'Max' කියන පුද්ගලයත්, 'Lisa' කියන කාන්තාවත් අතර කාලයක් තිස්සෙ තිබ්බ ප්රේම සම්බන්ධතාව අහවර වෙන්නෙ 'Max' ටත් නොකියාම හිටිහැටියෙ 'Lisa' ඔහුව අතහැරලා ගියපු නිසයි. ඒ සිදුවීමෙන් ලොකු කළකිරීමකට පත් වෙච්ච 'Max' ඔහුගෙ මතකයෙන් 'Lisa' ව අයින් කරලා ජීවිතේ ගත කරන්න උත්සාහ ගන්නවා. මේත් එක්කම 'Max' තමන් ජීවත් වුණු පැරිස් නගරෙ අතඇරලා ඇමරිකාවෙ නිව් යෝර්ක් නගරයට යනවා තමන්ට හම්බවුණු අලුත් රැකියාවෙ වැඩකටයුතු ආරම්භ කිරීමෙ අරමුණෙන්. මේ අතරෙදි ඔහු 'Muriel' කියන වෙනත් කාන්තාවක් එක්ක විවාහ ගිවිස ගැනීමකුත් ඔහු සිදු කරනවා.
ඔහොම කාලය ගත වෙන අතරතුරදි 'Max' ඔහු කලින් ජීවත් වෙච්ච පැරිස් නගරයට ආයෙ එනවා ඔහු විවාහ ගිවිස ගත්තු 'Muriel' එක්ක අලුත් ජීවිතයක් ආරම්භ කිරීමේ අරමුණෙන්. මේ වෙනකොට 'Lisa' ඔහුව අත ඇරලා ගිහිල්ලා අවුරුදු 2 ක විතර කාලයක් ගත වෙලා තිබුණා. එක් දවසක් 'Max' පැරීසියෙ අවන්හලකට ගිය අතරතුරේදි ඔහුට අහම්බෙන් වගේ ක්ෂණයක වෙලාවකට 'Lisa' ව ආයෙමත් දැකගන්න අවස්ථාව ලැබෙනවා. මේ දැකීමත් එක්ක 'Max' ට 'Lisa' එක්ක ගත කරපු කාලෙ ආයෙ සිහියට නැගිලා ආදරයේ උමතුවෙන් ඇයව හොයාගෙන ගිහිල්ලා හම්බවෙන්න ගන්න උත්සාහයෙදි සිද්ධවෙන සිදුවීම් දාමයක් ගැන තමයි 1996 දි තිරගත වුණු "The Apartment" (L'appartement) කියන මේ ප්රංශ චිත්රපටියෙ ඇතුළත් වුණු කතාවෙන් අරන් එන්නෙ.
"Gilles Mimouni" කියන ප්රංශ ජාතික චිත්රපට අධ්යක්ෂවරයගෙ කුළුදුල් අධ්යක්ෂණයෙන් හැඩවුනු මේ චිත්රපටියෙ තිර රචනය ලිව්වෙත් ඔහු විසින්මයි. Vincent Cassel, Monica Bellucci, Romane Bohringer සහ, Jean-Philippe Écoffey කියන ප්රවීණ නළු නිළියො සිව්දෙනා ප්රධාන චරිතවලට පණ පොවපු මේ චිත්රපටියෙ කැමරා අධ්යක්ෂණය "Thierry Arbogast" විසිනුත්, සංගීත අධ්යක්ෂණය "Peter Chase" ත් විසිනුත් තමයි සිදු කරලා තියෙන්නෙ.
අපි හැමදෙනෙක් ම වගේ දන්න, "Master of suspense" කියන අන්වර්ත නාමෙන් හදුන්වන ලෝක ප්රකට චිත්රපට අධ්යක්ෂකවරයෙක් වුණු "Alfred Hitchcock" ගෙ චිත්රපටිවලින් ලබා ගත්තු ආභාෂය "The Apartment" චිත්රපටය පුරාවට බලාගන්න පුළුවන්. විශේෂෙන් හිච්කොක්ගෙ "Vertigo (1958)" චිත්රපටියෙයි, "Rear window (1954)" චිත්රපටියෙයි තිබ්බ කතා තේමාවන්ට හුගක් ළගින් යන කතා තේමාවන්, 'vibe' එක විතරක් නෙවේ චිත්රපටියෙ කැමරාකරණය පැත්තෙන් ගත්තොත් සමහර "camera shots/camera movements" වගේම පසුබිම් සංගීතෙ පැත්තෙන් ගත්තත් " Vertigo (1958)" චිත්රපටියෙන් ලබාගත්තු ආභාෂය මේ චිත්රපටිය පුරාවටම පැහැදිලිව පේනවා. මේ නිසා "Alfred Hitchcock" විසින් අධ්යක්ෂණය නොකරපු "Hitchcockian Thriller" ගනයට වැටෙන හොදම "French arthouse" චිත්රපටියක් විදිහට තමයි සිනමා විචාරකයො මේ "The Apartment (1996)" චිත්රපටිය හදුන්වන්නෙ.
මේ චිත්රපටිය සම්බන්ධ තවත් විශේෂ දෙයක් විදිහට "Vincent Cassel" සහ "Monica Bellucci" අතර හැබෑ ජීවිතේදි ඇතිවෙච්ච ප්රේම සම්බන්ධතාවෙත් මේ චිත්රපටියෙ රූපගත කිරීම අතරතුරදි ආරම්භ වීම සදහන් කරන්න පුළුවන්. චිත්රපටිය අතරතුරදි ඇතිවෙච්ච මේ දෙන්නගෙ ප්රේම සමබ්න්ධතාව 1999 දි විවාහයෙන් තමයි කෙළවර වෙන්නෙ. කොහොම වුණත් දශකයටත් අධික කාලයක් ගත කරපු විවාහ ජීවිතේ අවසන් කරලා 2013 දි මේ දෙන්නා නීතියෙන් වෙන් වෙලා තියෙනවා.
"Alfred Hitchcock" ගෙ චිත්රපටි බලන්න කැමති කෙනෙක් නම් අනිවා මේ ෆිල්ම් එක බලන්න. "Monica Bellucci" ගෙ 'prime' ම කාලෙ හදපු හොද "romantic thriller/mystery thriller" චිත්රපටියක්. ඒ හින්දා බැලුවට පාඩුවක් වෙන එකක් නෑ.
