“ආවා” ගෘප් “පෝඩා” කර දමන්න හමුදාව රජයෙන් අවසර පතයි
උතුරේ ක්රියාත්මක වන ආවා ගෲප් කල්ලිය නිසා ඇති වී ඇති අනාරක්ෂිත තත්ත්වය මැඬලීම සඳහා තමන්ට මැදිහත්වීමට ඉඩ ලබාදෙන ලෙස යුද හමුදාව රජයෙන් ඉල්ලීමක් කර ඇත. නිල නොවන ලෙස හමුදා අංශ මගින් මෙම ඉල්ලීම රජය වෙත ඉදිරිපත් කර තිබේ. හදිසි නීතිය ක්රියාත්මක නොවීම නිසා සිවිල් පාලනයට මැදිහත්වීමට බාධාවක් වී ඇත.
උතුරේ අනාරක්ෂිත තත්ත්වය වර්ධනය වීම අනතුරුදායක බව හමුදා බුද්ධි අංශ රජයට අනතුරු ඇඟවීමක්ද කර තිබේ.
මේ අතර උතුරේ ක්රියාත්මක වන “ආවා ගෲප්” නමැති මැර කල්ලියට ආවරණය දීම සඳහා ද්රවිඩ දේශපාලකයන් දෙදෙනකු ක්රියා කරන බව අනාවරණය වී ඇත.
මේ මැර කල්ලිය බේරා ගැනීමේ අරමුණින් එම කල්ලිය හමුදාවේ නිර්මාණයක් බවට සාවද්ය ප්රචාරයක් දියත් කර තිබේ. ඊ. පී. ආර්. එල්. එµa. මන්ත්රී සුරේෂ් ප්රේමචන්ද්රන් ද ආවා කල්ලිය හමුදාවට සම්බන්ධ බවට චෝදනා නඟා ඇත.
කුලසේකරම් විනෝදන්ගේ නායකත්වය යටතේ ආරම්භ වූ ආවා කල්ලියේ ක්රියාකාරීන් 13 ක් පසුගිය ජනවාරි 6 දා අත්අඩංගුවට ගැනීමෙන් පසු පාතාල නායකයකු වූ සෙන්දුරන් එහි නායකත්වයට පත්වී තිබේ.
මෙම ආවා ගෲප් කණ්ඩායමට එරෙහිව ජනතාවගෙන් පැමිණිලි 11 කට අධික සංඛ්යාවක් ලැබී තිබුණි. උතුරේ ද්රවිඩ ආරංචි මාර්ග දැක්වූයේ ස්විට්සර්ලන්තයේ සිටින කොටි ක්රියාකාරිකයකු වූ සන්තෝෂම් මාස්ටර් ආවා ගෲප් සමග සබඳකම් පවත්වා තිබේ.
මෙම ආවා ගෲප් කල්ලිය උතුරේ ද්රවිඩ පොලිස් පරීක්ෂකවරයකු වූ ශ්රී ගජන් ඇතුළු ද්රවිඩ පොලිස් නිලධාරීන්ට ද අනතුරු අඟවා ඇත.
