Edit 4.00 pm
පසුව...
ඔක්කොම එකතු කරගෙන ආණ්ඩුවක් හදන්න ලෑස්තියි! ඒත් අගමැති අයින් කරන්න බෑ! ශ්රීලනිප ඇමැතිවරු දෙන්නා අයින් කරන්න – දයාසිරි! එහෙම කරන්න බෑ- ජනපති! EXCLUSIVE
අද පෙරවරුවේ ජනාධිපති මැදුරේ ආණ්ඩුවෙන් ස්වාධීන වූ පක්ෂ 11 කණ්ඩායම සමග පැවැති සාකච්ඡාවේදී ජනාධිපතිවරයා මේ බව අවධාරණය කොට ඇත.
එහිදී ජනාධිපතිවරයා වැඩිදුරටත් පෙන්වා දී ඇත්තේ අගමැතිවරයා ඉවත් කළහොත් රටට ලැබීමට නියමිත ජාත්යන්තර ආධාර හෝ නොලැබී යෑමේ අනතුරක් මතුවිය හැකි බවකි.
එමෙන්ම වැඩිදුරටත් අදහස් දක්වමින් ජනාධිපතිවරයා කියා ඇත්තේ නව ආණ්ඩුවක් පිහිටුවීමට නම් එහි ස්වරූපය කෙබඳු විය යුතුද, එහි අන්තර්ගතය කෙසේද, එහි ඇමැතිවරුන් කවුරුන්ද යනාදී වශයෙන් සමස්ත සැලැස්ම තමන් වෙත ඉදිරිපත් කරන ලෙසටය.
කෙසේ වෙතත් මෙහිදී හිටපු ජනාධිපති මෛත්රිපාල සිරිසේන, විමල් වීරවංශ සහ විජයදාස රාජපක්ෂ යන මහත්වරුන් ජනාධිපතිවරයාට පෙන්වා දී ඇත්තේ මේ මොහොතේ අගමැතිවරයාත්, ආණ්ඩුවත් වෙනස් කොට සර්වපාක්ෂික ආණ්ඩුවක් පිහිටුවීමට පියවර ගත යුතු බවකි.
එහිදී ජනාධිපතිවරයා කියා ඇත්තේ සියලු දෙනාම එකතුවී ආණ්ඩුවක් පිහිටුවීම ගැටලුවක් නොවන නමුත් අගමැතිවරයා ඉවත් කිරීම සම්බන්ධයෙන් බරපතළ ගැටලුවක් පවතින බවකි.
එමෙන්ම ජනාධිපතිවරයා එහිදී මුදල් අමාත්ය අලි සබ්රි මහතාද කැඳවා රටේ පවතින මූල්ය තත්ත්වය සම්බන්ධයෙන් පිරිසට පැහැදිලි කිරීමක් කරන ලෙස දැනුම්දී තිබේ.
එහිදී අලි සබ්රි මහතාද දැනට රට තුළ ඇති බරපතළ මූල්ය අර්බුදය පිළිබඳ දීර්ඝ පැහැදිලි කිරීමක් සිදුකොට ඇත. එමෙන්ම ඉදිරියේදී තවත් දරුණු ආර්ථික ප්රතිවිපාකයන්ට මුහුණ දීමට රටට සිදුවනු ඇති බවද සබ්රි මහතා එහිදී පෙන්වා දී ඇත.
කෙසේ වෙතත් ඉන් අනතුරුව දයාසිරි ජයසේකර මහතා අදහස් දක්වමින් අවම වශයෙන් ශ්රීලනිපයේ සිට ආණ්ඩුවට එකතුවී අමාත්ය ධුර ලබාගත් සුරේන් රාඝවන්ගේ සහ ශාන්ත බණ්ඩාරගේ අමාත්ය ධුර ඉවත් කරන ලෙසද ජනාධිපතිවරයාගෙන් ඉල්ලීමක් කොට ඇත.
නමුත් එය ප්රතික්ෂේප කරමින් ජනාධිපතිවරයා කියා ඇත්තේ එසේ කළහොත් තමන්ගේ විශ්වසනීයත්වය පිළිබඳ ගැටලුවක් මතුවිය හැකි බවකි.
කෙසේ වෙතත් මෙම සාකච්ඡාව ස්වාධීන කණ්ඩායම නියෝජනය කරන දුමින්ද දිසානායක, චන්දිම වීරක්කොඩි, සුදර්ශනී ප්රනාන්දුපුල්ලේ යන මන්ත්රීවරුන් වර්ජනය කර ඇත.
අගමැති
අයින් කිරීමක් ගැන කතා කලේ නැත...#නව ආණ්ඩුවකට ජනපති එකඟ වුණා - මෛත්රී
#ජනාධිපතිතුමා පොරොන්දු වුණා අගමැතිවරයාව ඉවත් කරන්නෑ කියලා -වාසු
මේ දෙන්නා එකතුවෙලා රටේ ජනතාව අන්දනවා වගේ
Last edited:
