Reply to thread

Message: <blockquote data-quote="sherlock" data-source="post: 14182260" data-attributes="member: 106046">2012 වසරේ දී ශ්‍රී ලංකාවේ කොටස් වෙළෙඳපොළේ සිදුවූ සියලූම වැදගත් සිදුවීම් එකපෙළට කියවන්නජනවාරිජනවාරි 022012 වසරේ කොටස් වෙළෙඳපොළ ගනුදෙනු ඇරඹේ. වසර ආරම්භයේ දී සියලු කොටස් මිල දර්ශකය  ඒකක 6,074.42 ක් හා මිලංක මිල දර්ශකය ඒකක 5,229.16 ක් ලෙසින් දැක්වේ.ජනවාරි 04සියලු කොටස් මිල දර්ශකය ඒකක 62.90 කින් පහළ බසී. ජනවාරි 11ආන්තික ණය පහසුකම් සැපයීම සම්බන්ධයෙන් කොටස් තැරැව්කාර ආයතන වෙත පනවා ඇති නීතිරීති සම්බන්ධ අවසාන තීරණයක් ගැනීම ජනවාරි 16 වනදාට කල්තැබීමට සුරැකුම්පත් හා විනිමය කොමිසමේ සතිමැද සාකච්ඡාවේ දී තීරණය වේ.ජනවාරි 12සුරැකුම්පත් හා විනිමය කොමිසමේ අධ්‍යක්ෂ ජනරාල් ධූරයට වරුණ ඈපාසිංහ මහතා පත්කිරීමට සූදානම් බව වාර්තා වේ. ජනවාරි 17දිනයේ ගනුදෙනු ආරම්භ වී පළමු මිනිත්තු 10 ඇතුලත, ඒකක 111 කින් සියලු කොටස් මිල දර්ශක අගය ඉහළ යයි. එහෙත් දිනය අවසන් වූයේ සියලු කොටස් මිල දර්ශකය ඒකක 4.73 කින් පහළ යමිනි. ජනවාරි 23සියලු කොටස් මිල දර්ශකය ඒකක 118.04 කින් පහළ බසී. ජනවාරි 24සියලු කොටස් මිල දර්ශකය ඒකක 127 කින් පහළ බසී. දින 7ක් තුළ අඛණ්ඩව ඒකක 406.38 කින් සියලු කොටස් මිල දර්ශක අගය පහළ ගොස් ඇත. ජනවාරි 27සියලු කොටස් මිල දර්ශකය ඒකක 133.04 කින් ඉහළ නගී. ජනවාරි මාසය තුළ ඒකක 100 ඉක්මවා සියලු කොටස් මිල දර්ශකය ඉහළ ගිය එකම දිනයයි.පෙබරවාරිපෙබරවාරි 03ENVIRONMENTAL RESOURCES INVESTMENTS PLC සමාගමේ 2012 Warrants (GREG.W0002) කොටස් බලපත්‍රය ගනුදෙනු කිරීම අත්හිටුවයි.පෙබරවාරි 07ස්වර්ණමහල් ෆයිනෑන්ෂල් සර්විසස් සමාගමේ කොටස් මිල අඛණ්ඩව 17 වන දිනයටත් අද ඉහළ යයි. දින 17 කට පෙර එහි කොටසක මිල රු. 84 ක්වූ අතර අද දිනය අවසානයේ දී කොටසක මිල රු. 160.60 ක් විය. දින 17 ක වර්ධනය 91.19% කි.පෙබරවාරි 07ජනවාරි 24 සිට පෙබරවාරි 01 දක්වා ගනුදෙනු දින 06 ක් තුළ දී රු. 20.10 සිට රු. 33.50 දක්වා, ඇක්මි ප්‍රින්ටින් ඇන්ඩ් පැකේජින් සමාගමේ කොටස් මිල ඉහළ යාම සම්බන්ධයෙන් සුරැකුම්පත් හා විනිමය කොමිසම පරීක්ෂණ ආරම්භ කර ඇතැයි වාර්තා වේ. පෙබරවාරි 02 වන දින මෙම සමාගමේ කොටසක මිල 25.67% කින් පහළ ගොස්  රු. 24.90 ක් ලෙසින් දැක්වුණි. පෙබරවාරි 08සියලු කොටස් මිල දර්ශකය ඒකක 119.18 කින් පහළ බසී. පෙබරවාරි 09සියලු කොටස් මිල දර්ශකය ඒකක 125.26 කින් පහළ බසී. පෙබරවාරි 13සියලු කොටස් මිල දර්ශකය ඒකක 117.01 කින් පහළ බසී. පෙබරවාරි 14සියලු කොටස් මිල දර්ශකය ඒකක 190.02 කින් පහළ බසී. දින 09 ක් තුළ අඛණ්ඩ පසුබැස්ම ඒකක 745.60 කි. පෙබරවාරි 16සියලු කොටස් මිල දර්ශකය ඒකක 255.29 කින් හා මිලංක මිල දර්ශකය ඒකක 179.22 කින් ඉහළ නගී. පෙබරවාරි 22සියලු කොටස් මිල දර්ශකය ඒකක 112.46 කින් ඉහළ නගී. පෙබරවාරි 23සියලු කොටස් මිල දර්ශකය ඒකක 111.96 කින් ඉහළ නගී. පෙබරවාරි 24කොටස් වෙළෙඳපොළ ගනුදෙනු පද්ධතිය නවීකරණය කෙරේ. ස්වයංක්‍රීය ගනුදෙනු පද්ධතියේ (ATS) නවතම සංස්කරණය හඳුන්වා දේ. මෙතෙක් පැවති ‘සාමාන්‍ය පුවරුව‘ හා ‘ඔඩ් පුවරුව‘ අහෝසි වී ගනුදෙනු එකම පුවරුවක් තුළ ගනුදෙනු සිදුකෙරේ. මේ අනුව 100 ට අඩු පුමාණයක් වුවද සාමාන්‍ය පරිදි ගනුදෙනු කිරීමේ හැකියාව ලැබේ. දින 07 ක් තුළ ඒකක 556.34 කින් සියලු කොටස් මිල දර්ශකය ඉහළ යයි. පෙබරවාරි 27නව ගනුදෙනු පද්ධතිය සම්බන්ධයෙන් කොටස් වෙළෙඳපොළ පාර්ශව ගණනාවකගෙන්ම අප්‍රසාදය පළවේ. ගෙවී ගිය ගනුදෙනු දින 07 තුළ අඛණ්ඩව ඉහළ නැගි සියලු කොටස් මිල දර්ශකය යළිත් පහළ බසින්නට පටන් ගනී. දිනය තුළ ඒකක 89.71 කින් සියලු කොටස් මිල දර්ශකය පහළ බසී. පෙබරවාරි 29කොටස් වෙළෙඳපොළ නිල වෙබ් අඩවියේ දෛනික සංක්ෂිප්ත කොටස් මිල ලේඛනය දෝෂ සහිත තොරතුරු ගණනාවක් ඉදිරිපත් කරයි. දෛනික කොටස් ගනුදෙනු හා ප්‍රමාණයන්වල දෝෂ ගණනාවක් පෙන්නුම් කරයි.  මාර්තුමාර්තු 05ස්වර්ණමහල් ෆයිනෑන්ස් සර්විසස් එක් කොටසක් කොටස් 20 ක් වන පරිද්දෙන් අතුරු බෙදුමක් සිදුවන බව සමාගම නිවේදනය කරයි. අදාළ සමාගමේ කොටස් මිල අසාමාන්‍ය ලෙස ඉහළ ගියේ මෙම කාරණය නිසාය.මාර්තු 16මැලේසියාව මූලස්ථානය කරගත් ආයෝජන අරමුදලක් වන කසානා ජාතික කොටස් අරමුදල විසින් ජෝන් කීල්ස් හෝල්ඩිංග්ස් සමාගමේ කොටස් මිලියන 70 කට ආසන්න ප්‍රමාණයක් මිල දී ගනී. දිනය තුළ සියලු කොටස් මිල දර්ශකය ඒකක 51.85 කින් ඉහළ යයි. දිනය තුළ පිරිවැටුම රුපියල් බිලියන 15 ඉක්මවයි. මෙය වසර තුළ තනි දිනක් තුළ දී දක්නට ලැබුණු ඉහළම පිරිවැටුමයි. මාර්තු 19සේවක අර්ථසාධක අරමුදල සතුව තිබූ එයිට්කන් ස්පෙන්ස් සමාගමේ කොටස් මිලියන 20.5 ක් විදේශීය සමාගමකට අලෙවි කරයි. මාර්තු 23සියලු කොටස් මිල දර්ශකය ඒකක 72.63 කින් ඉහළ යයි. අප්‍රේල්අප්‍රේල් 04ආචාර්ය හරීන්ද්‍ර දිසාබන්ඩාර, සුරැකුම්පත් හා විනිමය කොමිසමේ වැඩබලන අධ්‍යක්ෂ ජනරාල්වරයා ලෙස පත්කරයි. අප්‍රේල් 10එක් ගනුදෙනුවක් සඳහා වූ රුපියල් 10 අවම තැරැව්කාර ගාස්තු සීමාව හා රුපියල් 5 ක්වූ අවම මධ්‍යම තැන්පතු ක්‍රම ගාස්තු සීමාව අහෝසි කෙරේ. අප්‍රේල් 19මිල සීමා නීතිය (Price Band) ඉවත් කෙරේ. සියලු කොටස් මිල දර්ශකය ඒකක 111.25 කින් ඉහළ යයි. අප්‍රේල් 27ජාතික ඉතිරිකිරීමේ බැංකුව, ද ෆිනෑන්ස් සමාගමේ කොටසක් රුපියල් 50 බැගින් කොටස් මිලියන 7.86 ක් මිල දී ගනී. එය ද ෆිනෑන්ස් සමාගමේ කොටස් ප්‍රාග්ධනයෙන් 13.02% කි. පෙර දිනයේ රුපියල් 30.00 ක්ව පැවති ද ෆිනෑන්ස් කොටසක මිල අද දිනය අවසානයේ දී දැක්වුණේ රු. 44.00 ක් ලෙසිනි. අප්‍රේල් 30ද ෆිනෑන්ස් සමාගමේ කොටසක මිල රු. 34.40 දක්වා 22% කින් පහළ බැස්සේය. මැයිමැයි 04බ්ලූ ඩයමන්ඩ් සමාගමේ එක් කොටසක් කොටස් 14 ක අතුරු බෙදුමක් බවට පරිවර්තනය කරන්නට ගෙන ආ යෝජනාව සමාගමේ අතිවිශේෂිත මහා සභා රැස්වීමේ දී ප්‍රතික්ෂේප වේ. මැයි 05ගනුදෙනු බේරුම්කරණ  (settlements) කටයුතු සඳහා ජාතික ඉතිරිකිරීමේ බැංකුව, NSB - ද ෆිනෑන්ස් ගනුදෙනුවේ දී භාරකාර (Custodian) බැංකුව ලෙසින් කටයුතු කළ සම්පත් බැංකුවට, මුදල් ගෙවීම පැහැර හරියි.මැයි 10සියලු කොටස් මිල දර්ශකය ඒකක 92.85 කින් පහළ යයි. මැයි 14අඛණ්ඩව දින 10 ක් තුළ සියලු කොටස් මිල දර්ශකය ඒකක 329.21 කින් පහළ බසී. මැයි 17ආන්දෝලනාත්මක NSB - ද ෆිනෑන්ස් ගනුදෙනුව ආපසු හරවයි. විකුණුම්කරුවන්ට සිය කොටස් නැවත  ගැනීමට සිදුවෙයි. මැයි 21ජාතික ඉතිරිකිරීමේ බැංකුවේ සභාපති ප්‍රදීප් කාරියවසම් සිය තනතුරෙන් ඉල්ලා අස්වෙයි. මැයි 23 සියලු කොටස් මිල දර්ශකය ඒකක 107.50 කින් පහළ බසී. මැයි 24NSB - ද ෆිනෑන්ස් ගනුදෙනුවේ තැරැව්කරුවා හා එක් විකුණුම්කරුවකු වූ තැප්‍රොබේන් සුරැකුම්පත් සමාගමේ ප්‍රධාන විධායක ඩිනාල් විජේමාන්නට, කොටස් වෙළෙඳපොළ ක්‍රියාකාරකම්වල නිරත වීම සුරැකුම්පත් හා විනිමය කොමිසම විසින් තහනම් කරයි. මැයි 29සියලු කොටස් මිල දර්ශකය ඒකක 121.75 කින් පහළ බසී. අඛණ්ඩව දින 07ක් තුළ ඒකක 408.83 කින් පහළ බසී. මැයි 30NSB - ද ෆිනෑන්ස් ගනුදෙනුව සම්බන්ධයෙන්, ද ෆිනෑන්ස් සමාගමේ අධ්‍යක්ෂ මණ්ඩලය මාධ්‍යයට කරුණු දක්වයි. ජූනිජූනි 05සියලු කොටස් මිල දර්ශකය ඒකක 136.58 කින් පහළ බසී. ජූනි 06සියලු කොටස් මිල දර්ශකය ඒකක 4,737.75 ක් ලෙසින් වාර්තා වේ. වසරේ වාර්තා වුණු අවම සියලු කොටස් මිල දර්ශක අගයයි. ජූනි 26S&P Sri Lanka 20 දර්ශකය හඳුන්වා දෙයි. ජූලිජූලි 02දෛනික පිරිවැටුම රුපියල් මිලියන 91 ක් ලෙස වාර්තා වේ. මෙය වසරේ අවම දෛනික පිරිවැටුමයි. එමෙන්ම වසර තුනක් ඇතුළත තනි දිනක් තුළ වාර්තා වුණු අවම දෛනික පිරිවැටුමයි. ජූලි 19සියලු කොටස් මිල දර්ශකය ඒකක 68.47 කින් ඉහළ යයි. ජූලි 20ජනපති හා කොටස් වෙළෙඳපොළ පාර්ශවකරුවන් අතර හමුවක් අරලියගහ මන්දිරයේ දී පැවැත්වෙයි.ජූලි 26Parkson Retail Asia Limited විසින් ඔඩෙල් සමාගමේ කොටස් හිමිකාරීත්වයෙන් 41.8% ක් මිල දී ගැනීමට එකඟ වේ.ජූලි 31මුදල් අමාත්‍යාංශයේ ලේකම් ආචාර්ය පී.බී. ජයසුන්දර හා කොටස් තැරැව්කරුවන් අතර හමුවක්. අගෝස්තුඅගෝස්තු 17තිලක් කරුණාරත්න, සුරැකුම්පත් හා විනිමය කොමිසමේ සභාපති තනතුරෙන් ඉල්ලා අස්වීමේ ලිපිය යවයි.අගෝස්තු 21කොටස් වෙළෙඳපොළ මහාපරිමාණ ආයෝජකයෙකු වන දිලිත් ජයවීර, මාධ්‍ය සාකච්ඡාවක් කැඳවයි. සුරැකුම්පත් හා විනිමය කොමිසමේ හිටපු සභාපති තිලක් කරුණාරත්න ගේ ඉල්ලා අස්වීම සම්බන්ධයෙන් තමන්ට එල්ල වන චෝදනාවලට පිළිතුරු දෙයි.  අගෝස්තු 23ආශා පිලිප්ස් කොටස් තැරැව්කාර සමාගමේ ප්‍රධාන විධායක නිලධාරී දිමුතු අබේසේකර කොළඹ කොටස් තැරැව්කරුවන්ගේ සංගමයේ අභිනව සභාපතිවරයා වශයෙන් නිතරඟයෙන් පත්වේ. ඔහු එම ධූරයට පත්වූයේ LOLC කොටස් තැරැව්කාර සමාගමේ ප්‍රධාන විධායක නිලධාරී ශ්‍රියාන් ගුරුසිංහ කොළඹ කොටස් තැරැව්කරුවන්ගේ සංගමයේ සභාපතිධුරය දැරීමෙන් අනතුරුවයි.අගෝස්තු 28සුරැකුම්පත් හා විනිමය කොමිසමේ නව සභාපතිවරයා වශයෙන් ආචාර්ය නාලක ගොඩහේවා පත්වෙයි. අගෝස්තු 30සියලු කොටස් මිල දර්ශකය ඒකක 66 කින් ඉහළ නගී.  සැප්තැම්බර්සැප්තැම්බර් 07සියලු කොටස් මිල දර්ශකය ඒකක 107.93 කින් ඉහළ නගී. සැප්තැම්බර් 10සුරැකුම්පත් හා විනිමය කොමිසමේ විමර්ෂන අංශයේ අධ්‍යක්ෂ ධම්මික පෙරේරා නියෝජ්‍ය අධ්‍යක්ෂ ජනරාල්වරයා බවට පත්කෙරේ.වසර ආරම්භය හා සැසඳීමේ දී පළමු වරට මිලංක මිල දර්ශකය ධනාත්මක වර්ධනයක් පෙන්නුම් කරයි. 2012 වසර ඇරඹෙන විට මිලංක මිල දර්ශකය ඒකක 5,229.16 ක්වූ අතර අද දින එහි අගය ඒකක 5,248.84 කි. සැප්තැම්බර් 12Bloomberg දත්ත වාර්තා අනුව ලොව වේගයෙන්ම වර්ධනය වන කොටස් වෙළෙඳපොළ අතර කොළඹ කොටස් වෙළෙඳපොළ තෙවැනි ස්ථානයට පත්වේ. සැප්තැම්බර් 13සියලු කොටස් මිල දර්ශකය ඒකක 108.92 කින් ඉහළ නගී. සැප්තැම්බර් 14සියලු කොටස් මිල දර්ශකය ඒකක 149.68 කින් ඉහළ නගී. සැප්තැම්බර් 17ගෙවී ගිය වෙළෙඳපොළ දින 18 තුළ සියලු කොටස් මිල දර්ශක අගය ඒකක 1,023.96 කින් ඉහළ ගොස් තිබේ. ඔක්තෝබර්ඔක්තෝබර් 01දිනයේ ගනුදෙනු ආරම්භ වී සුළු වේලාවක් ඇතුළත සියලු කොටස් මිල දර්ශකය ඒකක 6,000 සීමාව ඉක්මවා ගියේය. එහෙත් දිනය අවසානයේ දී එහි අගය ඒකක 5,964.29 ක් විය.ඔක්තෝබර් 08සුරැකුම්පත් හා විනිමය කොමිසමේ 306 වැනි කොමිසම් හමුව පැවැත්වේ. තැරැව්කාර සමාගම්වලට ආන්තික ණය සැපයීමේ සීමා ලිහිල් කෙරේ. තැරැව්කාර සමාගමක ගළපන ලද ශුද්ධ ප්‍රාග්ධනයෙන් දැනට සිටින ණයගැතියන් අඩුනොකොට තුන්වරක් ආන්තික ණය සැපයීමට අවසර ලබාදේ.ඔක්තෝබර් 22සියලු කොටස් මිල දර්ශකය ඒකක 95.64 කින් පහළ යයි. ඔක්තෝබර් 25ඇක්සස් ඉංජිනියරිංග් සමාගමේ කොටස් ගනුදෙනු තාවකාලිකව අත්හිටුවනු ලැබීය. මීට හේතුව වශයෙන් දක්වා ඇත්තේ කාර්තුමය මූල්‍ය වාර්තා කොටස් වෙළෙඳපොළට ඉදිරිපත් කිරීමට පෙර, මාධ්‍ය වෙත අනාවරණය කර තිබීමයි. නොවැම්බර්නොවැම්බර් 15මිලංක මිල දර්ශකය ගණනය කිරීම 2013 වසරේ සිට අත්හිටුවන බව නිවේදනය කෙරේ. නොවැම්බර් 21සියලු කොටස් මිල දර්ශකය ඒකක 73.35 කින් පහළ යයි.නොවැම්බර් 29මෙරට කොටස් වෙළෙඳපොළ ප්‍රමුඛතම මහාපරිමාණ ආයෝජකයෙකු වූ ජොනතන් ඕබැච්, ඇමරිකාවේ නිව්යෝක් නුවර දී අභාවප්‍රාප්ත වෙයි. මියයන විට ඔහුගේ වයස අවුරුදු 70 කි. දෙසැම්බර්දෙසැම්බර් 03සේවක අර්ථසාධක අරමුදල, කොටස් වෙ‍ළෙඳපොළේ ආයෝජනය කිරීම පිළිබඳව වෘත්තීය සමිති 11ක් ශ්‍රේෂ්ඨාධිකරණයට මූලික අයිතිවාසිකම් නඩුවක් ගොනු කරයි. වැඩිදුර කරුණු විමසීම සඳහා 2013 පෙබරවාරි 13 වන දින මුදල් අමාත්‍යාංශයේ ලේකම්වරයාට හා මහබැංකු අධිපතිවරයාට අධිකරණය හමුවේ පෙනී සිටින ලෙස නොතීසි නිකුත් කරයි.දෙසැම්බර් 04NDB Capital Holdings PLC විසින් මෙරට එකම ස්ථාවර ආදායම් දර්ශක එකතුව හඳුන්වාදීමට පියවර ගනී. දෙසැම්බර් 12සියලු කොටස් මිල දර්ශකය ඒකක 98.86 කින් ඉහළ යයි. දෙසැම්බර් 21ජර්මනියේ  DEG සමාගම හා නෙදර්ලන්තයේ FMO සමාගම ඒෂියන් එලයන්ස් සමාගමේ කොටස් අයිතියෙන් 38% බැගින් මිල දී ගැනීමට ගිවිසුම් අත්සන් තබයි.දෙසැම්බර් 31වසර අවසානයේ සියලු කොටස් මිල දර්ශකය ඒකක 5,643.00 ක් හා මිලංක මිල දර්ශකය ඒකක 5,119.09 ක් ලෙසින් වාර්තා වෙයි. වසර ආරම්භයට සාපේක්ෂව 2012 වසරේ කොටස් වෙළෙඳපොළ පරිහානිය සියලු කොටස් මිල දර්ශකයට අනුව  7.1% ක් හා මිලංක මිල දර්ශකයට අනුව 2.1% ක් වේ. <a href="http://www.lankabusinessnews.com/12.12.December/207.CSE%20Flashback.html" target="_blank">http://www.lankabusinessnews.com/12.12.December/207.CSE Flashback.html</a></blockquote>

Verification: Hata thunen beduwama keeyada? (60 bedeema thuna)

Top Bottom