Reply to thread

Message: <blockquote data-quote="crazybuddy" data-source="post: 16709766" data-attributes="member: 326070">පොට්ට කරගෙන දකින දෙනෙතා රුවිතෙටද බං බැලුවෙ කවිතා ‘පිස්සු හැදෙන සඳ කිව්වලු... මේ කැම්පස් ළමයිද? මරුනෙ... අපි නොහිතුවට ඒයි  කොච්චර දක්‍ෂ අය ඉන්නවද අෑ... දැන් මයෙ හිතේ ගෝරි බෝරි අඩු ඇති. අදම  ලැහැස්ති වෙන්න ලොක්කිවත් තුන්වැනි සැරේට විභාගෙ ලියවලා හරි වාසිටියට  යවන්ඩ.’ මධ්‍යම පාන්තික තාත්තලාගෙ, මධ්‍යම ප්‍රතිපදාගත (බුදු නොවෙන) අම්මලාගෙ මනෝ  මූලික සාධකය මේ මොහොතෙ රියැලිටියි. Real පීඩිත ශිෂ්‍යයා වෙනුවට’Real Star’  විහිළුවට ඔවුන් හදවතින්ම කැමැතියි. කඳුළු වැටෙන්න නොදී කඳුළු ගෑස් මැදින්  එකා පිට එකා වැටෙනවට උනුන් අකමැතියි. එහා ගෙදර එකාට වඩා තමන්ගෙ එකා මොකෙන්  හරි ලොකු වෙනවට ඇස් දෙකෙන්ම කැමැතියි. හැම දවසෙම ප්‍රශ්න විතරක් කතා කරන’  ප්‍රවෘත්ති’ තියෙන රටක, ‘ස්වප්නා’ ගෙන් මත්වෙලා, ‘කවිතා’ බලලා ස්වප්න  ත්‍රිලක් එක්ක නිදියන්න ඉතසිතින්ම කැමැතියි. පොඩ්ඩක් ඉන්න... පොඩ්ඩක්  ඉන්න... මොකාද මේ කවිතා? මේක කියවන බහුතරේ ඔය රියැලිටි වැඩසටහන වෙනුවෙන් එළියට ආව ‘දැන්වීම් ඇන්දීම’  දකින්නැති. කොල්ලො ටිකක් පෝස්ටර් ගහද්දි පොලිසිය ඇවිත්, ඒ ‘කවිතා’ ගැන  කියලා දැක්කම ඔළුව අතගාන්න වගේ නම්‍යශීලී වෙන එකක්. ආ! දැන් මතකෙට ආවා නේද?  ඔව්, ඒක තමයි. මේ දැන්වීම ඇතුළෙන්ම එළියට එන මැටි idea එක මොකක්ද? සරලව  හිතමු. සරසවි ශිෂ්‍යයො අයිතීන් ගැන - ඉල්ලීම් ගැන පෝස්ටර් ගහනවා නම්,  උද්ඝෝෂණ කරනවානම් Black list වරෙන්තුව නිකුත් කරන’ ආරක්‍ෂක බත් බැලයො  ‘ශිෂ්‍යයො’ ‘මුවපොව්වො’ වොනවානම් ඔළුව අතගාන්න පවා ලැහැස්තියි කියන එකයි. ‘2020 වෙනකොට විදේශීය විශ්වවිද්‍යාල 10ක්’ ලංකාවෙ පිහිටුවනවා කියන ප්‍රකාශ  එළිදක්වන පාලනයක රාජ්‍ය විශ්ව විද්‍යාල පද්ධතියෙ ශිෂ්‍යයා ‘නන්නත්තාර භාවයේ  නීත්‍යානුකූල වීම’ ඛේදනීයයි. කෙටුම්පත් සකසන්නන්ට අවශ්‍ය විදිහට, ඒ දේවල්  ප්‍රශ්න නොකර සින්දුවක් කියලා පොඩි ජනප්‍රිය Mood එකකට Set වෙන පරපුරක්  හැදෙද්දී පාලකයන්ට ආතල්! ඒත් ඉතිහාසගතව මේ ආතල් කුඩු කරන ගිනි සිළුවක් වගේ  ශිෂ්‍ය ව්‍යාපාරයක්’ තවමත් හුස්ම ගැනීම ඔවුන්ට හිසරදයක්. සරසවි ශිෂ්‍යයො  එක්ක දේශපාලනික සංවාදයකට - ඉල්ලීම් ලබාදීමකට - අඩු තරමෙ හමුවකින් ප්‍රශ්න  කතිකාවකට ඇඹරෙන ලොක්කො, රියැලිටි වේදිකාවටම නැඟලා සරසවි දියණියෝ සිපගන්න  පවා සූදානම්! බලන්ඩ හසන්ත මහත්තයො, ආශ්චර්යය... එදිනෙදා අත්විඳින - දකින - ප්‍රායෝගික යථාර්ථය මඟ හැරලා, ගෙදර ගෙනියන්න  නෙවෙයි තවත් පිරිසක් වෙනුවෙන් උපාධිය රැකගන්න සත්‍යග්‍රහ කරලා හීන දකින  පරපුරක් අමතක කරන්නෙ කොහොමද? විදේශීය ආයෝජකයන්ට ලාංකේය භුමියෙ ඉඩ හසර විවර  වෙනකොට Private University කඩ  තැන තැන ඇරෙනකොට ‘අපේ උන්ට’ ලැබෙන්නෙ මොනවද?  සිරිපාලලා, රන්එතනලාත් ඔන්න ලැහැස්ති වෙනවා ඉඩකඩම්, හරකාබාන උකස් කොරලා  දුවලා - පුතාලා බඩු ගන්න යවන්න. අන්තිමට බලද්දී දිනුමත් නැහැ, ගැහුව (ණයට  ගත්ත) තුරුම්පුත් නැහැ, ජනතාව බූරුවො වෙලා විතරයි! 2014දී රියැලිටිකරණ මානසිකත්වයෙන් සරසවි ‍ෙදාරටුවෙන් පිවිසෙන ‘චූන් වෑන්  අනාගතය’ වැඩිදුර දුවන්නෙ නැහැ. මොකද ‘කෙළවීමේ මුව‍ෙදාර’ අත ළඟමයි. අතීතයෙ  ‘සාහිත්‍යය කන්නදැයි අහපු ආණ්ඩු - ධවල පත්‍රිකා නාඩගම් නැටුව ආණ්ඩු - ඒ මඟ  යමින් ක්‍රමය නඩත්තු කරන වර්තමාන ආණ්ඩු’ එකම මොඩලයේ (නම් විතරක් වෙනස්)  අනුකාරකයන්. වැදගත්ම දේ වෙන්නෙ මේ අධ්‍යාපන කෙනහිලිකම්වලට කුහකකම්වලට  නොබියව විරුද්ධ වුණ ‘සැබෑ චරිත’ මහපොළොවේ සිටීමයි. ඒ මිනිස්සු පොෂ් පෙනුමට  ඉන්න ‘සුප් Stars ලා නෙවෙයි... Real Red Stars’ ලා! ඉතින්, ‘කවිතා’ නරඹලා - අමාරුවෙන් රෑට උයාගත්ත සම්බෝලෙයි බතයි ගිලලා -  අනෙක් දා පාන්දරම කෝච්චියට දුවන හිතවතුනි, මෙන්න මේ ගැනත් අර’ බුද්ධියද  මොකක්ද එකෙන්’ හිතන්න... (උදුරා වීසිකොට වසන්තය මහපාරට හාමතේ ගියෙ කුමකටද? කඳුහෙල් අතර පිපී පරවෙන්නට රහසේ නොතියාම උන් සුසුම නොකියාම ඒ සුවඳ නොහඳුනන මිනිසුන් වෙනුවෙන් දෑත පා ළය දී ආදරයෙන් වැලඳගෙන අත අත නෑර මවු කිරද රත් රුහිර කරවමින් වෙඩි උණ්ඩ කෑවේ කුමකටද?) කාලෙන් කාලෙට එක එක  Reality මුහුණු ඇවිත් හොඳ මිනිසුන්ගෙ Ability ගිලගන්න  පුළුවන්. රැයක් පත්තු වෙලා උදේ පාන්දර නිවිලා යන දෙකයි පනහේ අන්ධකාර තරුවක්  නොවී මේ පට්ට අඳුර මකන පහනක් වෙන්න ඔව්! උඹට ජීවිත අරගලයෙදි පුළුවන්. කවිතා, ඔයා තරහා ගන්න කාරි නැහැ... අපි හැමෝම අතරෙ ඔයා දැනටමත් වළදාපු  මළමිනියක් වෙලා ඉවරයි! ඕං එහෙනං මේ විදියට අවසන් කටයුතු කොරලා මතක බණක්  දෙසුවා අෑ!!! කසුන් මහේන්ද්‍ර හීනටිගල </blockquote>

Verification: Hata thunen beduwama keeyada? (60 bedeema thuna)

Top Bottom