AB MEET MR

[hemalsilva]

විශේෂ චාරිකාවක් සඳහා දිවයිනට පැමිණි ඉන්දීය සුපිරි සිනමා නළු අමිතාබ් භච්චන් මහතා අරලියගහ මන්දිරයේ දී ජනාධිපති මහින්ද රාජපක්ෂ මහතා බැහැ දුටුවේ ය. ජනාධිපතිවරයා සමඟ පිළිසඳරක නිරත වූ ඒ මහතා සමූහ ඡායාරූපයකට පෙනී සිටියේ ය. අමිතාබ් භච්චන් මහතා මහින්ද රාජපක්ෂ මහතා වෙත සමරු තිළිණයක් පිළිගැන් වූ අයුරු මෙහි දැක්වේ. මේ අවස්ථාවට එක් වූ ජනාධිපති ආර්යා ශිරන්ති රාජපක්ෂ මැතිනියද, තාරුණ්‍යට හෙටක් සංවිධානයේ සභාපති නාමල් රාජපක්ෂ හා රෝහිත රාජපක්ෂ මහත්වරුද සමූහ ඡායාරූපයේ වෙති.

​

dinamina.lk

 

[hemalsilva]

ඉන්දු-ලංකා සුහදතාව නංවන්න ජාත්‍යන්තර සිනමා උළෙල ඉවහල් වෙනවා
- අමිතාබ් භච්චන්


ශ්‍රී ලංකාව සහ ඉන්දියාව අතර සබඳතා තවදුරටත් ශක්තිමත් කිරීමට මෙන්ම දෙරට අතර සිනමා කටයුතු සඳහා ඇති අවස්ථා පුළුල් කර ගැනීම සඳහා ඉන්දියානු ජාත්‍යන්තර සිනමා උළෙල I I F A ඒ ශ්‍රී ලංකාවේදී පැවැත්වීම ඉවහල් වනු ඇතැයි සුපිරි ඉන්දීය සිනමා ශිල්පී අමිතාබ් භච්චන් මහතා කොළඹ ඊයේ (20) පැවැති මාධ්‍ය හමුවේදී පැවසීය.

ඉන්දීය ජාත්‍යන්තර සිනමා සම්මාන උළෙලේ සන්නාම් තානාපති වරයාද Brand Ambassador වන සුපිරි ඉන්දීය නළු අමිතාබ් භච්චන් විශේෂ එක්දින සංචාරයක් සඳහා ඊයේ (20) මෙරටට පැමිණි අතර කොළඹ සිනමන් ග්‍රෑන්ඩ් හෝටලයේදී ඒ මහතාගේ සහභාගිත්වයෙන් මාධ්‍ය හමුවක් ද පැවැත්විණි.

අපගේ ආදරණීය අසල්වැසියා වන ශ්‍රී ලංකාව වෙත අයිෆා I I F A අත් දැකීම ගෙන ඒමට හැකි වීම පිළිබඳ සතුටට පත් වෙනවා යැයි ඉන්දියානු ජාත්‍යන්තර සිනමා සම්මාන උළෙල මෙරටදී පැවැත්වීම සම්බන්ධයෙන් අදහස් දක්වමින් අමිතාබ් භච්චන් මහතා පැවැසීය.

ජූනි මස 03 වැනි දා සිට 05 වැනිදා දක්වා මෙම දැවැන්ත සිනමා උළෙල ශ්‍රී ලංකාවේ පැවැත්වීමට කටයුතු යොදා තිබේ. ඉන්දියානු සිනමාව ජාත්‍යන්තර ය සමග මුසු කිරීමට සහ ඉන්දියානු සිනමා අත්දැකීම් ජාත්‍යන්තරය සමග හුවමාරු කර කර ගැනීමට මෙම සිනමා උළෙල විශාල පිටිවහලක් වන බවද අමිතාබ් බච්චන් මහතා පැවැසීය.

ශ්‍රී ලංකාව කුඩා රටක් ලෙස තමා කිසි විටෙකත් නොසිතන බව පැවසූ අමිතාබ් බච්චන් මහතා ඉතාම අලංකාරවත් සහ රමණීය රටක් වන ශ්‍රී ලංකාවේ වාසය කරන්නේ ද සංග්‍රහශීලී ප්‍රියමනාප ජනතාවක් බව පැවැසීය. ඉන්දීය සංස්කෘතිය සහ ශ්‍රී ලංකා සංස්කෘතිය අතර පැවැතින සමීප සබඳතා නිසා දෙරට අතර සබඳතා ඉතාම සවිමත් අයුරින් වර්ධනය වන බව ද හේ වැඩිදුරටත් කීවේය.

ඉන්දියානු අන්තර්ජාතික සිනමා සම්මාන උළෙල මෙරට දී පැවැත්වීමට සංචාරක අමාත්‍යාංශය සංචාරක ප්‍රවර්ධන අධිකාරිය සහ මුදල් අමාත්‍යාංශය කටයුතු සංවිධානය කොට තිබේ. මෙවර එම සම්මාන උළෙල පැවැත්වෙන්නේ එකොළොස්වැනි (11) වරටයි.

මේ පිළිබඳ කරුණු දැත්වීම සඳහා ඊයේ පැවැති මාධ්‍ය හමුවේදී හිටපු සංචාරක ඇමැති අචල සුරංග ජාගොඩ සංචාරක අමාත්‍යාංශයේ ලේකම් ජෝර්ජ් මයිකල්, මහබැංකු අධිපති අජිත් නිවාඩ් කබ්රාල්, ජනාධිපති උපදේශක ප්‍රවීන රංගන ශිල්පී රවීන්ද්‍ර රන්දෙණිය, ජැක්සන් ඇන්තනි, ඉන්දියානු අන්තර්ජාතික සිනමා සම්මාන කමිටුවේ අධ්‍යක්ෂ සභාෂ් ජෝශප්, ශ්‍රී ලංකාවෙන් බිහි වූ රූ රැජිනක් වූ ජැකොලින් ෆර්නැන්ඩස්, සංචාරක ප්‍රවර්ධන කාර්යාංශයේ කළමනාකාර අධ්‍යක්ෂ දිලිප් මුදාදෙණිය යන මහත්ම මහත්මීන්ද අදහස් දැක්වූහ.

ඉන්දීය අන්තර්ජාතික සිනමා සම්මාන උළෙල මෙරටදී පැවැත්වීම පිළිබඳ ප්‍රකාශයට පත් කිරීමෙන් පසු එම සිනමා සම්මාන උළෙලේ සන්නම් තානාපති Brand Ambasador අමිතාබ් භච්චන් මහතා වෙත ශ්‍රී ලංකා මහ බැංකුවේ අධිපති අජිත් නිවාඩ් කබ්රාල් මහතා විසින් තිළිණයක් පිරිනැමූ අයුරු. මෙරටින් බිහි වූ රූප රැජිනක් වූ ජැකොලින් ෆර්නැන්ඩස් මෙනවිය ද මෙහි සිටී.​

dinamina.lk

 

[hemalsilva]

...

 

[sandun_kg]

Nice ne ....