Reply to thread

Message: <blockquote data-quote="Dark_Night_of_the_Soul" data-source="post: 20780235" data-attributes="member: 495054">"මම උඹේ තාත්තා උනාට, මම උඹට කැමති වෙන්ඩ ඕන කියලා නීතියක් නෑ."කොළුවා වින්ස් දෙස ආපිට බලා සිටින්නට වූයේය. ඔහු ගේ කම්මුල් වල ගැසී ගිය අතර, ඔහු නොහඩා සිටීමට උත්සාහ දැරැවේය. එහෙත් ඔහුට ඉවත බැලීමට නොහැකි විය. ඔහු වින්ස් ගේ බැල්ම දෙස ආපිට බැලුවේ ක්‍රෝධයෙන් දිස්නය දෙන දෑස් වලිනි. වින්ස් එසේ කීවේ ඇයි? ඔහු රේස්ට කථා කිරීමට වෙනත් විධියක් දැන සිටියේ නම්, රේස් හමුදාවට බැදී ෆලූජාවට යාම හෝ තම සේනාංකය දමා පලා ඒම හේතුවෙන් අගෞරවයෙන් යුතුව හමුදාවෙන් ඉවත් කිරීමක් හෝ සිදු නොවීමට ඉඩ තිබූ බවට වන සිතුවිල්ලක් වින්ස්ගේ මොලය හරහා දිවගියේය. රේස් පලා විත් තිබුනේ හම්වී ජීප් රථයකිනි (යුධ හමුදාවේ භාහිතා කරන නවීන ජීප් රථයක්)--මෝටාර් අහසින් කඩා වැටෙද්දී. එමෙන්ම ඩීන් ක්ලාර්ක් යනුවෙන් මිනිසෙක්ද නොසිටිනු ඇති අතර මෙත් රසායනාගාරයක් ද නොතිබෙනු ඇත. තවද, සෑම විටම අනෙකුන් පසු කර ධාවනය කිරීමේ අවශ්‍යතාවයක්ද -- අනෙකුන් හැටක වේගයෙන් ධාවනය කරද්දී, තම ජේත්තුකාර බයිකයෙහි නැගී හැත්තෑවක වේගයෙන් ධාවනය කිරීමේ අවශ්‍යතාවයක් රේස් ට නොතිබෙන්නට ඉඩ තිබිනි. රේස් පසු කර යාමට උත්සාහ කලේ වින්ස්වය. ඔහු තම මුළු ජීවිතය පුරා සිදු කිරීමට උත්සාහ ‍ගෙන තිබුනේ එයය. වින්ස් තම දෑස් කුඩා කරමින් ඔවුන් ආ මාර්ගය දෙස ආපිට බැලුවේය... එවිට ඔහු දුටුවේ අර කෙහෙල්මල් ට්‍රක් රථය නැවතත් ඈතින් එන ආකාරයයි. වින්ස් එය දුටුවේ මාර්ගයෙන් නැගුනු දගලන රශ්මි ධාරාවන් සහ රැලි අතරිනි. මෙනිසා ඔහු එය දුටුවේ අඩ-මිරිගුවක් මෙනි. ඔහුට එහි උසැති දුම් බට සහ එහි රිදීමය ග්‍රිලයෙහි (කාබරේටයට වාතය සපයන, රථය ඉදිරියේ ඇති ලෝහමය දැල) දිස්නය දැකගත හැකි විය: LAUGHLIN. ෆ්‍රොයිඩියානු මනෝවිද්‍යාව අනුව ගතහහොත් SLAUGHTERIN. වින්ස් තම බැමි හකුලා ගත්තේය. ඔහුගේ සිත මොහොතකට අයාලේ යන්නට විය. ඔහු කල්පනා කලේ, තමන්ට වඩා පැයකට කලින් පිටවූ මිනිසෙකුට ලගා වී, ඔහුව පරදා යාමට තමන්ට හැකි වූයේ කෙසේදැයි කියාය.ඩොක් කථා කරන්නට පටන් ගත් විට ඔහුගේ හඩ සමාව භජනය කරන්නාක් මෙන් කුලෑටි සහගත වී තිබිනි. "රූට්-6 යේ යන එක හොදයි වගේ බොස්, හැතැම්ම විස්සක් කුණු නාන්නෙ නැතුව.""ඒකත් හරි. මම උඹල එකෙක් වත් කුණු ගාගන්නවට කැමති නෑ නෙව." වින්ස් කියා සිටියේය. ඉන්පසු ඔහු මාර්ගය අයිනෙන් ඉවතට තම බයිකය පදවමින්, එහි වේගය වැඩි කරමින්, ෂෝ-ලෝ කරා වැටෙන 6 වැනි මාර්ගය කරා වම් පසට බයිකය හැරවූයේය. ඔහුට පිටුපසින් සහ දුරින්, ට්‍රකය තම ගියරයන් මාරු කරන හඩ ඔහුට ඇසිනි. එහි එංජිමෙහි ගර්ජනාව ඉහල යනුද ප්‍රභල වනුද ඇසී ගියේය. එය කාන්තාර සම බිම හරහා හෙන ගසන්නාක් මෙන් පැමිනෙන විට, එයින් සිහින් සිවුරැහනක් බදු ශබ්ධයක් නැගී ආවේය.එම භූමි ප්‍රදේශය රතු සහ කහ පැහැති පාශාණයෙන් යුක්ත වූ අතර, පටු දෙමං මාර්ගයේ කිසිවෙකු ගමන් කරනු ඔවුන් දුටුවේ නැත. එමෙන්ම මෙම මාර්ගය අයිනේ නැවතීමට සෑදූ කොටසක් (Breakdown lane) ද තිබුනේ නැත.</blockquote>

Verification: Hath warak paha keeyada? (hatha wadikireema paha)

Top Bottom

Search

Latest ads

Reply to thread