කොළඹ ප්රධාන පෙළේ බාලිකා විද්යාල දෙකකට බලහත්කාරයෙන් ඇතුළුවීමට උත්සාහ දැරූ පාසල් සිසුන් 43 දෙනෙකු පෙර කුරුඳුවත්ත පොලීසිය විසින් අත්අඩංගුවට ගෙන තිබෙනවා.
පොලීසියට ලැබුන දුරකථන ඇමතුමකට අනුව ක්රියාත්මක වූ පොලීසිය මෙලෙස අත්අඩංගුවට ගෙන ඇති සිසුන් සියලු දෙනාම කොළඹ රාජකීය විදුහලේ සිසුන් වන අතර ඔවුන් අත් අඩංගුවට පත්වී තිබෙන්නේ බිෂොප් විද්යාලයට ඇතුළුවූ අවස්ථාවේදීයි.
පාසල් මහා ක්රිකට් තරග වන “බිග් මැච්” කාලය තුළඅතර එම තරග වලට යැයි කියමින් වාහනවල නැගී විවිධ ඇදුම් ඇදගෙන වෙස්මූහුණු පැළදගෙන අශෝභන ආකාරයට හැසිරෙමින් මුදල් එකතු කරන පාසල් ශිෂ්යන්ට එරෙහිව දැඩි නීතියම ක්රියාමාර්ග ගැනීමට කටයුතු කරන බව ජ්යෙෂ්ඨ නියෝජ්ය පොලිස්පති අනුර සේනානායක මහතා පසුගියදා පැවසුවා
සිවිල් ඇඳුමෙන් සැරසුන පොලිස් කණ්ඩායම් බාලිකා පාසල් අසල යොදා බාලිකා පාසල්වලට වැදී ශිෂ්යාවන්ට හිරිහැර කරන පාසල් ශිෂ්යයන් වහාම අත්අඩංගුවට ගෙන අධිකරණයට ඉදිරිපත් කිරීමට කටයුතු කරන බවත් මේ වන විටත් කොළඹ ප්රධාන පෙළේ සියලුම බාලිකා පාසල් අවට දැඩි පොලිස් රැකවරණයක් යොදා ඇති බවත් ඔහු එහිදී පවසා සිටියා.
මෙම “බිග් මැච්” මුල් කරගෙන කොළඹ ප්රධාන පෙළේ පාසල් අතර ඇතිවන ගැටුම්, කළහකාරී තත්වයන් මැඩපැවැත්වීම සම්බන්ධයෙන් ද පිරිමි පාසල් වල විදුහල්පතිවරුන් සමග පොලිසීය මේ වන විටත් සාකච්ඡා කෙරෙමින් පවතිනවා
Last edited:
lajjai lajjai lajjai
big match kale trucking yanawa kiyanne okata 
