Reply to thread

Message: <blockquote data-quote="ufo218" data-source="post: 11618923" data-attributes="member: 315575">‘නෙළුම් පොකුණ’ රංග  ශාලාව ඉදිකිරීමේ ගෞරවය චන්ද්‍රිකාට හිමිවිය යුතුයි -   ශී‍්‍ර  ලාංකීය කලාකරුවන් හා කලා රසිකයන් වෙනුවෙන් අත්‍යාවශ්‍ය අංගයක්ව තිබූ  ජාත්‍යන්තර මට්ටමේ රංග ශාලාව මේ මස 15 වනදා විවෘත කිරීමට නියමිත බවට වූ  ප‍්‍රවෘත්තියෙන් මම ඉතාමත් සතුටට පත් වූයෙමි.  රංග ශිල්පීන්ගේ හා  කලා රසිකයින්ගේ සුබසෙත උදෙසා ජාත්‍යන්තර මට්ටමේ රංග ශාලාවක අවශ්‍යතාවය  කලාවට ලැදි, ජනාධිපති චන්ද්‍රිකා බණ්ඩාරනායක කුමාරතුංග මහත්මිය මැනවින්  අවබෝධ කොටගෙන සිටියාය.  ඒ අනුව, එතුමිය විසින් ජාත්‍යන්තර මට්ටමේ  රංග ශාලාවක් ඉදි කිරීමට අවශ්‍ය වූ යෝජනා ඉදිරිපත් කිරීමට විශේෂ කමිටුවක්  පත් කරනු ලැබීය. මහාචාර්ය රෝලන්ඞ් සිල්වා සහ මහාචාර්ය සේනක බණ්ඩාරනායක යන  මහත්වරුන් එම කමිටුවේ ප‍්‍රධාන සාමාජිකයන් වූහ.  එම කමිටුව විසින්  කළ යෝජනාවලට අනුව, මෙම ජාත්‍යන්තර මට්ටමේ රංග ශාලාව ඉදිකිරීම සඳහා  ‘නොමෑඞ්ස්’ කී‍්‍රඩාංගන භූමිය, එතුමියගේ පෞද්ගලික මැදිහත්වීම මත රජයට පවරා  ගනු ලැබීය.  එසේම, මෙම රංග ශාලාව ඉදිකිරීමට තීරණය කළ ‘නොමෑඞ්ස්’  කී‍්‍රඩාංගනය අවට ප‍්‍රදේශයේ ජාතික කලාභවන, ජොන්ද සිල්වා සමරු රඟහල, විහාර  මහා දේවී එළිමහන් රංග පීඨයද පිහිටා තිබූ බැවින් මෙම ’ගී‍්‍රන් පාර්ත්’  ප‍්‍රදේශය කලා කටයුතු සඳහාම වෙන්වූ කලාපයක් බවට නම් කිරීමටද එතුමිය  බලාපොරොත්තු වූවාය.  එපමණක් නොව, මෙම රංග ශාලාව දේශීය සංස්කෘතික  අංගයන්ගෙන් යුක්තව නිර්මාණය කිරීමට සුදුසු ආකෘතියක් තෝරා ගැනීම සඳහා  ජනාධිපති චන්ද්‍රිකා බණ්ඩාරනායක කුමාරතංග මහත්මියගේ යෝජනාවක් අනුව ශී‍්‍ර  ලාංකීය වාස්තු විද්‍යාඥයින් අතර තරගයක්ද සංවිධානය කළේය.  එහිදී  තෝරා ගනු ලැබුවේ, වාස්තු විද්‍යාඥ එල්මෝ පෙරේරා මහතා විසින් ඉදිරිපත් කළ  ‘නෙළුම් මලක’ හැඩයෙන් යුතු ආකෘතියයි.  ‘නෙළුම් මලක’ හැඩයෙන් යුතු  ආකෘතිය තෝරා ගැනීම පැහැදිලි කරමින් එම නිර්මාණයට දායක වූවන් ප‍්‍රකාශ කර  සිටියේ, මෙම රංග ශාලාව ඉදි කිරීමට ජනාධිපතිනිය විසින් දරන ලද බලවත් උත්සාහය  හා කැපවීමට උපහාරයක් වශයෙන්, එතුමියගේ ජනාධිපති ධජයේ තිබෙන ‘නෙළුම් මලෙහි’  සංකේතයට අනුව මෙම ආකෘතිය නිමවූ බවයි.  මෙම රංග ශාලාව ඉදිකිරීමට  අවශ්‍ය මූලික වියදම් සඳහා ජනාධිපති චන්ද්‍රිකා බණ්ඩාරනායක කුමාරතුංග  මහත්මිය 1999 අයවැයේදී රුපියල් මිලියන 500 ක්ද, 2000 අයවැයේදී තවත් එවැනිම  මුදලක්ද වෙන් කරනු ලැබීය.  නමුත් මෙවැනි ජාත්‍යන්තර මට්ටමේ  ව්‍යාපෘතියක් සඳහා එවැනි මුදලක් ප‍්‍රමාණවත් නොවූ බැවින්, මෙම ව්‍යාපෘතිය  ඇතුළු තවත් සංවර්ධන ව්‍යාපෘති කිහිපයකට මූල්‍යාධාර ලබා ගැනීම සඳහා  ජනාධිපතිවරිය චීන රජය සමග දීර්ඝ වශයෙන් සාකච්ඡා පවත්වා එම ව්‍යාපෘතීන් සඳහා  චීන රජයෙන් මූල්‍යාධාර ලබා ගැනීමට එකඟත්වයක් ඇති කර ගනු ලැබීය.   අනතුරුව, එක්සත් ජාතික පක්‍ෂය ආණ්ඩු බලය ලබා ගැනීමෙන් අනතුරුව 2003 වසරේදී  එවකට අග‍්‍රාමාත්‍යවරයා ලෙස චීන රජයේ විශේෂ නිල සංචාරයකට සහභාගිවූ රනිල්  වික‍්‍රමසිංහ මහතා, මෙම රංග ශාලාව සහ අනෙකුත් සංවර්ධන ව්‍යාපෘතීන්  සම්බන්ධයෙන් සාකච්ඡා පවත්වා චීන ආධාර ලබාගැනීමට කටයුතු කළේය.  යළි  සන්ධාන ආණ්ඩුව බලයට පත්වීමෙන් පසුව, චීන රජයෙන් ලද ආරාධනයක් මත චීනයේ නිල  සංචාරයකට සහභාගි වූ ජනාධිපති චන්ද්‍රිකා බණ්ඩාරනායක කුමාරතුංග මහත්මිය මෙම  රංග ශාලාව ඇතුළු තවත් ව්‍යාපෘති කිහිපයක් වෙනුවෙන් ඇමරිකානු ඩොලර් බිලියන  03 ක මූල්‍යාධාර ලබා ගැනීම සඳහා 2005 අගෝස්තු 26 වැනිදා බීජිං නුවරදී  ගිවිසුම් අත්සන් කරනු ලැබීය.  එපරිදි මෙම රංග ශාලාවට මෙන්ම,  නොරොච්චෝලේ තාප බලාගාරය, හම්බන්තොට තෙල් සැපයුම් වරාය හා කොළඹ - කටුනායක  අධිවේගී මාර්ගය යන ව්‍යාපෘතීන් සඳහා චීන රජයෙන් ශී‍්‍ර ලංකාවට මූල්‍යාධාර  හිමිවිය.  චීන රජයෙන් ලැබුණු එම අනුග‍්‍රහය යටතේ ජනාධිපති  චන්ද්‍රිකා බණ්ඩාරනායක කුමාරතුංග මහත්මිය 2005 ඔක්තෝබර් මාසයේදී මෙම රංග  ශාලාව සඳහා මුල් ගල් තැබීය. මේ වනවිට එම මුල් ගල කිසියම් පිරිසක් විසින්  කඩා ඉවත් කර තිබේ.  චන්ද්‍රිකා බණ්ඩාරනායක කුමාරතුංග ජනාධිපතිනියගේ  මග පෙන්වීම යටතේ එසේ ලබාගත් මූල්‍යාධාර යටතේ ඉදි කෙරුනු ව්‍යාපෘතීන්  කිහිපයක් පසුගිය කාලයේ ඔබතුමා විසින් විවෘත කරනු ලැබූවද, එම ව්‍යාපෘතීන්  චන්ද්‍රිකා බණ්ඩාරනායක කුමාරතුංග පාලන සමයේදී එතුමියගේ කි‍්‍රයාකාරී  මැදිහත්වීම මත ශී‍්‍ර ලංකාවට ලැබුනු මහා පරිමාණ ව්‍යාපෘතීන් බව එවකට  අමාත්‍ය මණ්ඩල සාමාජිකයෙකු වූ ඔබද එකඟ වනු ඇත.sourse <a href="https://www.facebook.com/#%21/mano126/posts/2601322285230" target="_blank">https://www.facebook.com/#!/mano126/posts/2601322285230</a></blockquote>

Verification: Winadiyakata thappara keeyak tibeda?

Top Bottom