කෘතිම උපත් පාලන ක්‍රම ( උපත් පාලනය II )

[luckyluke111]

කෘතිම උපත් පාලන ක්‍රම ( උපත් පාලනය II )

කාලෙකට පස්සේ ඔන්න ආයේමත් ලියන්න කියලා ආවා... පහුගිය කාලේ ටිකක් වැඩ වැඩි උන නිසා වෙලාවක් තිබ්බේ නැහැ ත්‍රෙඩ් එකක් දාන්න තරම්... ඒත්ත්‍රෙඩ් එකේ ඉතුරු ටික දාන්න කියලා හිතාගෙන ආවම GTRZ GTA MTA ගහන්න Server එකක් open කරලයි කියලා දැක්කම ඒ පැත්තේගියා.. දැන් සති 3ක ඉඳන් free time එකක් ආවොත් පුලු පුලුවන් හැටියට ඒක ගහන නිසා Thread දාන වැඩේ බල්ලට ගියා... අදත් බොහොම අමාරුවෙන් හිත හදාගෙන මෙන්න මේ කලින් ත්‍රෙඩ් එකේ II කොටස දාන්න ආවා...

කලින් ත්‍රෙඩ් එකේ අපි කතා කලේ "ස්වභාවික උපත් පාලන ක්‍රම" ගැනයි.. ඒක කියෝලා නැත්නම් තවම මෙන්න මෙතනින් ගිහින් ඒක කියෝලා එන්න ඔක්කොටම ඉස්සෙල්ලා.. එහෙනම් ඔන්න පුරුදු විදිහටම වැඩිය වැල් බයිලා ඕනේ නෑ... කියවන් පලයල්ලා පහලට...

කෘතිම උපත් පාලන ක්‍රම ගත්තාම ප්‍රධාන කොටස් දෙකකට බෙදන්න පුලුවන්.
1. තාවකාලික ක්‍රම
2. ස්ථීර ක්‍රම ; කියලා...
ඔතනින් තාවකාලික ක්‍රම තමයි බහුලවම භාවිතා වෙන්නේ. මොකෝස්ථීර ක්‍රම අනුගමනය කලොත් ළමයෙක් හදාගන්න ඕනේ උනවෙලාවට අල්ලපු ගෙදර මනුස්සයගෙන් විදෙස් ආධාර පතන්න සිද්ධ වෙන නිසා... එහෙනම් අපි බලමු මොනාද මේ ක්‍රම කියලා...

1.තාවකාලික ක්‍රම.
තාවකාලික ක්‍රම ගත්තාම ඒකත් කොටස් දෙකකට බෙදෙනවා පිරිමින්ට සහ ගැහැණුන්ට භාවිතා කරන්න පුලුවන් ක්‍රම විදිහට.. ඔතනින් පිරිමින්ට භාවිතා කරන්න පුලුවන් එකම තාවකාලික ක්‍රමය තමයි උපත් පාලන කොපු (Condoms) පැළඳීම.. ඊට අමතරව වෙන දෙයක් නම් නැහැ.. හැබැයි රජෝ උපත් පාලන කොපු පළඳිනවා නම් ටිකක් හොඳ එකක් පාවිච්චි කරන එක තමයි හොඳ.. නැත්නම් ඔය ලාබෙට ගන්න තියෙන එව්වා දානවා නම් දෙකක්වත් එකපාර දාගන්න ඕනේ.. නැත්නම් කොන්ඩම් එක පැලිලා ලීක් උනයි, ප්‍රෙග්නන්ට්ද දන්නේ නැතෙයි කියලා ෆේක් වලින් ඇවිත් ත්‍රෙඩ් දාන්න තමයි වෙන්නේ...

හරි තාවකාලික ක්‍රම ගත්තාම කාන්තාවකට තමයි මෙව්වා වැඩියෙන්ම පාවිච්චි කරන්න පුලුවන්... ඒ ක්‍රම ගත්තාම ප්‍රධාන කොටස් තුනක් තියනවා..
1. බාධක ක්‍රම භාවිතය (Barrier methods)
2. ගර්භාෂ අභ්‍යයන්තරික උපත් පාලන උපාංග භාවිතය
3.හෝමෝන භාවිතය

හරි අපි දැන් මේ එක එකක් ගැන සවිස්තරාත්මකව බලමු.

1. බාධක ක්‍රම භාවිතය (Barrier methods)
මේ ක්‍රමයෙදී භාවිත වෙන්නේ කාන්තා උපත් පාලන කොපු ( උඹලා දන්නේ නැති උනාට එහෙම එව්වත් තියෙනවා ) සහ ප්‍රාචීර භාවිත කිරීමයි. දැකලා නැති උන්ට බලාගන්න මෙන්න යටින් පින්තූර දෙකක් දාන්නම්.

මෙන්න කාන්තා කොන්ඩම්

මෙන්න ප්‍රාචීර

හරි දැන් අපි බලමු මේ ක්‍රම භාවිත කිරීමෙන් ලැබෙන වාසි සහ අවාසි ගැන.
මේ වාසි අවාසි පිරිමි කොන්ඩම් වලටත් අදාලයි පු‍තෝ...

වාසි

• ලිංගාශ්‍රිත රෝග වලින් ආරක්ශාව (මේකේදි කියන්න ඕනෙම එකක් තියනවා. ගණිකාවෝ මේවා පවිච්චි කරනවා. ගණිකා සේවනයක් කරනවනම් ගණිකාවෝ කොන්ඩම් දාන්නේ උන්ගේ ආරක්ෂාවට මිසක් උඹලගේ ආරක්ශාවට නෙමෙයි.. උන් උදේ එකක් දැම්මම ඒක ගලවන්නේ හවසට තමයි. ඒක නිසා උන් දාලාතිබ්බා කියලා උඹලා දාන්න ඕනේ නැහැයි කියලා හිතුවොත් නම් බඩුම තමයි පු‍තෝ.)
• ආරක්ෂිත වීම.
• අතුරු ආබාධ නොමැති වීම.
• භාවිතයට පහසු වීම හා අවැසි විට නතර කළ හැකි වීම.
• සායනයට නොගිහින් පහසුවෙන් ෆාමසියකින් පවා ලබා ගත හැකි වීම ( මෙන්න මෙතනත් පොඩි අවුලක් තියනවා.. අපේ ගොඩක් උන්ට ෆාමසියකට ගිහින් කොන්ඩම් එකක් ඉල්ලන්න ලැජ්ජයි.. අහවල් වැඩේ කරගන්න ලැජ්ජාවක් නැත්නම් බය නැතුව ගිහින් කොන්ඩම් එකක් ගනින්. කොල්ලෙක් නම් ඉන්නේඅවුලක් නැ ශේප් එකේ දෙනවා.. ඒත් ඔය කෙල්ලෝ ඉන්නවනම් තමයි කින්ඩි පාට් හිනාවක් එහෙම දාලා දෙන්නේ.. ඒ වෙලේට කියපල්ලා මම කොන්ඩම් ඉල්ලුවේ ඔයා එක්ක පවිච්චි කරන්න නෙමෙයි මගේ wife එක්ක පාවිච්චි කරන්නයි කියලා.. ආයේ ජීවිතේට කිසිම එකෙක්ට හිනා වෙන එකක් නෑ.. ඕකුන්ට නම් පාඩමක් උගන්නවන්න ඕනේ)

අවාසි

• භාවිතයට නිවැරදි තාක්ෂණික දැනුම නොමැති වීම. ( ලංකාවේ ලිංගික අධ්‍යයාපනයේ තරම තමයි ඉතින්.. දන්නේ නැත්නම් ඔය අක්කා කෙනෙක් ඉන්න ෆාමසි එකකට ගිහින් කව්රුත් නැති වෙලාවක් බලලා අක්කගෙන් අහ ගනින් කියලා දෙයි)
  
• නිවැරදිව නොපැළඳීමක් නිසා සාර්තක ප්‍රතිපල අඩු වීම.( දැන් මට කියන්න එපා කොන්ඩම් එකක් දාන හැටිත් කියලා දෙන්න කියලා.. කියලා දෙනවා තමයිමිනිස්සුන්ට ඇහුවොතින්.. ඒත් මෙතන බැහැනේ.. Youtube එකේ බලා ගනිල්ලා දන්නේ නැති එවුන්.
• සහකාරියගේ එකඟතාවය අවශ්‍යය වීම. (ඔව්වා වලට වයිෆ් අකමැතිනම් කපෝතියිනේ)
• ලිංගික එක්වීමේ උපරිම තෘප්තිය ලබා ගත නොහැකි වීම (කොප්පක් දාගෙන වැඩේ කරද්දි වෙන දේ අමුතුවෙන් කියන්න ඕනේ නැහැනේ)
  
• සුදුසු තැන් වල ගබඩා කර තැබිය යුතු වීම ( නැත්නම් පොඩි එකා එහෙම ඔව්ව ඇදලා බැලුන් කියලා හිතන් පුම්බන්න බැරි කමක් නෑ )

2. ගර්භාෂ අභ්‍යයන්තරික උපත් පාලන උපාංග භාවිතය ( IUCD - Intrauterine Contraceptive Device)
මේකේදි කරන්නේ කුඩා, නම්‍යයශීලී, ප්ලාස්ටික් වලින් හදපු උපාංගයක් යෝනි මාර්ගය හරහා ගර්භාෂ කුහරය ඇතුලේ තැන්පත් කිරීමයි. ඔන්න දැකගන්නත් එක්ක දැම්මා රූපයක් පහලින් උපාංගයයි ඒක තැන්පත් කරන විදිහයි..

මෙන්න IUCD

මේක තැන්පත් කරාම මෙන්න මෙහෙමයි.

මේකෙන් අවුරුදු 10 ක් පුරාවට උපත් පාලනය කරගන්න පුලුවන්.. ඒවගේම අවශ්‍යය ඕනේ වෙලාවට ඉවත් කරගන්න පුලුවන්.. ඉවත් කර ගමන් ගැබ් ගැනීමටත් ඉඩකඩ තියනවා.. දැන් බලමු මේකේ වාසි අවාසි..

වාසි

• දීර්ඝ කාලීන ආරක්ශාවක් ලබා දීම.
• පහසු ක්‍රමයක් වීම.

අවාසි

• නිවැරදි තාක්ශණික දැනුම අවශ්‍යය වීම ( ඒ කිව්වෙ ගෙදර ඉඳන් මෙව්වා දාගන්න බැහැ. වෛද්‍යයවරයෙක් හම්බු වෙලාප්‍රියම්බිකාවගේ අහවල් එක පෙන්නලාතමයි දාගන්න වෙන්නේ. )
• අතුරු ආබාධ වැඩි වීම ( ඔසප් රුධිර වහනය අධික වීම, ඔසප් අක්‍රමිකතා ඇති වීම, ගර්භාෂ බිත්ති තුවාල වීම, උකුල් අභ්‍යයන්තර අසාත්මක් තත්ව ඇති වීම)
  
• පුරුශ ලිංගයට හානි ඇති විය හැකි වීම ( ඔය උපාංගය හරියට තැන්පත් නොවුනොත් ගර්භෂ විවරෙන් එලියට නෙරලා තිබ්බොත් ලිංගික එකතු වීමකදී ශිෂ්ණේඇනීමකට ලක් වෙන්න පුලුවන්.. ඊට පස්සේ බැරියෑ මස 2-3 ක් යනකන් ඕක වටේ ප්ලාස්ටර් දාගෙන ඉන්න)

මේ ක්‍රමය බහුලව භාවිත කරන්න පුලුවන් දැනටමත් ප්‍රමාණවත් පමණට ළමයි හදාගත්තු කාන්තාවකට, පවුල් සැලසුම් කිරීමක් විදිහට..

3.හෝමෝන භාවිතය.
බහුලව භාවිත වෙන ක්‍රමයක් තමයි මෙම හෝමෝන භාවිත කිරීම... ඒ වගේම මේක පුළුල් මතෘකාව.. මේක ගත්තම ආයේ ප්‍රධාන කොටස් 3 කට බෙදන්නපුලුවන්..

A. උපත් පාලන පෙති භාවිතය (OCP - Oral Contraceptive Pills)
මේක ගත්තාම හැමෝම දන්න ක්‍රමයක්නේ.. මේකෙත් වර්ග 3ක්තියෙනවා..

I. සංයුක්ත උපත් පාලන පෙති (COCP - Combined Oral Contraceptive Pills)



මෙහෙම කිව්වට තේරෙන්නෙත් නැත්නම් මිතුරි කාර්ඩ් කියන්නේ මෙව්වට තමයි.. මේකේ ප්‍රොජෙස්ටරෝන් හා ඊස්ට්‍රජන් කියන හෝමෝන දෙකම අන්තර් ගත වෙනවා. ඔය ෆාමසි වල පොදුවේ ගන්න තියෙන පෙති 28 ක කාර්ඩ් එකේ මේ පෙති තමයි සමන්විත වෙන්නේ.

COCP වල වාසි අවාසි කතා කරනවා නම්;

වාසි

• ඔසප් චක්‍රයේ අක්‍රමිකතා අවම කිරීම. ( ඔසප් අක්‍රමිකතා වලට COCP දෙනවා.. ඒත් ඔන්න දැන් උඹලා දොස්තරකම් කරන්න යන්න එපා කෙල්ලගේ හරිවයිෆ් ගේ හරි එහෙම අක්‍රමිකතා තියෙනම්.. බක පණ්ඩිත වැඩ නොකර එහෙම අවුලක් තිබ්බොත් වෛද්‍යය වරයෙක් මුන ගැහෙන්න.. මොකද හිතු මතේට ඔව්වපාවිච්චි කරලා මැරෙන්න උනත් පුලුවන්. ඒ කොහොමද කියනවානම් ඊස්ට්‍රජන් නිසා රුධිර කැටි ගැසීම් වෙලා මොලේට ලේ දෙන රුධිර නාලෙක ලේ කැටයක්හිර වෙලා, පෙනහලු වල හිර වෙලා වගේ... මොකද එහෙම අවස්තාවක් මම ඇස් දෙකට දැකලා තියෙනවා ඒකයි එපා කිව්වේ)
• සරල, වේදනාව අවම ඔසප් වීම් සිදු වීම.
• උකුල් අභ්‍යයන්තර අසාත්මක් තත්ව අවම වීම.
• ගර්භාෂ බිත්ති හා ඩිම්භ කෝෂ ආශ්‍රිත පිළිකා වලින් ආරක්ශාව.(එහෙමයි කියලා ඔව්ව නිතර බොන්න දෙන්න එපා එපා එපා)
• නැවැත්වීමත් සමග ඉක්මනින් නැවත ගැබ් ගැනීම.
• ලාබදායී හා ඉහල ඵලදායීතාවයක් තිබීම.

අවාසි

• බර වැඩි වීම වැනි අතුරු ආබාධ තිබීම.
• රුධිර කැටි සෑදීම හා ඒවා රුධිර නාල වල හිර වීමෙන් සංකීර්ණ ගැටලු ඇති වීම.
• වෙනත් බෙහෙත් වර්ග සමග එක්වීමෙන් විවිධ ගැටලු ඇති වීම (Drug interactions)
  
• ලිංගාශ්‍රිත රෝග බෝවීම පාලනය නොවීම.
  

මේ ක්‍රමය පාවිච්චි කරන්න වඩාත්ම සුදුසු විවාහයට පෙර සිදුකරන ලිංගික එක්වීම් වලදී , අලුත විවාහ උන නමුත් ප්‍රථම දරු උපත ප්‍රමාද කිරීමට බලාපොරොත්තු වන යුවල සඳහා , ගැබ් ගැනීම් දෙකක් මැද, පවුල් සැලසුම් කිරීම් වලදී. හැබැයි අනිවාර්‍යයෙන්ම මතක තියා ගන්න ඕනේ දෙයක් තියෙනවා.. ළමයාට කිරි දෙනවානම් මේ පෙති පාවිච්චි කරන්න හොඳ නෑ.. මොකද ඒ මඟින් මව් කිරි නිෂ්පාදනය අඩාල වෙන්න පුලුවන්...

දැන් මේ පෙති කොහොමද ගන්නේ..???
මේ කාඩ් එකක් ගත්තම හෝමෝන පෙති 21 ක් සුදු හෝ ලා කහ පාටින් සහ යකඩ පෙති 7ක් දුඹුරු පාටින් සමන්විත වෙනවා.. ඔසප් රුධිර වහනය වෙන ආරභක දිනයේ ඉඳලා දවස් 5 ක් ඇතුලත මේ පෙති ගැනීම ආරම්භ කරන්න ඕනේ... සෑම දවසකම නියමිත වෙලාවක් යොදාගන්න ඕනේමෙම පෙත්ත භාවිත කරන්න.. මම නම් කියන්නේ රාත්‍රී කාලයේ කෑමට පසු වඩා යෝග්‍යයයි අතුරු ආබාධ අවම කර ගැනීමට..

පලවෙනි පෙත්තේ ඉඳන් කාඩ් එකේ ඉලක්කම් ගහලා තියෙන විදිහට දවස් 21ක් හෝමෝන පෙති 21 අරගෙන ඊට පස්සේ යකඩ පෙති 7 ඊ ළඟ දවස් 7 ගන්න ඕනේ.. අන්තිම දවස ඉවර උනු ගමන් අනික් දවසේ ආයේමත් අලුත් කාඩ් එකකින් පටන් ගන්න ඕනේ...

බැරි වෙලාවත් පෙත්තක් ගන්න අමතක උනොත් සුපුරුදු වෙලාව ඇතුලේ අවුලක් නෑ ඒ දවස ඇතුලේ කොහොම හරි මතක් වෙච්ච ගමන් පෙත්ත ගන්න.. නැත්නම් ඊළඟ දවසේ පුරුදු වෙලාවට මග ඇරුනු පෙත්ත එක්ක පෙති දෙකක් ගන්න.. දවස් දෙකක් අමතක උනොත් ඊ ළඟ දවස් දෙකේ පෙති දෙක බැඟින් පුරුදු වෙලාවට ගන්න.. දවස් 3ක් මග හැරුනොත් දැන් පාවිච්චි කරන කාඩ් එක මළ පෙරේත කම් නොකර කුනු බක්කියට විසික් කරලා මුල ඉඳලා අලුත් කාඩ් එකක් උඩ කිව්ව පරිදි මුල ඉඳන්ම පාවිච්චි කරන්න... ( අහවල් වැඩේ කරන්න අමතක නැත්නම් අනිවා නෝනගෙන් අහන්න පුලුවන් කම තියෙන්න ඕනේ රෑට නිදා ගන්න කලියෙන් "ඔයා පෙත්ත ගත්තද පැටියෝ" කියලා වත්.)

II. ප්‍රොජෙස්ටරෝන් පමණක් සමන්විත පෙති
මේකට වඩා COCP සාර්තකයි.නමුත් මේ පෙති පාවිච්චි වෙන අවස්තාව වගයක් තියෙනවා.. ඒ COCP භාවිතා කරන්න බැරි තත්ත්ව වලදියි අඩු ගැබ් ගැනීම් සහිත කාල වලදියි.. ඒ කියන්නේ මව් කිරි දෙන මව් වරුන්ට, වයස් ගත කාන්තාවන්ට, පපුවේ අමාරු සහිත කාන්තාවන්ට, දියවැඩියා රෝගයෙන් පෙළෙන කාන්තාවන්ට.. මොකද මේ පෙති වල බලපෑම COCP වලට වඩා අඩු උනාට අතුරු ආබාධ COCP වලට වඩා අවමයි..

III. හදිසි උපත් පාලන පෙති

හදිස්සියේ ශුක්‍ර මෝචනය පාලනය කරගන්න බැරි වෙලා ගැබ් ගැනීමක් වෙවි කියන බියක් තියෙනම් මෙව්වා තමයි පාවිච්චි කරන්නේ.. මෙහෙම දන්නේ නැත්නම් ඔය කට්ටිය POSTINOR®-2 කියන්නේ ඕකට තමයි. හැබැයි පු‍තෝ එකක් මතක තියාගනිල්ලා මේ ත්‍රෙඩ් එකෙන්පස්සේ මුලු ජීවිත කාලෙටම කෙල්ලට හරි, වයිෆ්ට හරි මුලු ජීව්ත කාලෙටම POSTINOR®-2 දෙන්න පුලුවන් එක පාරක් හරි දෙපාරක් හරි විතරයි.. ඕක කෝකටත් තෛලේ කියලා පවිච්චි කරන්න එපා එපා එපා.... මොකද එහෙම උනොත් කාන්තාව වඳ වෙන්න පුලුවන්..

මේ පෙති කොහොමද ගන්නේ..???
ගන්නෙ නම් ෆාමසි එකෙන්.. මට කියන්න ඕනේ උනේ පාවිච්චි කරන විදිහ.. POSTINOR®-2 ගත්තොත් මේකේ පෙති දෙකක් තියෙනවා.. අනාරක්ෂිත ලිංගික එක් වීමකට පස්සේ මෙතන ඇවිත් ත්‍රෙඩ් දදා දඟලන්නේ නැතුව ගන්න POSTINOR®-2 ෆාමසියකින් අරගෙන පළවෙනි පෙත්ත දෙන්න ඕනේ පැය 72 ක් ඇතුලත.. පලවෙනි පෙත්ත අරගෙන පැය 12ක් ගියාට පස්සේ දෙවනි පෙත්ත ගන්න කියන්න ඕනේ...

හදිස්සියට POSTINOR®-2 හොයා ගන්න බැරිනම් මිතුරි කාඩ් එකක් අරගෙන ඒකේ පෙති 4ක් අර වගේම පළවෙනි පැය 72 ක් ඇතුලත ගන්න . ඊට පස්සේ පැය 12ක් ගියාට පස්සේ තව පෙති 4ක් ගන්න.. නමුත් මේ ක්‍රමය POSTINOR®-2 තරම් සාර්ථක නැහැ... ඒත් මේ ක්‍රමය පාවිච්චි කරන්න එපා කියලයි මම නම් කියන්නේ පු‍තෝ... එපා කිව්වේ එපා එපා එපා නිසයි....

මෙන්න වැදගත්ම එක මේ උපත් පාලන පෙති බොන්න ඕනේ පිරිමි එකා නෙමෙයි කාන්තාවයි... නැත්නම් පුලුවන් නම් උඹලා බීලා අහවල් වැඩේ කොරලා කෙල්ල ප්‍රෙග්නන්ට් කියලා ත්‍රෙඩ් දාපල්ලා මටත් බැන බැන.. මොකද ලංකාවේ ලිංගික අධ්‍යයාපනය එච්චරටම සාර්ථකයි.. ඒ නිසා ලිංගික අධ්‍යයාපන දැනුම චොරේ චොර....

B.ඩිපො-ප්‍රොවෙරා නික්ෂේපණය (Depo-Provera Injections)

මේ ක්‍රමයේදී පාවිච්චි වෙන්නේ Depot medroxy progesterone acetate (DMPA) කියන රසායනික ද්‍රව්‍යය.. මේක අන්තර් පේශි (Intra muscular) වලට දෙන ඉන්ජෙක්ශන් එකක්.. අතේ උඩම පේශියට හරි එහෙමත් නැත්නම් තට්ටමට හරි දෙන්න පුලුවන් ... මේකත් හිතු මනාපෙට කරන්න එපා වෛද්‍යය වරයෙක් හම්බු වෙලා ගහ ගන්න.. මොකද තත්ටමට ඉන්ජෙක්ශන් එකක් ගහන්න පුලුවන් උඩ පිටත කොටසට විතරයි (Upper Outer Quadrent of Buttock)

මේක මගින් එක දිගට මාස 3ක ආරක්ෂාවක් ලබා ගන්න පුලුවන්... මාස 3 කට සැරයක් නොකඩවා උපත් පාලනය කරන්න බලාපොරොත්තු වෙනකන් ඉන්ජෙක්ශන් එක ලබාගන්න ඕනේ...

වාසි

• මාස 3 කට සැරයක් පමණක් ලබා ගත හැකි වීම.
• ඉහළ ප්‍රතිපල තිබීම.
• ආරක්ශිත වීම.

අවාසි

• බර වැඩි වීම.
• ඔසප් අක්‍රමිකතා ඇති වීම.
• නැවැත්වීමෙන් පසු ටික කාලයක් යන තුරු ගැබ් නොගැනීම.

මේ ක්‍රමය පාවිච්චි කරන්න පුලුවන් මව් කිරි දෙන කාන්තාවන්ට, පවුල් සැලසුම් කිරීමට, ගැබ් ගැනීම් අතර පරතරයක් තැබීමට..

C.චර්ම අභ්‍යයන්තරික තැන්පතු - Subdermal Implants

මේකේ තියෙන්නේ කුඩා පටි 6 කින් සමන්විත තැන්පතුවක්.. මේ පටි 6 අතේ බාහුවක චර්මයේ ඒ කිව්වේ හමට යටින් තැන්පත් කරනවා... මේක අවුරුදු 5ක් යනකන් උපත් පාලනයකින් තොරව ආරක්ෂාවක් ලබා දෙනවා.. දැන් උඹලා බලයි අතේ තැන්පත් කලාම කොහොමද උපත් පාලනය කරන්නේ කියලා.. මේ පටි වල ප්‍රොජෙස්ටරෝන් අඩංගු වෙනවා.. මේ ප්‍රොජෙස්ටෙරෝන් මඟින ගර්භාෂය මත ක්‍රියා කරලයි උපත් පාලනය කරන්නේ.... ඒ වගේම ඉවත් කිරීමෙන් පස්සේ ඉක්මනින් ගැබ් ගැනීමත් සිදු වෙනවා....

පවුල් සැලසුම් කිරීම් වලදි තමයි වැඩිපුර යෝග්‍යය.. ඒ වගේම බර වැඩි වීම, ඔසප් අක්‍රමිකතා ඇති වීම වගේ අවාසි තියනවා...


2. ස්ථීර ක්‍රම
මේක නම් කරන්නේ ගොඩාක් අඩුවෙන් තමයි තවම ලංකාවේ.. කරන අයත් ඉන්නවා... මේකේදි කරන්නේ කාන්තාවකගේ පැලෝපීය නාල දෙක ගැට ගහලා කපා දැමීමෙන් අවහිර කිරීම (LRT - Ligation & Resection of Tubes) හෝ පිරිමි කෙනෙකුගේ ශුක්‍රාණු ගමන් කරන නාල (Vas deferens) නාල දෙක ගැට ගහලා කපා දැමීමයි (Vasectomy) .. ඔන්න තේරුම් ගන්න පහලින් පින්තූර දෙකකුත් දැම්මා...

කාන්තාවකගේ කරන විදිහ

පිරිමියෙකුගේ කරන විදිහ

පෝස්ට් එක ගොඩාක් දිග උනා.. තවත් බෝරින්ග් පෝස්ට් එකක් මේ විදිහට අවසානය සනි‍ටුහන් වෙනවා.. හැබැයි උපත් පාලනය III කියලා කොටසකුත් ඊ ළඟ සතියේ EK එකේ මගේ නමින් එලි දකිවි... මොකද මේ කොටස් දෙකටම වඩා III කොටස තමයි වැදගත්... මොකද ඒ ඒ අවස්තාවලදී යොදාගන්න සුදුසුම උපත් පාලන ක්‍රම ටික සාරංශ කරලා Thread එකක් දාන්න ඕනේ.. උදාහරණයක් විදිහට අලුත බැඳපු කපල් එකකට හොඳම උපත් පාලන ක්‍රම මොනාද.. ගණිකාවකට යොදා ගන්න පුලුවන් හොඳම උපත් පාලන ක්‍රම මොනාද කිය කියා අවස්තා 6ක් ගැන කතා කරනවා.. ඒක නිසා අනිවා ඒකත් කියවපල්ලා....

මම මේ පෝස්ට් එකට සෑහෙන්න මහන්සි උනා MTA ගහන්න තියෙන වෙලාව අපරාදේ... මට රෙප් වලින් වැඩක් නෑ.. ඒත් පොඩි ඉල්ලීමක් කරන්නම් වෙන කෙනෙක්ට හරි දකින්න මේක බම්ප් කරලා යමල්ලා.. මොකද රෙප් 100 කට වඩා එක පෝස්ට් එකක් දැක්කම මට දැනෙන සතුට විශාලයි..

එහෙනම් අපි ගියා.. ලබන සතියේ උපත් පාලනය III කොටසින් හමු වෙමු...

 

[luckyluke111]

මෙන්න මගේ කලින් ත්‍රෙඩ් වල ලින්කුව..
http://www.elakiri.com/forum/search.php?do=finduser&u=440453&starteronly=1

බැරි වෙලාවත් ලින්ක් එක වැඩ කරන්නේ නැත්නම් මගේ public ප්‍රොෆයිල් එකට ගිහිල්ලා ඒකේ තියෙන statistics tab එකට ගිහින් Find all threads started by luckuluke111 කියන එක click කරන්න.. මගේ ත්‍රෙඩ් සෙට් එකම ලැබෙයි එතකොට.


ස්වභාවික උපත් පාලන ක්‍රම ( උපත් පාලනය I )
කාන්තාවකගේ ඔසප් චක්‍රය ගැන දන්නවාද...??
වඳ භාවය (+18 නොවේ)
ගුද මාර්ග සංසර්ගය (+21 පමණයි)
කාන්තාවකගේ අධි සෘංගාත්මක කලාප (++ 21)
බල්ලන් සහ ලිංගිකත්වය ( +21 වැඩිහිටියන්ට පමණය&#
ස්වයං වින්දනය....
සුරාන්තය ප්‍රමාද කරමු II ( +21 පමණයි )
සුරාන්තය ප්‍රමාද කරමු I ( +21 පමණයි )
රස සංවේදී හදවතක් ඇත්තවුන් සඳහා පමණයි...
පාරවල් හිටින්න මුහුදේ නැව් යන්නම ඕනෙද.??(+21 පම
කර්ණපටහා පටලය ( +18 )
හැම මනුස්සයෙක්ම මෙහෙම උනා නම්......

 

[mudrana]

good thread. habai ape un ooka koi widhihata gani da danne nehe

rep added

 

[කෝරලේමහත්තයා]

එල..මචං වැදගත්දෙයක්..දැන් වඩාත්ම උචිත මොකක්ද?+4

 

[luckyluke111]

good thread. habai ape un ooka koi widhihata gani da danne nehe

rep added

එල..මචං වැදගත්දෙයක්..දැන් වඩාත්ම උචිත මොකක්ද?+4

ඒක පවිච්චි කරන අවස්තාව අනුව වෙනස් වෙනවා... III වෙනි කොටසින් දාන්නම් තමාටම ‍තෝරගන්න පුලුවන් වෙන්න....

 

[Edition]

ෆට්ට යකෝ.ආයෙ කතා කරන්න දෙයක් නෑ.වෙනදා වගේම එළකිරි ත්‍රේඩ් එකක්.

 

[කෝරලේමහත්තයා]

ඒක පවිච්චි කරන අවස්තාව අනුව වෙනස් වෙනවා... III වෙනි කොටසින් දාන්නම් තමාටම ‍තෝරගන්න පුලුවන් වෙන්න....

එල..එල..අපිටත් ලින්කුවක් හලාගෙනයන්න ..

 

[මම කට්ටා]

අනාගතේට ප්‍රයෝජනවත් වෙයි..

​

 

[Harsh7046]

SAVED
Superb doky thanx

 

[luckyluke111]

ෆට්ට යකෝ.ආයෙ කතා කරන්න දෙයක් නෑ.වෙනදා වගේම එළකිරි ත්‍රේඩ් එකක්.

එල..එල..අපිටත් ලින්කුවක් හලාගෙනයන්න ..

එළ මචං මම උඹට PM එකක් දාන්නම්....
​

අනාගතේට ප්‍රයෝජනවත් වෙයි..

​

bp

SAVED
Superb doky thanx

 

[Harshat92]

"MTA ගහන්න තියෙන වෙලාව අපරාදේ..."

awlak na uba game eketh online Chat support ekak denawane
​

 

[r.pathirana]

mewa nam mala jarawak ban genita adare nam mewa danna epa

 

[walkernet]

elakiri macho

 

[Iron Monger]

ela ela....

 

[luckyluke111]

"MTA ගහන්න තියෙන වෙලාව අපරාදේ..."

awlak na uba game eketh online Chat support ekak denawane
​

​

mewa nam mala jarawak ban genita adare nam mewa danna epa

ඔව් අතුරු ආබාධ වැඩියි බං....
​

elakiri macho

ela ela....

 

[Thilinacba]

dannenathi dewal godak igena gaththa thread eka liyanna godak mahansiwela tiyenawa ne machan
+8 added machan

 

[shanehbrsj]

tfs
rep+

 

[luckyluke111]

Bump

dannenathi dewal godak igena gaththa thread eka liyanna godak mahansiwela tiyenawa ne machan
+8 added machan

tfs
rep+

 

[crazybuddy]

එලකිරි මචං.. ඊයෙ රෑ නම් උඹගෙ මණ්ඩලේ කචල් වෙන්ඩ ඇති නේ.. අපි අහපු ප්‍රශ්න වලට.. හරි සිහියකින් ගේම් එක ප්ලේ කරන්න බැරි වුණානේ ඊයෙ.. අහපු ප්‍රශ්න වලට උත්තර දුන්නා මිසක..

වටින ත්‍රේඩ් එක මචං.. ගොඩක් දේවල් ඉගෙනගත්තා.. එළකිරියෙ ඩොක්ටර්ලා දෙන්නෙක් ඉන්නවා.. උඹයි Dr.Nac කියන බුවයි.. ඒ ගැන සතුටුයි..

අර ඊයෙ උඹ දීපු පෙත්ත මං බොසා ටවුන් ගිය වෙලාවෙ ලියල දුන්නා ගේන්න කියලා.. දීලා නැහැ බං.. ඩොකෙක්ගෙන් අවරසර අරන් එන්ඩ කිව්වලු..

REP 14+
​

 

[♥-Aurora-♥]

දැන්ම නම් උවමනාවක් නෑ. කොයි දේත් දැනං ඉන්න තරමට හොඳයිනෙ
මේ වැඩේ නං සෑහෙන්න වටිනවා මොනා උනත් ඔබට පිං
5+ ~♥~