාදේශ කණ්ඩායම සමගයි.  තරගාවලියේ අවසන්  පූර්ව වටයට සිදු කෙරෙනා තරගයේ රැඳී සිටීමට නම් අද තරගය දෙපිලටම එකසේ වැදගත්  වෙනවා.  අතීතයේ දුර්වල කණ්ඩායමක් ලෙස පැවති බංග්ලාදේශය වර්තමානය වන විට ඕනෑම  කණ්ඩායමකට අභියෝගයක් විය හැකි ප්‍රබල කණ්ඩායමක් බවට පත්ව තිබේ. තමීම්  ඉක්බාල්, ශකීබ් අල් හසන්, මුෂ්ෆිකර් රහීම් හා මහමුදුල්ලා රියාස් යන  බංග්ලාදේශ ක්‍රීඩකයන් මේ වනවිට ලොව සුපිරිම ක්‍රීඩකයන් බවට පත්ව තිබේ.  මින් පෙර ශ්‍රී ලංකාවේ පැවැති නිදහස් කුසලාන තරග මාලාවේදී සිදුවූ  සිදුවීම් මාලාවක් නිසා ශ්‍රී ලංකාව සහ බංග්ලාදේශ කණ්ඩායම් අතර මෑතක සිට  සතුරුකමක්ද නිර්මාණය වී තිබේ. ක්‍රිකට් ලෝකයේම ආන්දෝලනයට පත්වූ "නාගීන්  සැමරුම" ද කරළියට පැමිණියේ දෙරට අතර නිදහස් කුසලානයේ පැවැති තරගයකිනි.  බොහෝ වෙලාවට වේග පන්දු යවන්නන්ට උචිත තනතීරුවක පැවැත්වෙතැයි කියවෙන අද  තරගයේ ශ්‍රී ලංකාව වෙනුවෙන් විශාලම තුරුම්පුව වන්නේ සුපිරි වේග පන්දු යවන  ක්‍රීඩක ලසිත් මාලිංග ය. ලසිත් මාලිංග සිය සුපුරුදු දක්ෂතාවයන්ට පැමිණීම අද  තරගයේ ශ්‍රී ලංකාවට වැඩි වාසි ගෙන දීමට ප්‍රධාන සාධකයකි. පිතිකරණයෙන්  ඇන්ජලෝ මැතිවුස් සහ කුසල් මෙන්ඩිස් සාධකයන් මැදපෙල සවිමත් කිරීමද ශ්‍රී  ලංකාවට අත්‍යවශ්‍ය කරුණකි. කෙසේ වෙතත් ඇෆ්ගණිස්ථානය අතර තරගය ජය ගැනීමට  ශ්‍රී ලංකාවට විශාලතම දායකත්වය සැපයූ නුවන් ප්‍රදීප් ආබාධයට ලක් වීම  හේතුවෙන් අද තරගයට ක්‍රීඩා නොකිරීම ශ්‍රී ලංකාවට පාඩුවකි.  අද තරගය ජය ගැනීමෙන් ශ්‍රී ලංකා කණ්ඩායමට සිය ප්‍රසාද ලකුණු සංඛ්‍යාව  5ක් දක්වා ඉහළ දා ගැනීමට හැකිවනු ඇත. කෙසේ වෙතත් අද තරගයට වර්ෂාවෙන් බාධා  වීමට ඉඩක් තිබෙනා අතර එසේ නොවී අද තරගය ශ්‍රී ලංකාව ජයග්‍රහණයකින් අවසන්  කිරීමට හැකි වේවායි යන්න සෑම ශ්‍රී ලංකා ක්‍රිකට් රසිකයෙකුගේම පැතුමයි.</blockquote>

Verification: Hath warak paha keeyada? (hatha wadikireema paha)

Top Bottom