උතුරු කොරියාව ඇමරිකාවට පහරදීමට සැරසෙයි
ඇමරිකාවට පහරදීමට කාලය පැමිණ ඇති බව උතුරු කොරියා නායක කිම් ජෝන් පසුගියදා පැවසීමත් සමඟ ලොව පුරා අවධානය උතුරු කොරියාව වෙත යොමු වුණා..
ඔහුගේ එම ප්රකාශයට හේතුවී තිබුනේ කොරියාවේ අර්ධද්වීපයට ආසන්නයේ ඇමරිකාව විසින් දකුණු කොරියාව සමඟ යුධ අභ්යාසයක් පැවැත්වීමයි.
කිම් ජෝන්ගේ එම ප්රකාශයෙන් පසුව ඔහු විසින් ඊයේ දිනයේ යුධ සැලසුම් කාමරයක සිට ඇමරිකාවට ප්රහාර එල්ල කල යුතු ආකාරය හා දිගුදුර මිසයිල එල්ල කල යුතු ඇමරිකාවේ නගර සැලසුම් කර තිබුනා.
ඒ අනුව Hawaii, Washington DC, Los Angeles, Austin හා Texas නගර ඔහුගේ මෙම ඉලක්කයන් වලට ඇතුලත්. අනතුරුව ඇමරිකාවට ප්රහාර එල්ලකිරීමට මිසයිල ස්ථානගතකිරීමට ඔහු විසින් ඊයේ අනුමැතිය දුන් අතර එම ජායාරූපද මාධ්යයට නිකුත් කර තිබුණා.
කෙසේවුවද ඔහුගේ දිගුදුර මිසයිල වල ගමන් පථය අනුව California, Arizona, New Mexico, Texas, Oklahoma, Arkansas, Mississippi, Alabama, Georgia හා South Carolina නඟර මඟ හැරී තිබෙනවා.
කිම් ජෝන්ගේ නියෝගයත් සමඟ මේ වනවිට උතුරු කොරියාවේ මිසයිල භාර හමුදා කණ්ඩායම් විසින් ඔවුන්ගේ දිගුදුර හා කෙටිදුර මිසයිල ස්ථානගතකිරීමේ ක්රියාකාරකම් ආරම්හ කර ඇති බවයි දකුණු කොරියාවේ යුධ වාර්තා වලින් කියවෙන්නේ.
පසුගිය 11 වෙනිදා ආරම්භ කර සති 2ක කාලයක් පුරා පැවති ඇමරිකානු- දකුණු කොරියා යුධ අභ්යාසය සඳහා O-2 ප්රහාරක යානාද ඔවුන් යොදාගත්තා. වරක් ඉන්ධන පිරවීමෙන් සුපර් සොනික් වේගයෙන් කිලෝමීටර් 9,600ක් පියාසර කල හැකිබෝම්බ හෙලන අති නවීන යානාවක් වන මෙය ඇමරිකාව විසින් ඇමරිකාව විසින් ඉරාක, ඇෆ්ගන්, ලිබියා හා ගල්ෆ් යුද්ධ වලදී භාවිතා කර තිබු එකක්.
පසුගිය දෙසැම්බර් මාසයේ උතුරු කොරියාව විසින් කිලෝමීටර් 6,2000ක පමණ දුර විදිය හැකි දිගුදුර මිසයිලයක් අත් හදා බැලූ අතර අනතුරුව පසුගිය මාසයේද ඔවුන් විසින් රහසිගතව න්යෂ්ටික අත් හදා බැලීමක් කර තිබුණා. එම න්යෂ්ටික පිපිරිම නිසා රික්ටර් මාපක 4.9 ක භූ කම්පනයක්ද ඇතිවූ බවයි වාර්තා වුනේ.
මීට පෙර 2006 හා 2009 වසරවල් වලදී ද උතුරු කොරියාව විසින් න්යෂ්ටික අත්හදා බැලීම් කර තිබුනත් මෙවර කල අත් හදාබැලීම කලින් ට වඩා ප්රබල බවයි පැවසුනේ.
