අපි කරපු අකුසල කර්මයක් පින් කරල නති කරන්න &#35

[asliyanage]

අපි කරපු අකුසල කර්මයක් පින් කරල නති කරන්න &#35

මට දෑන ගන්න ඔනෙ අපි අකුසල කර්මයක් කලොත් එකට් අනිවර්යෙන්ම පඩිසන් දෙනවද ?
පින් කරල එක අදු කරගන්න හෝ නෑති කර ගන්න බරිද ?

 

[asliyanage]

අනේ කවුරු හරි මෙකට පිලිතුරක් ලියන්නකො?

 

[shan_rasta]

aniwaryen padisan denawa.
pin karala adu karaganna puluwani.et nethima karaganna be.

rajakam kalat,kalakam palade.

 

[assandamali123]

පින් කරල පව් පඩිසන් දෙන එක පරක්කු කර ගන්න පුලුවන්.මොකෝ පින් කලම පින් බලවත් වෙලා ආසන්න කර්මය බවට පත් වෙල පව් පල ඩෙන එක පහු වෙනව.

 

[Tikiri Nanga]

මේ පොත කියවන්න යාලු

http://www.budurashmiya.net/2012/07/blog-post_7988.html

http://www.rerukanemahanahimi.lk/order_book_sudassi.php?id=43

කර්ම විපාක (කරන ලද පින් පව් අනුව විපාක ලැබෙන ආකාරය)
http://archive.org/download/KarmaVipaka/KarmaVipaka.pdf

බෞද්ධයාගේ අත්පොත (අතිපූජ්‍ය රේරුකානේ චන්දවිමල මහ නාහිමි)
http://archive.org/download/Bauddaya...geAthpotha.pdf

http://rerukanemahanahimi.lk/book.php

ඔබේ ප්‍රශ්ණයට මගේ උත්තරේ "ඔව්". ගයාන් චානුක විදාන පතිරණ මහතාගේ "මහා කාෂ්‍යප හාමුදුරුවෝ" පොත (සරසවි පොත් හලේ ඇති) කියවන්න​. ඒකේ තියෙනවා උන්වහන්සේගේ පෙර ආත්ම්‍යක බිරිඳ පසේ බුදුරජාණන් වහන්සේ කෙනෙකුට අවමන් කරපු කර්ම විපාකය කුසල කර්ම බලෙන් දුරු කරගත් හැටි.

ඒ වගේම නෙට් එකෙන් හරි බණ දන්න කෙනෙක් ගෙන් හරි අහගන්න ආයු වඩ්ඩණ කුමාරයාගේ කථාව​, ගයාන් මහත්තයාගේම සැරියුත් හාමුදුරුවෝ හරි මුගලන් හාමුදුරුවෝ හරි පොත් දෙකෙන් එකක ඇති සැඩොල් ගැහැණියක් අපායෙ යන්න තිබුණ කර්මය බුදුන් කෙරේ සිත පහදවාගෙන නැති වුන හැටි. දන්කන් දේ ධම්ම රතන ස්වාමීන්වහන්සේ ගේ අරහංඅ බුදු ගුණය පොතක් කියවන්න​. රේරුකානේ මහා නායක ස්වාමීන්වහන්සේ පුණ්‍යෝපදේශය​, බෞද්ධයාගේ අත්පොත​, සූවිසි මහ ගුණය කියවන්න​. මේ ජීවිතයේම පල දෙන කර්මය (කතෘ අමතකයි) පොතත් පොත් සාපුවකින් ගන්න​..

හැබැයි රජෝ මෙහෙම කිව්වා කියලා හිටු කියලා පව් කරනවා නෙවේ. අපිට කියන්න බෑ 100%ක්ම සෑම අකුසලයක්ම කුසල් බලෙන් දුරු කරගන්න පුලුවන් කියලා. විපාක දෙන ප්‍රමාණය​, තීව්‍රතාවය තමා ගොඩක් වෙලාවට අඩුකරගන්න පුලුවන්. යම් පමණකට බබොහෝ විට විපාක දෙනවා. එහෙම කුසල් බලෙන් දුරු කරගන්නත් ලේසි නෑ. පින් කරන්නත් දුක් විඳින්න ඕනෑ. නිකං ඉඳගෙන ඉඳලා පින් කරගන්න බෑනේ. ඒ හන්ඳා හොඳම දේ තමා පවු නොකරන් ඉන්න එක​. මේ ටික කිව්වේ නොදෙනැ පෙර කල පව් ඇත්නම් ගෙවා දැමීම පිණිස පමණි. කර්ම්‍ය තරම් සාධාරණ උසාවියක් මේ විශ්වයේම නැත​. බුදුන් වහන්සේ පවා කර්ම විපාක විඳි සේක​!
තෙරුවන් සරණයි!

 

[Insight]

මට දෑන ගන්න ඔනෙ අපි අකුසල කර්මයක් කලොත් එකට් අනිවර්යෙන්ම පඩිසන් දෙනවද ?

අකුසල කර්මය අනුව විපාකය ලැබෙන ආකාරය වෙනස් වෙනවා. සමහර අකුසල කර්ම වලට මේ ජීවිතයේදී විපාක ලැබෙන්න පුළුවන්. ඒවාට දිට්ඨධම්මවේදනිය කර්ම කියල කියනවා. විපාක නොදුන්නොත් අහෝසි(නැති) වෙන්න පුළුවන්. තවත් සමහර ඒවාට ඊළග ජීවිතයේදී විපාක ලැබෙන්න පුළුවන්. නැතිනම් අහෝසි වෙන්න පුළුවන්. බරපතල අකුසල කර්ම වලට විපාක සසර ගමන නවතන තුරු විපාක ලැබෙන්න පුළුවන්.

දිට්ඨධම්මවේදනිය කර්ම

දැන් මේ forum එකේ වුනත් කට්ටිය තරගෙට අපහාස කර ගන්නවනේ. ඉතින් එහෙම අනෙක් අයට ප්‍රසිද්ධියේ බැන්ණහම ප්‍රසිද්ධියේම විපාකයක් විදියට ආපහු බැණුම් අහන්න වෙනවා. ඉතින් එකත් ගොඩක් වෙලාවට දිට්ඨධම්මවේදනිය විදියටම බලපානවා වෙන්න ඕන.

මොනවා වුනත් වැරද්දක් දැක්කම කතා නොකර ඉන්න අමාරුයි රහත් වෙලා නැති අපිට. අනෙක වරද දුටු තැන ඒක පෙන්නලා දෙන එක හොදයි කියල පොත්වල තියෙනවා. ඒවුනාට ප්‍රසිද්ධියේ දෙයක් ලියනකොට පාවිච්චි කරන වචන සංවර වෙන තරමට තමන්ට හොදයි. නැතිනම් තමන්ගේ පහත් වචන හැසිරවීම තමන්ගේම ආගමට අගෞරවයක් විය හැකියි.

 

[Insight]

පින් කරල එක අදු කරගන්න හෝ නෑති කර ගන්න බරිද ?

අපිට සංසාරේ බණ අහන්න ලැබෙන්නේ ඉතා කලාතුරකින්. ඒ නිසා පින් පව් වලින් අපිට වැඩිපුර එකතු වෙලා ඇත්තේ මොනවද කියල හිතා ගන්න පුළුවන්නේ? ඉතින් ලැබුන අවස්ථාවෙන් පින් කර ගන්න එක හොදයි. අපේ බෑග් එකකට නොදැනුවත් කමට කුණු රොඩු ගොඩක් එකතු වුනා කියල හිතන්න. මැණික් හරි රත්තරන් හරි එකතුවුනේ අඩුවෙන් කියල හිතන්න. හදිස්සියට අත දාල මොනවා හරි ගන්න හදනකොට වැඩිපුර ලැබෙන්නේ මොනවද? ඒ නිසා වැඩිපුර හොද විපාක ලබන්න කැමති නම් බණ අහන්න ලැබුන නැති කාල වලට හරියන්න පින් එකතු කර ගන්න ඕන. තව දෙයක් තියෙනවා ප්‍රබල විපාක ලැබෙන පින්කම් (අට මහා කුසල්) කලෝතින් ඒවායේ විපාක වැඩිපුර බොහෝ
කාලයක් ලැබෙන්න පුළුවන්. එතකොට කලින් කිව්ව, මේ ජීවිතේදී හරි ඊලග ජීවිතේදී හරි විපාක නොලැබුනොත් අහෝසි වෙන අකුසල කර්ම අහෝසි (නැති ) වෙන්න පුළුවන්. තව විදියක් තියෙනවා, ඒ තමයි නිවන් අවබෝධ කරලා නැවත භවය සකස් නොවෙන විදියට කර්මය ක්ෂය(නැති) කිරීම. හැබැයි පිරිනිවන්පානකම් සමහර කර්මවලට විපාක ලැබෙන්න පුළුවන්.

 

[Insight]

මොනවවුනත් කරපු අකුසල් ගැන බය වෙවී, පසුතැවි තැවී ඉන්න එක හොද නැහැ. වැරැද්ද මොකක් වුනත් වෙලා ඉවරනේ. නොදැනුවත්කමට වුනාට ආයේ කරන්නේ නැහැ කියලා අධිෂ්ඨාන කරන්න ඕන.

අධික බයක් ඇති වුනොත් ලෙඩ වෙන්න පුළුවන්. බය වැනි ආවේග වලට කායික මෙන්ම මානසික ප්‍රශ්න ඇති වෙන්න පුළුවන්. කායික ප්‍රශ්න සමහරක් නම් ,

හර්ද ස්පන්දනය/ රුධිර පීඩනය අහිතකර ලෙස වෙනස් වීම
මොළයේ රසායනික වෙනස්කම්
හෝමෝන වෙනස්කම්
රුධිර නාලිකා පිපිරීමෙන් හෝ එවැනි වෙන දෙයක් වීමෙන් හර්දය වස්තුවට හානි වීම
රුධිරය විෂ වීම

බය නැති කර ගැනීමට විපස්සනාව උදව්වට ගැනීම ,

නිශ්ශබ්ද තැනකට ගොස් ඇස් පියාගෙන බිය හෝ කල වරද ගැන පසු තැවීම ආදිය නිසා තමන් තුල ඇති වී තිබෙන සංවේදනා වල වෙනස ගැන හොද අවදානයෙන් හිත එකග කර නිරීක්ෂණය කරන්න. එවිට යම් බරපතල සංවේදනාවක් තිබේ නම් එය මුලදී වැඩි වී පසුව අඩු වී යයි. එය නැවත නැවත එන්නට පුළුවන. එහෙත් එය නිරීක්ෂණය කිරීමෙන් නැති වී යයි. ඉන් පසු බියක් ඇතිවෙන වෙන විට බයක් ලෙස මෙනෙහි කිරීමද කල වරද ගැන පසුතැවීමක් හෝ අනිසි තැවීමක් ඇතිවුවහොතින් එය උද්දච්ච කුක්කුච්ච නීවරණය හෝ පසුතැවීමක් ලෙසද මෙනෙහි කරන්න. ඒවා නැති වෙන සෑම අවස්ථාවකම ඒවායේ අනිත්‍ය ස්වභාවය මෙනෙහි කරන්න. කල වරද මතක් වන සෑම විටම උද්දච්ච කුක්කුච්ච නීවරණය යයි මෙනෙහි කිරීමෙන් එය අමතක වී යනු ඇත. එහෙම මෙනෙහි නොකලාම වුන දෙයක් කියනාවනම්, එක සිල්වත් හාමුදුරු නමක් භාවනානුයෝගීව බොහෝ කල් ජීවත් වෙලා තියෙනවා. අපවත් වෙන වෙලාවේ හැබැයි අත් වරදකින් වුන සුළු වරදක් මතක් වෙලා නාගයෙක් වෙලා ඉපදිලා තියෙනවා.

http://www.elakiri.lk/forum/showthread.php?t=1499999&page=2

 

[Insight]

කර්මය ක්ෂය කරන්න කැමති නම් නිවන් අවබෝධ කරන්න ඕන. ඒ කියන්නේ චතුරාර්ය සත්‍ය ධර්මය
අවබෝධ කරන්න ඕන.

 

[Insight]

එනම්,

• දුක
• දුකට හේතුව
• දුක නැති කිරීම
• දුක නැති කිරීමේ මාර්ගය

යන ආර්ය සත්‍ය සතර අවබෝධයෙනි. පහත සදහන් කුමන අයුරකින් හෝ

අපට යම් දිනක මේ කියන දුක අත්විදින්නට සිදුවනු ඇත. එම සත්‍ය ගැන

යම්කිසි අවබෝධයක් ලැබීම අපහසු නැත. එසේ නොවන්නේ යයි යමෙක්

සිතන්නේ නම් ඔහුට ඉන් වන්නේ අයහපතකි.



දුක්ඛ සත්‍ය

ජාති දුක

එනම් ඉපදීමයි. ජාති දුක විවිධ දුක් වලට මූල හේතුව වේ. එසේ ඇති වන දුක් නම්,

දුක්ඛ දුක්ඛය

අමිහිරි අත්දැකීම් නිසා සාමාන්‍යයෙන් ඇතිවන කායික මානසික වේදනා

විපරිණාම දුක්ඛය

කායික මානසික සුවය නැති වී යාමෙන් ඇතිවන වේදන

සංඛාර දුක්ඛය

සංස්ඛාර ධර්මයන්ගේ ඇති වීම නැති වීම නිසා ඇතිවන වේදනා

පටිච්ඡින්න දුක්ඛය

අත පය කැඩීම්, බිඳීම්, තුවාල වීම් ආදී පැහැදිලිව පෙනෙන්නට තිබෙන දුක

පරියාය දුක්ඛය

ජාති,ජරා ,ව්‍යාධි


නිප්පරියාය දුක්ඛය

දුක්ඛ දුක්ඛ මෙයින් අදහස් කෙරේ
මෙබඳු දුක් වලට පෘතග්ජන සත්වයෝ මුහුණ දෙති.

• • ගර්භා වක්‍රාන්ති මූලික දුක්ඛ-මව් කුස තුළ අත් පා හකුළුවා ගෙන ගත කිරීමට සිඳුවීම.
  • ගර්භ පරිහරණ මූලික දුක්ඛ -මවගේ කෑම බීම ගමන් බිමන් ආදී සෑම අවස්ථාවකදීම කුස තුළ සිටියදී පීඩා විඳීමට සිදු වීම.
  • ගර්භ විපත්ති මූලික දුක්ඛ- ඇතැම් විට බිහිවන අවස්ථාවේදී වෙදුන් විසින් සැත්කම් ආදිය කිරීම නිසා ඇති වන දුක
  • විජායන මූලික දුක්ඛ- පර්‍වතයකින් හෙළනු ලැබූවකු මෙන් හිස යටිකුරුව බිහිවන විට ඇති වන දුක
  • වහීර් නිෂ්ක්‍රමණ මූලික දුක්ඛ-අළුත් තුවාලයකට ලුනු දමා කොස්සකින් උලන විට ඇති වන දුකට නොදෙවෙනි දුකක් උපත ලද මොහොතේ නාවා පිරිසිදු කරන විට ඇත් වීම
  • ආත්මෝපක්‍රම දුක්ඛ- ජීවත් වන අතරතුර ලෝභාදී අකුසල ධර්ම නිසා ඇති වන දුක
  • පරෝපක්‍රම දුක්ඛ- අන්‍යයන් විසින් තැලීම්, කැපීම්, බැනීම් ආදිය නිසා ඇති වන දුක

• . ජරා දුක -පංච ඉන්ද්‍රියන් දිරාපත් වීම නිසා ඇති වන දුක

උදා- ඇස් නොප කන් නොඇසීම

• .මරණ දුක- ක්ෂණික මරණ හා සම්මුති මරණ
  • ආයුක්ඛය
  • කම්මක්ඛය
  • උපච්ඡේදන

යනුවෙන් මරණය සිවු වැදෑරුම් වේ.

• සෝක දුක- තමන් සතු සම්පත් නැති වීම අඹුදරුවන් මිය යාම ආදිය නිසා ඇති වන දුක
• පරිදේව දුක- හඬාවැලපීම් නිසා ඇති වන දුක
• දුක්ඛ දුක්ඛ -ශාරීරික හා මානසික වේදනා තුන් දොස් කිපීම වැනි හේතු නිසා ඇති වන දුක
• දෝමනස්ස දුක්ඛ- සිතෙහි හට ගන්නා දුක, දරුවන් අකීකරු වීම්, බිරිඳ දුසිරිතෙහි යෙදීම ආදිය නිසා ඇති වන දුක
• උපායාස දුක- හිතවත් ඥාතීන්ගේ මියැදීම නිසා ඇති වන දුක
• අප්‍රිය සම්ප්‍රයෝග දුක- අප්‍රිය පුද්ගලයන් හා වස්තූන් මූණ ගැසීම නිසා ඇති වන දුක
• ප්‍රිය විප්‍රයෝග දුක - ආශා කළ පුද්ගලයන් හා වස්තූන්ගෙන් වෙන් වීම නිසා ඇති වන දුක
• කැමති දේ නොලැබී‍මේ දුක - සිතන පතන අයුරින් ඒවා ඉටු නොවීම
• පඤ්ච උපාදානස්කන්ධ දුක - රූප වේදනාදී පඤ්ච උපාදානස්කන්ධ නිසාම ජාති ජරා මරණාදී දුක් හට ගනී. ස්කන්ධ පහම එහෙයින් දුක් වේ

http://si.wikipedia.org/wiki/%E0%B6%...B6.BA.E0.B6.BA

මෙම දුකට හේතුව තණ්හාවයි. එය අපට තේරෙන විදිහට සරලව ලියන්නට උත්සහ කරන්නෙමු. යම්කිසිවක් තේරුම් ගැනීමට හැකි කුඩා දරුවා මෙන්ම වැඩිහිටි අයද තමන්ගේ කය හා සිත මගේ යයි සලකා දැඩි ලෙස අල්ලාගෙන ජීවත් වෙති. ඉන්පසු තම රූපයට මෙන්ම තමා සතු සියලු දේට මගේ යයි ගෙන ජීවත් වෙති. ඒවා ආරක්ෂා කිරීමට වෙහෙසී වෙනස් වෙනකොට හෝ නැතිවෙන විට දුක් වෙති. තවද තමා ලබා ගැනීමට කැමති වෙනත් දේවල් වලටද ආසා කර
ඒවා නොලැබෙන විටද දුක් වේ. මෙම සියලු දුක් වලට මූලික වන්නේ සිත හා කය මම ලෙස අල්ලා ගැනීම නොහොත් උපාදානයයි. වාතය හා හිරු එළිය උපකාර ඇතිව ආහාරයෙන් හා ජලයෙන් සකස් වුන මේ ශරීරය මගේ ලෙස ගන්නේ මෙහි යථා ස්වරූපය නොපෙනෙන නිසාය. කටට ගත් ආහාර ටිකක් නැවත එලියට ආ විට වමනය ලෙස පිළිකුල් කරනා අප එම වමනෙන් සකස් වුන දෙයට ඇලුම් කරයි. විද්‍යාව ඉගෙන ගන්නා අය මෙම ශරීර මෙන්ම අනෙකුත් භෞතික දේවලුත් නිතර වෙනස් වෙන කුඩා අංශු වලින් සකස් වුන බව ඉගෙන ගනියි. මේවා මම මගේ කියා අල්ලා ගත නොහැක. සාමාන්‍ය කෙනෙකුට එම යතාර්ථය දැන ගැනීමට ලැබෙන්නේ අන්වීක්ෂ වැනි උපකරණ ආධාර ඇතිවය. නමුත් සම්මා සම්බුද්ධත්වය ලබන බුදු රජානන්වහන්සේලා මේවා ගැන දේශනා කරන්නා භාවනාවෙන් ලැබූ චිත්ත ඒකාග්‍රතාව පාවිච්චි කර ලබා ගන්නා බුද්ධ ඥානයෙනි. එලෙස අවබෝධ කර ගෙන දේශනා කල ආර්ය අෂ්ටාංගික මාර්ගයේ ගමන් කරනා කෙනෙක්ට අන්වීක්ෂයක උපකාරයක් නොමැතිව පෙර කී යතාර්ථය අවබෝධ කල හැක. එම මාර්ගයේ ගමන් කිරීමට චතුරාර්ය සත්‍ය ගැන යම්කිසි අවබෝධයක් තිබිය යුතුය.

ඉහත කී මාර්ගය ගැන සරලව ලියනවා නම්

සීල
සමාධි
ප්‍රඥා

චිත්ත ඒකාග්‍රතාව ඇති කර ගැනීමට කය සංවර විය යුතුය. එය සීලය ලෙස හැදින්වේ.
ප්‍රඥාවේ හා හිතේ උදව්වක් නැතිව එය සිදු නොවේ. එහෙමෙහේ දුවන කුඩා දරුවෙකුට
කිසිවක් තේරුම් කර දිය නොහැක. එක තැන වාඩි වීමට තරම් සංවර වූ විට ටිකක් කියා
දිය හැක. නමුත් ඔහු හිතෙන් දුර යන්නේ නම් කියා දීමෙන් පලක් නැත. සීලයෙන් කරන්නේ
සමාධියට යාමට අවශ්‍ය සංවරකම පුහුණු වීමයි. ඉන්පසු චිත්ත එකාග්‍රතාවයට උත්සහ කල
හැක. කාචයක් භාවිතා කර හිරු එළිය එකතු කල විට වියලි කොළ රොඩු ගිනි දැල්වීමට
ශක්තිය ලැබෙන්නා සේ චිත්තඑකාග්‍රතාවයෙන් අසාමාන්‍ය බලයක් මිනිස් සිතට ලැබේ.
අන් අයට නොපෙනෙන දේවල් දැකීමෙන් ඇතිවෙන අත්දැකීම් ප්‍රඥාව වර්ධනයට ඉවහල් වේ.

ඉහත දැක්වුවේ ඉතා සරල විග්‍රහයක් වුවද පටිච්ච සමුප්පාදය වැනි දේවල් ගැඹුරට
හැදෑරීමෙන් මෙය වඩා හොදින් තේරුම් ගත හැක. නමුත් පොතෙන් ලැබෙන දැනුමට
වඩා භාවනාවෙන් ලබන අත්දැකීම්වලින් මෙය වඩා හොදින් අවබෝධ කල හැක.

ඒ සදහා පාරමිතා පුරන ගමන් ආර්ය අෂ්ඨාංගික මාර්ගයේ ගමන් කිරීම වඩා සුදුසුයි කියල
අපිටනම් හිතෙන්නේ. මොනවා වුනත් ඒක තම තමන්ගේ පුද්ගලික තීරණයක් විය
යුතුයි.

http://www.elakiri.lk/forum/showthread.php?t=1485304


අති පූජ්‍ය රේරුකානේ චන්දවිමල හාමුදුරුවන්ගේ
චතුරාර්ය සත්‍ය හා පාරමිතා ප්‍රකරණ වෙලාව තියෙනවනම් කියවල බලන්න.

http://www.ogatharana.org/

බණ අහන්න කැමති නම්,


http://sinhala.mahamevnawa.lk/sermon...sutra-deshana/
http://www.elakiri.lk/forum/showthread.php?t=1132457

ධර්ම සාකච්චා වලට

https://groups.google.com/forum/?fromgroups#!forum/dhammamedicine

විපස්සනා භාවනාවට

http://www.dhamma.org/en/art.shtml
http://www.dhamma.org/(towards the end there're pages written in other languages)
http://www.dhamma.org/en/bycountry/ap/lk.shtml

 

[asliyanage]

@ Tikiri Nanga

ඔබ කිව්ව ගයාන් චානුක විදාන පතිරණ මහතාගේ "මහා කාෂ්‍යප හාමුදුරුවෝ" පොත කියෙව්ව.පහත ලින්ක් වල එම පොතී කොටසක් අත.එහි ඔබ සදහන් කරපු කොටස මෙය විය යුතුය.තහවුරු කරන්න.බුදුසරනය

http://sphotos-c.ak.fbcdn.net/hphotos-ak-ash3/526189_613358828690687_1172312792_n.jpg

http://sphotos-a.ak.fbcdn.net/hphotos-ak-ash4/309250_613358928690677_388378405_n.jpg

http://sphotos-g.ak.fbcdn.net/hphotos-ak-prn1/33969_613359028690667_1982868222_n.jpg