Reply to thread

Message: <blockquote data-quote="sherlock" data-source="post: 15606772" data-attributes="member: 106046">කොටස් වෙළෙඳපොළේ එළු න්‍යාය එකමත් එක කාලෙක වෙළෙන්ඳෙක් ගමකට පැමිණ එහි සිටි ගැමියන්ට අපූරු යෝජනාවක් කළේය. ඒ තමාට එළුවන් මිලට ගැනීමට අවශ්‍ය බවත්, එක් එළුවෙකු වෙනුවෙන් රුපියල් 100 බැගින් ගෙවීමට තමා සූදානම් බවත්ය. ඒ වන විට එම ගමට ආසන්න කැලෑ බද ප‍්‍රදේශවල එළුවන් දහස් ගණනක් සිටියේය. ගැමියන් කළේ කැළයට ගොස් එළුවන් අල්ලා ගෙනැවිත් වෙළෙන්ඳාට බාර දීමයි. කල් යෑමේ දී වෙළෙන්ඳාගේ එළු පට්ටිය එළුවන් දහස් ගණනකින් පිරී ගියේය. ඒ වන විට රුපියල් 100 ට එළුවන් ඇල්ලීමේ ආශාව ද ගැමියන්ගෙන් ක‍්‍රමයෙන් හීනවෙමින් පැවතුණි.  ටික දිනකින් වෙළෙන්ඳා කියා සිටියේ තමන් වෙත ගෙනැත් දෙන එළුවෙකුට රුපියල් 150 බැගින් ගෙවීමට තමා සූදානම් බවයි. නැවත වරක් ගැමියන් එළුවන් ඇල්ලීමට පටන් ගත්තෝය.  නොබෝ දිනකින් වෙළන්ඳා තමන් සතු එළුවන් ගණන වැඩිකර ගත්තේය. දින කිහිපයකින් පෙර පරිදිම එළුවන් සැපයීමට ගැමියන් තුළ තිබූ උනන්දුව හීන වී ගියේය. තවත් දින කිහිපයකට පසුව වෙළෙන්ඳා කියා සිටියේ තමන් එක් එළුවෙකු හට රුපියල් 200 ක් ගෙවන බවයි. ඒ වන විට කැලයේ සිටි එළුවන් ගණන සීමිත වූ අතර ගැමියන් හැකි පමණින් එළුවන් අල්ලා වෙළෙන්ඳා වෙත ගෙනැවිත් දුන්නෝය.  තවත් දින ගිහිපයක් ගතවීමෙන් අනතුරුව වෙළෙන්ඳා කියා සිටියේ එක් එළුවෙකුට රුපියල් 250 බැගින් ගෙවීමට සූදානම් බවයි. තමන් ටික දිනකට නගරයට යන බවත්, තමා වෙනුවෙන් තමාගේ ගෝලයා එළුවන් මිල දී ගැනීම සිදුකරනු ලබන බවත් ඔහු ගැමියන් වෙත කියා තිබුණි. එහෙත් රුපියල් 250 කට සැපයීමට තරම් ප‍්‍රමාණවත් එළුවන් ප‍්‍රමාණයක් ඒ වන විට කැලය තුළ නොවීය. ගැමියන්ට අල්ලා ගැනීමට හැකිවූයේ එළුවන් තුන් හතර දෙනෙකු පමණි. කැලයේ සිටි එළුවන් සියල්ලම පාහේ ඒ වන විට සිටියේ වෙළෙන්ඳාගේ එළු පට්ටිය තුළය. වෙළෙන්ඳා ගමේ නොසිටි අතර ගෝලයා වෙළෙන්ඳා වෙනුවෙන් එළුවන් මිල දී ගැනීම සිදුකළේය. ටික දිනකින් වෙළෙන්ඳාගේ ගෝලයා ගැමියන් වෙත කියා සිටියේ, වෙළෙන්ඳා නැවත ගමට ආපසු රුපියල් 500 බැගින් එළුවන් මිල දී ගැනීමට සූදානම් බවයි. අවශ්‍ය නම් දැනට තමා සතු එළුවන් රුපියල් 350 බැගින් විකිණීමට හැකි බව ත් ඔහු කීවේය. ගැමියන් තමන් සන්තක වූ සියලූ මුදල් වැය කර ගෝලයාගෙන් එළුවන් මිල දී ගත්තෝය. ඒ එක් එළුවෙකු වෙනුවෙන් රුපියල් 350 බැගින් ගෙවීමෙනි. ඇතැම් ගැමියෝ ණයට මුදල් ගෙන ද, තම ගෙවල් දොරවල් උකසට තබා මුදල් සොයා ගනිමින් ද ගෝලයාගෙන් එළුවන් මිල දී ගත්තෝය.  දින කිහිපයක් ගත වුවත් වෙළෙන්ඳා නැවත ගමට පැමිණියේ නැත. ඔහුගේ ගෝලයා ද සොයා ගැනීමට නොවීය.  (මෙය facebook හරහා share වූ post එකක සිංහල අනුවර්තනයකි.)<a href="http://www.lankabusinessnews.com/13.09.September/135.Stock.html" target="_blank">http://www.lankabusinessnews.com/13.09.September/135.Stock.html</a></blockquote>

Verification: Nawa warak dahaya keeyada? (Namaya wadi kireema dahaya)

Top Bottom